2012年8月30日 (星期四)
手機壞咗, 心情真的受到了影響… 不過, 爸爸真的是很好很好… 知道我想在巴士上聽收音機, 就是把自己的手機讓俾張師奶, 而他自己就用番”史前”NOKIA手機….
放工以後, 張先生更是幫我到SAMSUNG 維修部輪候整理電話呢… 張師奶嘛, 就是要去做一做facial 放鬆一下…
Facial 過後, 跟yoyo家姐及家茵晚飯後, 再到千色店走了一趟便回去了…
今日收穫, 就是在千色店買了特價泳衣俾恩晞明年著… 同家茵表妹嗰件一模一樣架…
尋找方向
2012年8月30日 星期四
2012年8月28日 星期二
2012年8月22日 星期三
恩晞第一次到意粉屋晚飯…
2012年8月22日 (星期三)
由於會員証快將到期而我哋又有d劵未用晒既關係, 跟張先生相討論後, 不如今天晚上到沙田一趟喔!
跟婆婆約好, 就是七點左右到沙田去… 由於張先生可以準時放工, 就是可以先到意粉屋等位去… 而我嘛, 也可以第二個到達餐廳… 公公, 婆婆同恩晞則最遲先到…
恩晞嘛, 離遠看到爸爸媽媽, 就是坐在車仔上好開心咁笑了, 彷如想立即從車仔跳落地一樣…
今次係恩晞第一次到意粉屋呀… 飲湯同食粉, 食pizza都話好好味….
看著這個小寶貝同爸爸坐在對面好開心咁… 張師奶嘛, 就是滿心歡喜了, 感恩!
2012年8月20日 星期一
大出血…
2012年8月20 日
每年一到換季既時候,也就等於大減價時間. 亦是張師奶開始瘋狂的時候…
自從恩晞出世以後, 張師奶所買的, 往往就是為恩晞而買… 衫, 衫, 衫... 雖然明知唔以著好耐, 但係, 望到d 得意既衫仔, 就係好想讓恩晞可以著住囉…
恩晞細個時, 大部份既衫都係淘寶到買的… 不過, 由於越來越多人識淘寶, 價格加埋運費比起兩年前貴多了… 所以嘛, 有時香港見到靚既衫, 張師奶也會照買…
而尖沙咀呢間樓上舖, 可以話係張師奶每年必去既地方…. 買200 減100 這個銷售模式, 感覺太吸引了吧… 不過真係斷晒碼, 要揾到啱既其實都唔易呢…
不過咁, 張師奶又點都揾到一d 囉… 哈哈哈!
2012年8月19日 星期日
美食博覽
2012年8月19日 (星期日)
Well, 一年一度既美食博覽, 張師奶又點會錯過呢…
差不多一個月前, 張師奶已為這件盛事籌謀著… 哈哈… 點解咁大件事? 因為, 能夠讓張氏夫婦可以置身美食博覽中, 第一件事要解決的, 就是要諗定邊個可以幫手照顧張恩晞…
適逄星期日, 張師奶第一個埋手的當然係姨媽媽一家啦… 因著姨媽媽一家剛搬到港島區嘛, 張師奶既如意算盤, 就係返教會後, 讓恩晞跟住姨丈姨媽… 張氏夫婦嘛, 那就可以動身到會展去, 之後再到姨媽媽屋企接返恩晞回家去… 那麼, 也可當作是house warming 嘛… 哈哈!
就此, 一個月前, 張師奶已向姨媽媽提交這個建議書… 之前, 姨媽媽既答覆都係睇下到時點架… 所以嘛, 張師奶都預咗呢個如意算盤未必打得響的…
不過, 今天返到教會見到表姐, 表姐第一句就同我呢個姨姨講, “媽咪話今日我哋接收張恩晞呀, 係唔係呀!?”…
聽到呢個說話後, 張師奶心中”yeah”了一聲並想: “好嘢, 可以去美食展….”
奈何, 今天的恩晞比平時早瞓了… 崇拜中段, 恩晞已經瞓著了… 不過, 坐在車仔上又點會瞓得耐呢… 當崇拜完畢時, 呢隻豬仔被嘈醒了… 我想, 大概瞓咗四十分鐘左右吧… 唉! 四十分鐘又點夠呢… 所以嘛, 就是張開眼睛見到姨媽媽一家都唔肯跟呀… 加上姨丈今天無剃”蘇”, 恩晞有點點怕咗姨丈呀…亦因為咁, 張氏夫婦就是諗, 也許我們的計劃就是要告吹吧!
