期間限定…

2010年12月12日 (星期日)

一班大學同學原先約好在十一月頭來張宅探張師奶同恩晴BB架… 奈何, 上次張師奶因為要遷就屋企人而要改期, 就係咁, 張師奶呢班朋友仔要到十二月先過黎呀…

實在,  收到AUNTIE CHERRY (車厘子)的SMS 話有D “期間限定”既禮物預備左俾恩晞BB, 想先把禮物寄過黎, 就是被我這個媽媽制止了… “搵日過來睇下恩晞BB好過寄上禮物啦”…. 就係咁,  車厘子約下約下, 約埋其他同學仔一齊上黎張宅喔!

張師奶的朋友真的太有心了… 大家好記得十二月是張師奶的生日月份… 同樣地帶來了蛋糕跟張師奶慶祝…

至於車厘子所預備的”期間限定”禮物, 原來係佢自己親手整的冷帽仔呀… 超靚超可愛呀… 

當然, 仲要多謝水晶姨姨所送既”學習杯”同埋VENUS姨姨係泰國買番黎既BB仔衫啦…

大合照是也.... 恩晞BB叻叻望鏡頭喎....

唔計恩晞BB, 其他三個大人都係十二月生日之星....

嘩... 好靚既帽仔呀... 多謝CHERRY 姨姨...

VENUS 姨姨, 多謝晒你件靚衫衫同利是呀..!

五日過後, 張氏夫婦讓恩晞BB穿上收到既禮物... 你地睇下, 恩晞BB幾醒神!!!

YEAH! 姨丈請食大餐!

2010年12月10 日 (星期五)

十二月, 可以說是慶祝月… 點解, 因為昨日剛剛才為爸爸慶祝生日, 今天, 就是為WENDY姨媽慶生喔!

好開心呀! 家姐今天這個生日, 人人都快樂, 因為姐夫請食大餐, 自助晚餐是也…  哈哈, 張師奶真的很期待這個自助晚餐, 因為, 陀住恩晞BB的時候, 食得多又唔係, 食得少又唔係, 想飲杯咖啡奶茶又唔敢… 今日喎, 恩晞BB已經出世嘛, 張師奶就可以大刷一餐喇!

因著要出席呢個年青壽宴的關係, 張師奶又一次藉故交低恩晞BB俾婆婆睇住, 一個人走左出去沙田一田買生日禮物…  買野俾我呢個家姐都好有難度架, 想買D實用D既, 又唔希望太CHEAP咁啦…  上年買左手袋, 今年呀, 買飾物? 好似唔係好實際…  買其他野, 又唔知買乜好… 最終嘛, 都係買番手袋…  上年買左大手袋, 今年就買個小手袋啦…

下午四點半鐘, 夾啱恩晞BB應該會肚餓的時候回到家中餵奶…  餵左一陣子, WENDY姨媽殺到喇… 話睇下我地準備好未, 姐夫來接埋我地一齊出去…  咁樣, 就可以坐私家車, 唔使搭地鐵囉…

到達酒店, 恩晞BB都OK.. 家姐抱下, 姐夫抱下咁, 都無乜點嘈, 之後, 姨丈仲成功令佢乖乖入睡添…  不過, 我地食大餐, 恩晞BB都要開餐呀…  食飽飽過後, 玩 一陣當然就到扭眼瞓時間啦… 食自助餐的環境或者太嘈了, 恩晞BB有點忟憎喔… 最終嘛, 就係我呢個媽媽試下抱佢出去行下咁囉…

不過咁, 我呢個媽咪始終無爸爸咁了解阿女既脾性, 最終, 都係由張先生搞掂… 唉! 真失敗…

P.S. 今天, 瑤姨媽為莫家十二月之星都準備咗生日禮物呀, 係超昂貴既手袋… 唉! 張師奶一直都無用名牌袋既習慣, 成千幾二千蚊個袋, 張師奶真係唔想浪費呢個家姐既心意… 哈哈, 即係點? 咪就係叫佢”係咁二”節現送份禮物俾阿女就OK啦, 現金五百蚊落袋, YEAH!!!

