尋找方向
2008年5月31日 (星期六)
小B, 知道嗎? 今日o係敏姨媽同Alex姨丈的安排下, 有一位牧師o黎到我o地屋企探訪啊.. 是你第一次跟牧師接觸的日子...
牧師感覺好親切, 爸爸媽媽亦將小Bo既故事毫無保留咁講出o黎... 感謝神, 俾爸爸媽媽再次肯定主與我們一家同在... 感謝神, o係乜事都會擔心, 乜事都會怕的媽媽身旁, 安排了很多小天使陪伴媽媽, 指引媽媽...
小B, 知道嗎? 爸爸媽媽有好好o既家庭, 公公, 婆婆, "麻麻" 都好愛我o地啊! 所以小B 你一定要健健康康咁成長, 好讓我們的愛重重的保護你...
感謝神, 安排媽媽的大學同學-Crystal 姨姨去分享佢o既懷孕生產經歷, 好讓媽媽可以從中學習....
小B, 我們要努力啊! 今天18週的您, 能感受到身邊所有人的支持嗎?
期待著您的出世啊!
2008年5月21日(星期三)
今天是四姑媽結婚的大日子, 爸爸媽媽5:30am 便起床, 準備要在8:00前要到達"麻麻" o係天水圍的屋企... 為了今天這個大日子, 媽媽o係上星期特別選購了新衫新鞋.... 媽媽還戴了隱形眼鏡呢... 但係, 我諗媽媽因為太耐無戴隱形眼鏡的關係, 今早足足花了半小時的時間才戴上, 結果就阻遲了出門的時間... 令爸爸著急到不得了... 仲有呀.. 爸爸可能因為昨日幫麻麻手太操勞的關係, 爸爸今早唔舒服呢...
因為爸爸怕媽媽同小B肚子餓, 到了天水圍後, 還到了麥當勞買早餐給媽媽吃呢... 是板燒雞腿通粉.... 仲有為小B而設的鮮奶呢....
經過了所有出門儀式, 爸爸真的受不了, 終於要去睇醫生了.... 剩下了媽媽, 就只有看看電視, 稍作休息吧...
四姑媽回門之後, 我們便要出發到酒樓去... 中途還到黃金海岸拍拍照呢... 可憐的媽媽又俾那些可惡的蚊子咬到了.... 紅腫痕癢.... 唉.. 但願小B的皮膚會比媽媽好... 不要受這些苦啊..!
到了酒樓以後, 媽媽換了一套閃閃晚裝.... 爸爸媽媽買這條裙子的時候, 是人家應該不易察覺到小B... 但係唔知係唔係經過幾日之後, 小B一日一日長大, 小B應該收埋不了.... 因為在坐的賓客, 有意無意都像在看著我(即是媽媽的肚子)... 其間更有爸爸的親友直接問爸媽是否有了小寶寶呢....
媽媽, 小B巳經長大了........ 你不再是一個肥妹仔, 是一個大肚婆喇!!!
2008年5月16日(星期五)
由於爸爸媽媽一直都未能立定主意小B要在公立醫院, 還是私家醫院出世, 所以今日爸爸媽媽便帶小B到沙田看看一個o係仁安醫院掛牌的余醫生...
由於今次的診所是有很多醫生共用的, 與馬醫生的相比, 護士姐姐都不及馬醫生的親切....
等了差不多一小時, 終於見到了余醫生... 是一個親切的男醫生.. 可能是第一次見面的關係, 而醫生叔叔講o野比較全面, 他再次將我膽小的媽媽嚇倒了, 媽媽又再一次思索同擔心小B的頸皮問題...
主啊, 求你幫助, 求你讓兒女知道一切都在你掌管中...
2008年5月5 日(星期一)
今日媽媽要到威院做第一次生檢, 由於媽媽之前同爸爸講過話自己一個去都可以, 所以爸爸沒有預先請假... 不過, 因為媽媽呢兩日覺得特別累, 由於爸爸都是十萬個不放心, 爸爸都是請了半天假陪媽媽一齊去檢查...... (老公大人, 多謝您!)
今日的檢查其實同健康院的差不多, 都是問及個人資料, 作一些基本的檢查.... 最大的得著就是因為張先生o係到, 我地報了一個七月份的產前講座, 同埋因為張先生o係到, 佢幫我問醫生寫了轉介信, 可以到物理治療部報讀產前運動班... 感謝主, 為我安排了這樣細心, 貼心的丈夫. 讓我得到倚靠.....