不過, 經過一個午飯時間既warm up, 恩晞又再一次融入姨媽媽家中喇… 吃飽飽之後, 媽媽問恩晞跟姨媽媽返屋企好唔好時, 恩晞再無反抗了… 就是跟爸爸媽媽講再見…
亦因為咁, 張氏夫婦向會展進發喇!
三點鐘進入會場開始迫, 迫, 迫… 奇怪, 好似無乜平嘢咁既… 行了兩個小時, 吃了點東西, 買了少少月餅就已經無乜心機行喇… 始終, 張氏夫婦又有d 掛住張恩晞啦! 就係咁樣, 五點鐘, 我哋就離開會場向姨媽媽新居出發了…
六點鐘左右到達姨媽媽所住既屋苑, 正好, 恩晞跟姨媽媽也去街回家了… 恩晞見到爸爸媽媽既出現是莫明的開心… 跳, 跳, 跳…
甫進姨媽屋企, 呢個小朋友好似返到自己屋企咁, 跟住表姐走入房玩無出過客廳呢…
坐上了半小時左右, 就是到酒樓吃飯去… 不一會兒, 恩晞開始撐唔住, 開始眼瞓要扭抱了… 抱咗一陣子, 呢個小朋友就瞓著了…
上姨媽屋企攞番d嘢之後, 我們就是起程回家去了… 而恩晞嘛, 就是在搭電梯離開姨媽媽屋企時醒了… 之後在巴士嘛, 就是一直瞓唔返… 喊下停下咁… 知道呢隻豬仔應該係好眼瞓的了… 佢今天有咁既表現, 真係好叻的了…
2012年8月17日 星期五
LUNCH BUFFET …
2012年8月17日 (星期五)
由於家姐有半日補假的關係, 兩姊妹就是有意趁著表哥表姐尚未開學的時候吃一次午市自助餐去… 哈哈… 平d 呀嘛… 星期二晚討論的時候, 就是想著也許星期五會較方便吧!
誰不知… 一個” 啟德”到訪, 彷彿令這個計劃要告吹一樣… 不過, 經過一晚八號風球以後, 當三號風球取而代之時, 我哋既大計可以如常實行了…
早上簡簡單單吃了點婆婆由街市買回來的腸粉, 到差不多十一點, 張師奶就是跟公公, 婆婆同恩晞一同出發去… 而姨媽媽嘛, 就是同表哥, 表姐先出發到調景嶺地鐵站接了家茵表妹同工人姐姐再出發到酒店去… 點解會接埋家茵? 因為佢媽咪知道我哋諗住食buffet, 佢又話請半日假去囉… 所以嘛, 姨媽媽就係幫手湊埋家茵出去囉…
恩晞次次見到姨媽媽一家就最開心… 姨媽媽一到, 恩晞就立即要跟姨媽了… 起初同公公婆婆一齊坐既恩晞, 最後仲扭計換咗位同姨媽媽坐呢… 姨媽表姐出去攞野食, 呢個小朋友又跟埋出去… 見到佢開心, 作媽媽的張師奶也都開心呢..
吃畢自助餐, 就是一行咁多人一齊返馬鞍山去… 恩晞嘛, 繼續”痴”住姨媽, 表哥, 表姐… 由於馬鐵時因著坐位問題大家坐於唔同車廂… 到達馬鞍山站時, 恩晞見到yoyo姨媽喺前兩個車廂, 佢竟然大叫姨媽… 當yoyo姨媽聽唔到無回應時,佢竟然懂得大叫”yoyo”…
由於恩晞叫得實在太大聲了, 整個車廂也都聽到了”yoyo”的稱呼… 公公婆婆姨媽聽到時都笑了…
我想, 今天最特別的, 莫過於是表姐會在張宅寄宿一天… 由於姨媽會同哥哥出外睇醫生, 為免再折返馬鞍山接妹妹, 就是今晚會留喺到同恩晞一齊呀…
恩晞嘛, 當然開心… 吃過晚飯, 表姐就是抱著恩晞一齊在書房上網呢…
2012年8月16日 星期四
何謂幸福…!?
