8週: 媽媽吐了!

自從懷了小寶, 幸好都沒有什麼太大的不適, 只是比較容易累, 有時會有少少暈, 但是從未試過吐...... 唉! 可是, 寶寶今天終於令媽媽吐了....

由於明天開始就是一連四天的復活節假期, 於是在公司做到9點多才離開, 由於肚子太餓了, 為了小寶, 於是便到APM 的FOOD COURT 食飽飽先回家, 唔知道係唔係食得太晚呢... 一直坐巴士回家總是唔舒服, 最終, 今晚媽媽第一次吐了....

寶寶, 係唔係媽媽太晚食飯呢? 對不起啊!

7週: 第一次到健康院!

雖然巳在威爾斯登記, 但係與此同時, 我o地都要到健康院登記啊!

今日媽媽無叫婆婆陪, 只係自己同你一個人去呢! 八點半去到健康院, 想不到診所還未開診呢, 所以我o地唯有等一陣吧..... 今天可以拿到二號籌, 都算好吧, 對嗎?

驗小便, 度高, 量體重, 血壓, 寫下所有個人資料病歴, 就是見醫生姐姐同驗血了... 因為媽媽今早無食早餐, 血管又幼小, 護士姐姐要媽媽食完早餐先再返o黎抽血呀.... 無辦法啦, 唯有同你去大家樂吃個早餐再返去啦....... 我o地的早餐豐富了, 蘿蔔糕, 炒蛋, 雞肉, 蕃茄通粉, 熱華田...... 嘩, 飽晒喇, 要返去抽血同聽講座了....

十一點開始聽了一個三十分鐘的講座再去抽血, 知嗎? 護士姐姐的表現真的令媽媽很驚怕呢... 因為一直都好像找不到血管似的, 幸好, 經過一大番研究後, 最終都可以抽到四筒血.... 希望一齊正常, 而你就一日一日長大, 做個健康快樂的張家小寶啦.!

7週: 到公立醫院登記了!

自從証實懷有寶寶, 預產期為2008年10月28日後, 接下來要做的, 就是要為迎接這個小生命做一連串的準備工夫, 好似要到醫院排期啦, 做檢查等等...!

三月十日(星期一), 婆婆今日陪媽媽到威爾斯登記...... 什麼醫生也無得見呀.... 只是排期直至四月二十一日(星期一) 同五月五日(星期一) 才回來檢查呢.... 寶寶, 我們要等一陣子了..... 你要乖呀!

哈.... 雖然我o地今日見不到醫生叔叔/姨姨, 但是你就得到你的第一份禮物呢!係乜? 就是惠氏送俾你的口水肩啊! 雖然唔係好靚, 但係你放心呀, 因為爸爸媽媽一定會買d更靚o既俾你呀.... Winnie The Pooh 公仔好唔好? 因為媽媽鍾意嘛.... 哈哈!

 

6週6日: 你的小屋!

寶寶, 好不容易才等到三月八日這個大日子....

知嗎? 因為媽媽終於可以去睇婦科醫生, 看看你是否真的在媽媽的肚子裡.... 由屋企到達診所, 媽媽都不停的問你爸爸, 真的有小寶嗎? 那份莫明的緊張, 真是不懂形容....

終於入到醫生姨姨的房間了, 照了第一次的超聲波.... 看到了, 看到了.... 是一個小小的胎囊.... 即是你的小屋.... o係o黎緊的四十週, 你就是住在這裡了.....

寶寶, 媽媽會好好的保護你啊!

5週: 你的公公婆婆

雖然用棒棒check到bingo, 但係始終未經醫生証實, 都是存有一份懷疑心態.. 咁樣, 到底可以幾時講俾媽咪知呢? 同老公相討後, 不如都係經醫生confirm 後先同老人家講啦...

奈何, 昨日(2/25 - 星期一) 打電話去book 婦產科醫生, 一個要排到三月八日, 一個仲誇, 要排到五月十六日.... 咁即係話, 最少要等多兩個星期先可以同媽咪講??

對於一個每日都會同媽咪通電話, 乜野都講o既人o黎講, 要再多等兩個星期先可以講, 著實是太耐吧....

感謝神, 祂給我一個好愛護我, 了解我的老公, 就是我一個眼神, 一聲嘆氣, 他就知道我想點樣了..... 要一個平時乜o野都會同媽咪講o既妻子, 懷疑自己有了小寶但係又唔講得的心情, 老公大人又點會唔知我慘呀...... 所以, 老公大人好體諒我, 說: "想講的, 就跟媽媽講吧.....你都是需要有人傾訴的呢!" ......

