31週4日: 嘩, 好痛呀..... 媽媽抽筋了!

2008年8月28日(星期四) -清晨時分

自從懷了小B, 一直以o黎都唔係訓得太好.... 當與同事或朋友傾談提到抽筋問題時, 都好慶幸到了小B31 週大, 仍然未有抽筋的情況....

唔知小B 係唔係聽到媽媽咁講, 而佢又想媽媽試下抽筋的感覺... 今日終於抽筋了.... 嘩, 好痛呀.... 係睡夢中痛到醒的感覺真的不好受呢...

小B, 你要乖乖呀..... 因為媽媽的腳真的很痛呢!

30週7日: 與契爺契媽, 媽媽的中學老師聚會

2008年8月24日(星期日)

今天, 爸爸媽媽帶小B到契爺契媽屋企去....

好o野! 除了契爺契媽, 仲見到Mon 姨姨同媽媽的中一班主任-周鳳美老師... 哈, 仲見到老師o既一對仔女呢.... 睇下, 我o地去左飲茶呀, 幾開心!!!

28週6日: 小B, 你似爸爸還是媽媽呢?

2008年8月9日(星期六)

懷孕以來, 心中一直都有小小的疑問, 就是: 小寶實, 你會似爸爸還是媽媽呢?

之前一真睇不同的forum 都有提過照4D..... 心想, 係唔係真係會睇到的呢.... 雖然係貴一點, 但係都同自己說, 幫小B照照吧! 就正如拍婚紗照一樣嘛, 是一種紀念嘛..... 到小B長大後再俾佢睇番, 真是一個好好的紀念啊!

28週5日大的小B.... 爸爸媽媽今天帶你去拍拍照吧, 你要乖呀... 要訓得靚靚, 否則醫生叔叔睇不到你的啊!

約了林勇行醫生早上10 點, 踏入診所巳是多麼的繁忙.... 係見醫生前, 不斷的跟小B 說, 要訓靚靚呀... 但係唔知點解, 自己總覺得小B 今日應該會不太合作.... 果然, 女人的直覺真的不可少看呀..... 林醫生將儀器放到媽媽的肚皮上, 便說: O..... 小B背向我們呢.... 耐心等候吧!.... 當醫生走出房間的一刻, 媽媽心中只想: 吓, 就咁訓o係床上唔郁, 小B會轉身嗎? 同時間, 張先生同我就開始不斷幫小B 做按摩, 跟小B 說話...... "小B, 要乖乖呀.... 轉下姿勢啦.....醫生叔叔收費好貴o架..... 叻叻呀...!"

過了大概10分鐘左右, 林醫生返o黎喇..... 一照... 嘩, 小B 真的很聽話, 轉身了.... 感謝神, 讓小B聆聽爸媽的說話........   

雖然小B 轉身了, 但係張家小B有一個慣常手勢, 就是最愛用自己的小手遮住面仔, 林醫生說: 咦, 遮住面仔喎, 拍拍佢啦...... 哈哈, 呢個時候, 爸爸, 林醫生都在拍媽媽的肚皮..... 嘩, 小B的手仔真係縮開了.....! 看著螢光幕, 看著小B將小手縮開, 小B的實在真的叫我好感動...... 心中只想, O.... 這就是我跟張先生的小寶貝了....

當林醫生不斷調校儀器..... 當去到一個好清晰的畫面時, 聽到林醫生說: 嘩, 好得意時, 心中的喜悅真的不知如何形容..... 不過最好笑的是, 林醫生說: 是仔嘛...? 我同張先生對望而笑. 說: 醫生, 是女呢..... 林醫生看看我, 看看張先生, 說: 似佢(爸爸)呢? 呢個時候, 媽媽大叫了.. 吓, 點解會似佢o架?? 身旁的林醫生同護士都笑了, 林醫生還說: 可能會變的呢... 但係當繼續照時, 醫生還是忍不住說: 真係似佢(爸爸).....

小B, 你真的似爸爸嗎? 出世後, 你會有一點似我嗎?

28 週大的你...... 仲有三個月時間就同我地見面了.... 知嗎, 當媽媽看著手中的4D 相, 我不斷跟自己說, 我一定會好努力咁生你呀.... 你要好似今日一樣咁聽話, 同媽媽一齊努力, 你要健健康康的出世, 正常開心的在我們當中長大.... 爸爸, 媽媽, 公公, 婆婆, 女麻女麻都好錫你的呢...!

25週6日: 寶寶的第一口雪糕

2008年7月19日(星期六)

今晚小B回"麻麻"屋企食飯, 意想不到的是, 媽媽意然可以食雪糕呀....

爸爸同媽媽食了一支士多啤梨味甜筒.... 嘩, 這就是小B的第一口雪糕了...

24週6日: 與媽媽的大學同學見見面...

2008年7月12日 (星期六)

今天, 爸爸媽媽帶小B到將軍澳去....

去邊? 我o地去Crystal 姨姨屋企呀... Crystal 姨姨是媽媽的大學同學... 因為Crystal姨姨有個可愛小寶寶昕蕎, 所以媽媽有好多關於小B的提問都會請教Crystal 姨姨o架.... 媽媽在MSN一見到Crystal 姨姨, 就會問好多好多問題....

因為媽媽太"蛇square", 所以Crystal 姨姨幫了媽媽很多很多呀....隨o左Crystal 姨姨, 今日仲見到Rani, Cherry, Venus, Christine姨姨, 華uncle呀... 嗱! 藍色衫o個個就係Crystal 姨姨!

咦? 點解D相無爸爸份o既?? 當然啦, 爸爸攞住相機幫我o地影相嘛....爸爸, 下次你要一齊影呀....

23週7日: 爸爸的手燙傷了...

2008年7月6日 (星期日- 雨天)

由於公公婆婆出外去, 爸爸媽媽不知道他們是否跟瑤姨媽在港島區食晚飯, 所以爸爸決定親自下廚, 焗意粉, 煮雞翼....

正當媽媽在書房睇日劇"LAST FRIEND" 時, 看到爸爸忽然間由廚房走入睡房, 心想: "咁奇怪的呢?"... O.... 原來爸爸的手被燙傷了... 媽媽看在眼內, 爸爸的三隻手指塗滿藥膏... 怎麼辦? 只懂說: "爸爸, 唔好煮了"... "爸爸, 很痛吧!".... 媽媽的心痛得不得了.... 看到爸爸每隔十分鐘便要再塗藥膏, 媽媽的眼淚也控制不了... 都是媽媽不好, 要爸爸煮晚飯....

晚飯過後, 當執拾枱面時, 發覺枱上的木紋被熱透了, 都是媽媽不好, 未有將所有o野做好....

爸爸, 對不起..!

19週6日: BB 的早晨全餐

2008年6月7日(星期六) - 黑雨警告生效

媽媽今早九點半起身, 正在刷牙洗臉之際, 一個好大的雷聲啊! 媽媽立即摸摸肚皮, 叫小B唔使驚.. 再聽聽電台廣播, 原來黑雨警告正在生效呢!

大大的雷聲原來也叫醒了爸爸... 哈哈, 唔知點解爸爸會知道媽媽的心意, 因為爸爸說要帶媽媽同小B去食麥當勞早餐啊, YEAH!!!!

平時一份普普通通的早晨全餐, 唔知點解今日變得相當特別.. 因為平時的一片豬柳, 今日竟然有兩片.... 平時小小的炒蛋, 今天的是那麼大呢.. 就像是由兩隻蛋炒成一樣........嘩, 是給一份我們的張家小B嗎? 哈哈!!!