2012年8月16日 (星期四)
早一陣子跟朋友飯聚的時候, 談論到養育女兒既方向… 席間, 一個未有小朋友既友人提到, 如果他日自己有一個女兒的話, 就是會專注培育佢既品味, 教佢打扮, 盼望佢可以進身上流社會… 讀書係重要, 但係讀再多再好既書, 也許到女兒三十五歲時做到女強人, 也未必找到好歸宿… 又或者已有家庭, 但係也只可能係中產階級… 要是讓女兒生活無憂, 就是希望佢可以置身上流社會…
實在, 對於朋友仔既一番言論, 張師奶真是想也未想過… 對於恩晞, 張師奶真的好簡單, 就是希望想佢健康快樂… 我從來無諗過佢大個會點, 只希望佢平平凡凡, 讀書過後會為社會付出, 有一份足以養活自己同家人既工作… 也許會是打工仔一名, 但係生活係開心快樂的… 感情生活上, 我盼望恩晞可以揾到一個愛神, 愛她同愛家人朋友, 能夠同佢一齊並肩而行, 互相扶持既作伴… 讓恩晞可以在信仰上扎根... 讓她既生活中係滿有愛, 滿有支持的…
金錢o係呢個世代係重要既… 能夠衣食無憂故然是美事… 但係, 如果為著要讓生活變得富足而有所負擔的話, 張師奶則希望平凡快樂咁過了…
恩晞, 唔知道你長大後會否認同媽媽, 但係, 有時候媽媽真是覺得平凡也是一種福氣喔!
2012年8月15日 星期三
心甜…
2012年8月15日 (星期三)
今天晚上, 爸爸申請放假了… 做乜嘢!? 哈哈! 咪又係影相囉…
晚上七點幾八點開始食晚飯, 恩晞好似唔係好肯食飯咁, 於是乎, 張師奶就是問婆婆, 恩晞幾點食過嘢呢!? 婆婆就係話乜都無食過… 只係六點半俾咗一大碗湯, 一份紅蘿蔔同七, 八粒煲湯蓮子… 聽了過後, 張師奶就是回答說, “婆婆, 乜都飽晒喇! 佢當然唔食飯啦… 小朋友唔同大人, 個胃仔唔係好大架咋!”…
所以嘛, 就算恩晞唔肯食飯, 我呢個媽媽都無硬來呢… 就是俾恩晞落地玩玩具去…
哈哈… 小朋友唔扭計, 唔大喊時就是份外可愛的… 忽然間跳下舞又唱唱歌… 公公婆婆就是笑笑笑…
婆婆很好喔! 知道爸爸要遲返, 就是叫公公先返家休息, 跟張師奶一同照顧張恩晞…
期間, 婆婆洗咗d 車厘子俾我哋食… 恩晞嘛, 就是一粒一粒咁食 (佢好鍾意食車厘子架!)… 當婆婆從廚房走出來的時候, 呢個小朋友就是跟婆婆說, “你食車厘子啦!”…. 婆婆回應說, “好呀! 咁你攞一粒俾婆婆啦!”… 恩晞立即走到飯枱旁邊, 提起小小腳尖向枱面的碗內攞車厘子(因為佢仲未完全夠高)… 攞到了車厘子, 恩晞走了兩步, 婆婆已經張開手等著恩晞俾粒車厘子佢喇, 但係, 呢個時候, 恩晞忽然間折返喎… 一邊望住婆婆, 手仔一邊搖動著車厘子的”丁”… 然後就是跟婆婆說, “我幫你”meet”咗條”丁丁”先啦!”….
此時此時, 張師奶跟婆婆對望住同時間笑了… 恩晞”meet” 完條”丁丁”之後, 就是走到婆婆那邊, “嗱!”一聲, 然後將手上既車厘子交俾婆婆… 婆婆嘛, 就是回應道, “多謝喎… 唔該晒… 我個孫女咁乖既…” 恩晞嘛, 就是開開心心咁走開繼續玩佢既玩具….
我想, 看著孩子這樣子成長, 這樣子愛我們既長輩, 何其感恩!
2012年8月14日 星期二
笑… 就是這樣子由心而發的!
2012年8月14日 (星期二)
今天晚上, 當張師奶踏入屋企門口, 恩晞就是跟媽媽說, “打電話俾表哥呀! 打電話俾姨媽呀!”…
過了一陣子, 屋企電話響起, 張師奶接聽, 是姨媽媽呀!
“喂… 你放工了嗎?”… “係呀!”… “張恩晞頭先打電話俾我呀!”… “係唔係呀! 我一踏入屋企門口佢就係咁樣同我講囉!”… “張恩晞呢!? 叫佢聽… “
“喂…. 張恩晞… 叫我聲我先!” … “姨媽!... 姨媽! … ”
“乖! 你頭先打電話俾我呀!?”… “係呀!”…
“媽咪放咗工未呀!?”… “媽咪放咗工喇!”…
“放咗喇!? 咁DADDY呢!? 放咗工未呀!?”… “DADDY 都放咗工喇!”…
“我食提子… 食朱古力呀!”… “吓!? 你食朱古力咁好呀!”