今晚返媽咪屋企食飯, 由一入屋企門口開始, 巳好想搵機會同媽咪講, 奈何真係唔知可以點講好... 哈哈.... 一直等到食完晚飯, 擾攘了一大陣子, 我終於在你婆婆耳邊說: "我可能生隻老鼠仔呀!"...... 婆婆回應說: "咁未好囉!"...... 呢個時候, 坐在婆婆後面的公公都笑了......

寶寶, 知道嗎? 當你還是一粒小豆子的時候, 媽媽, 爸爸, 公公同婆婆巳經好期待你的o黎臨喇.... 所以, 你一定要爭氣, 要做一個健健康康的小寶呀.....

 

 

4週: 真的嗎?

結婚以o黎, 心中都盤算住自己會當上媽媽的角色嗎? 幾時呢? 我有這個機會嗎?

老公是個跟小朋友相處得宜之人, 身邊每個同事朋友都話, 你快d生小朋友啦, 你老公咁鍾意小朋友...

可是, 自己是個沒什麼耐性, 又倚賴人的小女子. 嘩, 若然真的要當上媽媽, 我可以做得來嗎? 雖然如此, 我著實又可渴望當上媽媽的角色, 每當發現M小姐定時定候o黎探自己o既時候, 那一陣莫明的失望感又會從內心深處湧現... 多麼的矛盾吧!

M小姐每個月都會定期探訪, 點解今個月會遲了兩日o既? 每次上廁所的心情都是多麼的矛盾, 會看到M小姐嗎? O.... 又無o既... 莫非真的有了嗎? 不會吧, 真的嗎? 可能遲幾日會到喇, 希望越大, 失望會越大吧...

雖然只係兩日, o個種每次上廁所的矛盾感快要叫我受不了.. 苦等了兩天, 終於同老公說出心中的懷疑, 點知, 老公都係話, 等下吧, M小姐應該會來吧...

M小姐巳遲來了三晚了, 可以check 下了嗎? 還是再等多幾天呢? 但係, 我似乎等不了吧... 唉! 我真的受不住了, 倒不如花上數十元給自己數天的安心吧...

二月二十四日(星期日)早上, 老公真的對我太好了, 為了給我一份安心, 就o係我未起身前就落街將驗孕棒買回來了...

走入廁所的一刻, 心情是多麼的複雜吧... 唉, 會點呢... 會係單線定係雙線呢.... 會當上媽媽嗎? 閉上眼睛等結果, 太緊張吧..... 張開眼睛的一剎那, 係雙線呀.... 是有了嗎?真的嗎? 我肚子裡面真的懷有我們的小寶寶嗎? 那一刻, 我真的不懂反應...... 只係立即打開廁所門, 不停的叫: "老公, 老公......"

直至老公走近的一刻, "老公, 有兩條線呀..... 是有了嗎? 真的嗎? 我要當上媽媽嗎? 我肚裡面有小B 嗎? 呀.... 我個肚係唔係一日一日咁大o架....." 一連串o既說話, 都叫老公不懂反應呢......

寶寶, 媽媽真係有了你嗎?

 

 

 

與爸媽一起渡過的情人節

感謝神, 讓我可以認識您!

感謝神, 讓我可以有幸成為您的妻子! 雖然結婚後, 我們倆小口子都要為口奔馳, 但係每一刻, 您都是這麼的貼心, 叫我感到幸福無比...!  

2008年的情人節, 還記得剛回到公司不久, 電腦上的時鐘還未到早上9點, 花店巳送到一大束花, 是我最心愛的風信子..... 喜歡風信子的原因, 大概始於2006年, 因為我們大婚當日的花球, 就是紫藍色的風信子.....  

下午12 點, 老公還致電我, 叫我致電回家提爸媽今晚唔好煮飯, 因為我o地要一齊去食情人節大餐呢... 雖然不是什麼燭光晚餐, 只是在茶餐廳點了幾味小菜, 但是爸媽面上的笑容, 比我倆自己慶祝情人節, 叫我覺得這個情人節過得更實在, 更有意義呢!

老公, 知嗎? 你就是這樣的貼心, 因為你不只愛我, 還愛我的至親....謝謝您!