尋找方向
2012年10月14日 星期日
爸爸出TRIP 了…
2012年10月14 日 (星期日)
由於爸爸要搭早機既關係, 七點鐘就要到達機場… 所以嘛, 就是要搭六點鐘班巴士呢…
凌晨五點鐘, 鬧鐘響起, 張氏夫婦都起床了… 同時間, 聽到恩晞喊聲, 就是要食奶了… 整頓好恩晞過後, 張師奶就是坐在客廳看著張先生整理行裝…
看著快近六點了, 張師奶忽然鼻子一酸… 哎呀! 好唔捨得張先生咁的… 也許, 我們出trip 的機會相對地少吧… 計算一下, 張先生對上一次出trip應該已是五年多前的事… 當時, 我們還是新婚, 住在天水圍呢…
今次嘛! 是恩晞出世以來, 張先生第一次出門去… 同時, 也許平時都是張先生照顧恩晞多, 張師奶實在覺得有一點點壓力, 就是怕照顧得恩晞唔好呢…
六點鐘, 爸爸出門去… 張師奶嘗試再瞓, 就是輾轉反側, 怎睡也睡不著呢… 好不容易瞓著了, 就是在八點多鐘發惡夢扎醒了…
十點鐘左右, 婆婆公公前後腳咁上黎幫手了… 不過, 恩晞嘛, 就是時時刻刻的痴住媽媽唔放… 什麼也是要媽媽…
原本婆婆想夜晚留低瞓客廳幫手的… 但係, 由於張師奶太了解婆婆了, 佢係瞓唔到陌生床的… 要是因著夜晚休息唔夠, 早上又要花精神照顧恩晞而病倒了到時仲麻煩, 張師奶就是叫婆婆回家去呢..
更何況是, 恩晞而家大個咗, 係佢扭眼瞓既情況下, 其實唔係人人都肯跟的了… 要是留婆婆喺道, 但係又只會令佢無覺好瞓, 咁我寧願婆婆可以返屋企好好休息呢..
的而且確, 恩晞今天係有一點點痴身的… 半夜也有如常地喊醒… 不過, 總算ok 啦! 感恩!
2012年10月13日 星期六
執行李…
2012年10月13日 (星期六)
原本諗住今早同公公婆婆飲茶去… 不過, 恩晞今早差不多九點才起床, 我們遲了… 公公婆婆就是俾yoyo姨媽call 咗去幫佢哋睇家茵表妹呢!
咁點樣!? 咪就係我哋一家三口自己食早餐囉… 食乜好!?
話說爸爸幫恩晞著鞋之際, 恩晞就是同爸爸說, “我哋返教會呀!”… “唔係!”… “咁我哋而家去邊呀!?”… “食早餐!”… “咁我哋食乜嘢呀!?”… “um… 食通粉… “ 此時此刻, 張恩晞忽然一副鬼馬樣, “食通粉? 不如去麥當勞啦!”… 張氏夫婦看著這個畫面, 實在不禁地一齊笑了… “好啦! 食麥當勞呀!”…
吃過早餐, 就是回家執行李去了…
恩晞嘛, 就是叫daddy 放自己落去喎… 哈哈哈!
與此同時, daddy 放乜嘢落去, 佢轉頭又執番出黎… 特別係爸爸嗰幾個杯麪, 恩晞當佢哋係平時d 玩具杯咁玩… 哈哈哈!
張氏夫婦嘛, 也就同時跟恩晞不斷說daddy 要出去做嘢有好幾日唔返屋企呀… 恩晞要乘呀..
希望咁樣真係有用, 好讓恩晞有一定的心理準備吧!
2012年10月12日 星期五
表姐又黎咗同恩晞玩喎!!
2012年10月12日 (星期五)
由於張先生星期日要飛嘛, 今天放工以後, 就是作最後檢閱到底仲有無d 乜嘢需要添置….
七點五十分, 正當張氏夫婦仍在商場之際, 就是收到公公的來電, 說姨丈, 姨媽媽同表姐都在我們家中喔!
噢… 等我們開飯??? 一下子, 張氏夫婦真是不懂反應呢?
打開大門, 就是看到恩晞在跳, 跳, 跳… 每次她見到姨媽媽一家就是如此開心的呢… !
不明所以的化學作用…
2012年10月11日 星期四
飯聚…
2012年10月11日 (星期四)
今天晚上, 張師奶又請假出街同朋友仔食飯喇!
同邊個去? 咪就係主人, CAROL 同美明囉… 上一次見面已是六月份同主人慶祝生日時了… 換言之, 我哋又有三個幾月無見過面了…
今晚飯聚的地方係張師奶最喜愛既聚腳點之一, 九龍塘又一城間DAN RYAN…
鍾意呢到既原因, 一來係就腳, 返屋企方便… 另一樣嘢, 就係可以坐得舒服同坐得耐D, 係一個同朋友仔傾偈既好地方… 同時間, 張師奶真係好鍾意佢哋個muffin 呀… 仲有, salad, combo 等等啦..
昨晚一行四人, 七點半前已經齊腳了, 多好! 可以開餐喇!
CHK & PAPAYA SALAD
APPETIZER COMBO
LOUISIANA CRAB CAKE
US RIB EYE STEAK
LINGUINE W/ CLAM
四個大胃王, 竟然清晒所有嘢呀, 勁呀!
說東說西, 話咁快就九點半喇! 係時候散場了…
大概十點十五分返到屋企, 恩晞仲未瞓覺可以俾我攬下先… 真好!
2012年10月10日 星期三
2012年10月9日 星期二
為有覺好瞓而感恩…
2012年10月9日 (星期二)
實在, 恩晞由細到大都唔屬於那種瞓得太好既小朋友… 半夜點都會喊吓, 甚至開PARTY 一樣(有時扭到瞓唔番)… 所以嘛, 自恩晞出世以來, 張師奶好似無試過可以一覺瞓到大天光了…
實在, 早幾天, 也許因著咀仔上飛滋痛, 既唔可以食奶咀, 又唔可以咬被, 恩晞既睡眠質素差到不得了… 半夜嘛, 瞓一陣又喊, 瞓一陣又喊… 有時拍拍下可以瞓番, 有時就是抱起來安撫一番… 所以嘛, 過去幾日, 張師奶真係好似無乜瞓過咁..
昨天晚上, 十點半餵過支奶後, 恩晞就是很快自己入睡了… 凌晨兩點多, 張師奶自己醒了, 到隔離房看看恩晞, 就是給她換了片片便再瞓覺去… 五點幾六點, 自然醒情況下又看看恩晞, 再為她換了片片又可以瞓覺去… 今早嘛, 就是被鬧鐘響醒的…
張開眼睛, 第一時間就是想到了恩晞… 未有洗臉刷牙, 就是先到恩晞房間看看呢個小朋友… 哈哈, 我諗佢都應該甘差不多瞓醒了… 點解? 因為佢都開始左碌右碌了…
刷牙洗臉之際, 張師奶忽然覺得好像好耐無試過咁様瞓覺了… 雖然半夜有醒, 但係, 見到恩晞可以好好咁瞓一覺, 內心滿是感恩呢!