“婆婆呢!? … “在廚房煮緊飯囉!”…
“吓! 係呀! 好啦, 俾返媽咪講啦… 同姨媽媽講bye bye 先啦!”… “byebye!”
張師奶一直在恩晞旁邊聽住佢同姨媽既對答… 看著眼前既恩晞, 內心就是不住的感恩… 聽到恩晞同姨媽媽既對答有文有路, 覺得呢個小朋友真的大個咗好多… 感謝天父創造恩晞, 感謝天父讓恩晞加入我哋呢個家庭…
直到食晚飯既時候, 張師奶將姨媽同恩晞既對答講番俾公公婆婆知… 公公就是跟我們說, “你個女呀! 今朝仲好笑呀! 我坐在SOFA 睇緊報紙, 佢忽然間走過黎推開份報紙同我講: 公公, 你今日件衫咁靚既… 紅卜卜既…”
哈哈… 聽到了這個, 張師奶大笑了… 其實呢D說話, 恩晞係邊到學識既呢!?...
恩晞食飽飯落地, 忽然間自己扭身體, 扭屁股, 就望住公公婆婆講, “我跳舞呀!”… 看到公公婆婆望住恩晞既笑容, 我想, 就是什麼也無法取代的… 因為, 那就是因愛而起, 從心而發的… 感恩!
2012年8月13日 星期一
與KALI 飯聚…
2012年8月13日 (星期一)
每年夏天, 嫁咗過去法國既KALI 都會帶埋ALICE 返黎放SUMMER 既…
我想, 今年最唔同既係, 因為妹妹太細個未有同行回港… KALI 一家在香港既SUMMER HOLIDAY 都要縮短少許呢… 今年, KALI 只返來兩個星期, 而唔係好似以往咁返黎一個月呀… 所以嘛, 今次見面既機會同時間相對地較少呢!
上星期, 接到KALI既電話, 就是說由於今次返港行程比較緊密, 就是想相約今天晚上, 待張師奶放工後來一個簡簡單單既飯聚… 聽到以後, 張師奶就是一口應承, 因為, 如果要KALI再選日子的話，我想就是讓她添上麻煩呢…
為咗可以見見ALICE 既關係, 飯聚的地點嘛, 應該是大圍吧! 那麼, 張師奶就是可以先見見ALICE然後才跟KALI 飯聚去… ALICE 嘛! 就是留守家中陪下公公婆婆咁囉…
七點半上到KALI 屋企, 看到了ALICE, 真是長大不少了… 換上了短髮既ALICE, 那副混血兒樣, 仍是一個美麗的可人兒… 看到UNCLE和ALICE 在家相處, 看到當公公的那由心而發的笑容, 就是簡簡單單的相伴已開心不已… 儘管ALICE 講既的法文, 公公講既係廣東語, 兩公孫並列而坐的感覺就是那樣溫馨…
在KALI 屋企逗留了十分鐘左右, 就是跟KALI到樓下會合杜温去…
由於KALI 想三五知己坐得舒服D而大家都喜歡打邊爐的關係, 今晚嘛, 就是決定到小肥牛打邊爐去.. 七點半鐘, 全店滿座… 唔緊要啦! 等下囉… 橫掂MANGO 都未放工…
一個小時既時間, 去邊到好呢? 就是跟KALI, 杜温到附近既小型BAR 飲杯嘢吧! 點了 一杯橙汁… UM… AR… 不太好飲呢!
八點十五分, 再次返到小肥牛門口等位… 等上了十五分鐘左右, yeah, 有位了!
實在, 張師奶好享受一班朋友打邊爐既時間… 大家邊食邊講, 多好…
REMARKS:
多謝杜温姨姨送俾恩晞既小食… 仲有就係KALI 姨姨由法國空運回來既外褸同裙仔褲仔呀… 每次KALI 買俾恩晞既外褸仔都叫張氏夫婦無限驚喜呀!
恩晞你仲乜野呀!?
2012年8月13日 (星期一)
救命呀! 恩晞呢兩晚到底搞乜野呀!? 睡眠質素奇差… 係唔係又開始唔舒服呢?