講真啦, 張師奶都唔知旁邊那隻係乜東東... 不過見佢幾得意, 咪抱住恩晞BB同婆婆一齊影張相囉!!!

WENDY姨媽同瑤姨媽..... WENDY姨媽, 生日快樂呀!!!

張先生生日喔!

2011年12月9日 (星期四)

今天，是張先生的生日喔! 過去數年, 儘管張師奶 “極少”準備驚喜和生日禮物俾張先生, 也會在他生日的時候找個地方吃個晚飯… 今年不同的是, 我們多了恩晞BB… 要帶埋BB一齊出外食晚飯實非易事… 所以呢, 今年就連出外吃飯的環節也缺少了…

今天一早, 婆婆同張師奶都KEEP住話下午要帶恩晞BB落商場買個生日蛋糕… 奈何, 由於阿囡瞓左覺, 而疲態到不得了的張師奶又抵受唔住周公子的傳呼… 生日蛋糕嘛, 到張先生放工回來以後也未買到呢…

不過咁, 話晒今年都係恩晞BB第一次同爸爸過生日, 點可以無切蛋糕呢個特別環節呢… 就係咁, 張師奶用最快的速度食飽飽, 就立即衝落街去買蛋糕返黎… 

A-ONE BAKERY…. 細細地既蛋糕啱晒啦!

個生日蛋糕都幾靚呀!

爸爸與恩晞BB....

我們這一家...

爸爸切蛋糕... 恩晞BB都唔知佢做乜野...!?

 

好友相聚…

2010年12月8日 (星期三) 

好友相聚…

KALI回港工幹不經不覺已有一個月的時間, 明天晚上, 就是她要回法國的日子了…  由於張師奶仍在休養生息期, KALI好好, 就是在她回法國之前也特意到訪馬鞍山跟張師奶食個LUNCH, 好讓張師奶有藉口放低恩晞BB一陣子, 趁機”偷走”出來鬆一鬆…

隨意的選擇了到 “椰林閣”吃個午餐, 談談這, 說說那, 享受極了…  席間, KALI送上”陪著你走”的書本給我, 是她知道我一直有睇CARMEN的故事而送上的…  我想, 我們實在要學懂珍惜所擁有的, 時常感恩…  不時看別人有幾慘而讓自己覺得自己幸福, 是要從他人的經歷去學習生活…

生產亦霜的經歷讓我倆夫婦繫得更緊, CARMEN的經歷, 看在張師奶的眼內感受更深…  我想, 在很多人眼中, 迎接新生命是開心事, 這是理所當然的… 但係, 只要我們看得多, 看得遠, 就知道很多事情也不是必然吧…

午飯過後, KALI說要跟我這個師奶朋友提前慶生, 我們就是走到A-ONE BAKERY買個小型蛋糕喔!

回到家中, 恩晞BB剛好睡覺, 也造就了我們可以繼續暢談呢…  我想, 最叫張師奶佩服的, 也莫過於KALI跟我媽媽大談入廚心得, 如何發花膠, 海參…  婆婆嘛, 就像在上堂一樣喔! 真的很佩服KALI呢!

及至恩晞BB醒來, 張師奶要餵人奶的時候, 好朋友也就是可以獨處的繼續傾, 傾, 傾…  哈哈! 我想, 好朋友就是這樣子了, 大家也已為人母, 實在也沒什麼好避忌喔! 讓恩晞BB吃飽飽, 張師奶就是要回奶奶家攞湯去….

在返天水圍以前, 張師奶就是陪KALI到商場, 看看是否可找到”森林家族”的玩具, 好讓她帶回法國給ALICE作禮物… 只可惜, 就是找不著呢!

不打緊, 張師奶話, 我會盡力試下係淘寶是否也可找得著這個家族呢… 

KALI, 出年見喇!   

KALI 送o既生日蛋糕...

KALI 媽媽... 係時候生多個喇!!!