話說昨早只帶恩晞返教會崇拜過後便回家去… 下午一點幾兩點, 爸爸幫恩晞沖咗涼便睡午覺去… 三點幾四點, 恩晞喊醒… 感恩, 氹咗一陣, 食咗少少腸仔包, 好快就平靜咗如常地玩….
到晚上七點半左右, 爸爸煮咗通粉俾恩晞食, 食咗兩大碗, 到九點左右, 就是自己話要覺覺豬囉…
好吧! 也就覺覺豬喔! 奈何, 唔知點解, 瞓咗無幾耐, 我諗十分鐘左右, 呢個小朋友就開始大喊到收唔到聲… 爸爸仲話佢係唔係飽得滯呢!?
無論張氏夫婦點抱點氹, 恩晞都無法子冷靜下來… 最終, 我們就是決定俾恩晞食一食”腸痛水”(俗稱肥仔水)消滯呢…
將恩晞由睡房抱返出客廳, 開了兒歌, 恩晞好像冷靜了一陣子… 根住又開心咁走到張氏夫婦房間同肥豬肥婆玩… 好似完全無嘢咁…
過了一陣子, 嘗試跟恩晞再一次瞓覺去, 呢個小朋友又大喊了… 在睡房同客廳之間來來回回了好幾次, 最終到十一點幾餵過恩晞一次奶以後, 呢個小朋友終於在十二點左右瞓著覺了…
滿以為呢個小朋友會瞓得好啦… 奈何, 一點, 兩點一小喊… 抱下氹下都叫瞓得番… 但係, 去到三點半鐘, 大喊話要去vv但係又無… 抱番佢返床仔都係大喊, 最後喊住咁同媽媽講”要奶奶!”…
張師奶心想, “吓!? 又要奶奶, 頭先十二點先食咗咋喎..” 於是乎, 媽媽便問恩晞, “你係唔係真架!? 真係要奶奶?”… 恩晞嘛, 就是大喊住咁同媽媽講, “真架!”… “好啦, 好啦! 媽咪而家開啦… 你唔好喊, 等我一陣啦!”…
張師奶以最高既速度開奶去… 不出十分鐘, 恩晞將整支240ml既奶吃清呢… 諗住佢食咗奶會瞓覺, 點知, 洗奶樽時, 呢個小朋友又大喊了… 就是說要vv… vv 過後, 就是一邊大喊一邊要揾daddy 抱… 媽咪話daddy 瞓咗覺, 佢就越喊越大聲… 終於daddy 都醒來接更了…
搞到四點鐘, 恩晞瞓著了… 當張師奶走番上床既時候, 就是跟神禱告說, “求天父俾恩晞安靜既心, 希望佢可以瞓得好d, 一覺瞓到大天光…”
張師奶自己輾轉反側到四點幾五點先瞓番… 未到六點半, 再一次聽到恩晞喊聲並說要vv… 張師奶從睡夢中扎醒, 就是跟恩晞vv去… vv 過後, 恩晞瞓番, 張師奶也得把握一分一秒多睡半小時呢…
七點四十五分, 當張師奶剛好洗臉以後, 就是聽到恩晞喊聲… 唉! 恩晞平時早上瞓醒好少喊架… 點解會咁架… 問佢係唔係肚餓想食奶, 佢話係… 於是乎, 儘管媽媽也許會遲到也得開奶去…
食飽奶過後, 呢個小朋友仍然在扭計, 扭公公抱, 扭住要daddy …
唉! 恩晞, 到底什麼事呢!? 係唔係邊到唔舒服呀!? 記得每次病之前, 恩晞就係會咁樣莫名其妙的… 唔通又唔舒服… 真係令人擔心呀!
恩晞… 你啱啱好番無幾耐咋… 唔好又病病呀!
2012年8月11日 星期六
讚美之泉音樂會…
2012年8月11日 (星期六)
終於到八月十一日喇！
咁期待呢一日既原因, 係因為終於等到去睇讚美之泉音樂會呢個日子了…
由於恩晞五點幾已經起床了, 到了差不多八點的時候, 就是致電公婆是否往飲茶去…
跟公公婆婆茶聚過後, 張先生就是帶著恩晞出發往嫲嫲家去… 張師奶呢! 則回家去有待下午出動… 約咗MANGO 一點三在灣仔等, 自己就是十二點半上巴士… 用咗三十五分鐘就出到灣仔了… 同MANGO 到麪店簡簡單單吃了個麪, 寒暄一下坐到兩點三左右, 我們便出發到會展去…
由於正直婚紗展同時舉行, 前往會展的人多得很… 眼看著前往會展天橋上派婚嫁資料的, 回想自己已結婚好一段時間, 忽視間覺得結婚好像是好耐之前既事一樣… 眼看著一對對的戀人前往婚紗展場地, 感覺他們都像很後生, 甜甜蜜蜜的一樣..
跟MANGO 到了會展場地, 走上了好幾層的扶手電梯, 終於到喇! 理應三點開場既音響, 也許因為人多既原固, 遲了十數分鐘始開場… 音樂一起, 張師奶個心震撼極了… 因為我們的敬拜要開始了…
鍾意現場睇讚美之泉既原因, 我想, 是整個大氣氛可以讓你無拘無束咁投入敬拜當中… 八千多人一起唱詩, 一起由心而發的高舉雙手, 實在唔係一般教會聚會可以做到, 可以感受到的…
說實話, 張師奶對一般流行歌手所舉行既演唱會完全提唔起興趣… 記得幾年前仍跟張先生拍拖時睇過一次演唱會… 但係張師奶就是覺得一點興趣也沒有, 最終更是提早離場呢…
感謝神容讓讚美之泉既團隊每年也有機會來港演出… 感謝神讓張先生肯自己一個湊住恩晞俾我呢個媽媽”蛇王” 出黎睇音樂會…. 當然, 亦謝謝MANGO 肯陪我一齊睇呢次演出啦…
由於音樂會完結到人潮散去時也差不多六點三了, 為免要奶奶那邊等我吃飯, 就是決定不入天水圍了… 同時間, 因著張師奶又唔想自己一個人食飯既闗係, 得知公公婆婆喺將軍澳, 就是由灣仔到將軍澳食晚飯去…
家茵表妹又大隻咗喇… 呢個表妹仔真係好搞笑架… 其實張師奶同佢都唔想見, 但係家茵每次見到我呢個阿姨都會好開心咁同我笑架… 婆婆叫我試下家茵肯唔肯俾我抱… 我呢個阿姨都未伸好兩隻手, 佢已經伸手要我抱喇! 仲好好笑咁伏落我個身到呢!?
張師奶立即同婆婆講, 恩晞好似家茵咁細個時, 都好似未試過咁樣伏落媽媽道呢…
2012年8月10日 星期五
我心緊緊跟隨祢…
2012年8月10日 (星期五)
早兩天收到家姐的whatapps message 說表哥既情況再一次變得不穏定, 從家姐的言詞中, 就是感受到當中的軟弱無力… 看到留言時, 張師奶就只有禱告, 因為, 除此以外, 我實在唔知道可以做d 乜野…
新學年快要開始了, 哥哥今年升中, 面對著新環境, 再加上現在的情況, 當中會有幾多挑戰呢… 家姐姐夫需要兼顧住工作, 家庭, 妹妹仲有哥哥既事, 可以想像是何其吃力的…
今天嘛, 知道姐夫同工人姐姐都病倒了… 實在, 求主加力予家姐一家…
天父呀! 你是統管萬有既主, 在祢的國度中, 在人看為不可能既事都是有可能的…
父呀! 求祢醫治哥哥, 求祢加力予家姐姐夫…
2012年8月9日 星期四
ANGRYBIRDS 樂園…
2012年8月9日 (星期四)
由於商場內既ANGRYBIRDS 樂園只會擺放至今個星期日, 張氏夫婦不約而同地想帶恩晞入去多走一個圈, 影多次相… 為免星期六, 日人多, 就是決定今天晚飯過後同恩晞落去跑一轉…
晚飯時候, 恩晞有d 扭計, 張師奶就是跟她說, 食晒飯飯同佢落商場睇ANGRYBIRDS好唔好… 恩晞應該明白媽媽講乜野呀, 好快就答好根住食飯… 雖然中間都係有d 扭計, 但係好ok啦..
食飽飯飯, 張氏夫婦就是以最高速度同恩晞落樓, 因為恩晞而家九點鐘左右就會扭眼瞓了… 到商場時也差不多八點九了… 因為每次進入樂園只有五分鐘時間, 恩晞走不了幾多個圈已經夠鐘了… 影咗幾張相, 恩晞好明 顯變得無電, 要扭抱了…
九點鐘返到屋企, 恩晞已經大喊叫嚷著要覺覺了…
今天晚上, 拍了一些可愛照片, 一樂也!
訂閱：
文章 (Atom)