豬, 青蛙, 維尼維....

2010年5月14日 (星期五)

今天晚上的飯局, 張師奶收到了契仔媽咪送的一份禮物呀...

係乜野? 等肥豬話你地知啦!

肥豬說: "媽咪, 仲乜你今晚咁夜先返屋企架!?"

"咦! 你攞住個袋既, 乜黎架!?" 仲乜有隻豬既???"

"睇得唔係好清楚... 行近d 先.... 哎呀! 真係一隻豬呀!"

肥豬說, "咦, 唔係豬o黎o既.... 係熊喎!"

"HI, 肥豬先生你好! 我唔係豬呀, 我只係攞住豬仔雨傘既青蛙頭維尼熊!"....

 

荃灣一聚...

2010年5月14日 (星期五)

這個星期可說是忙碌不已, 連續三晚加班至十點幾才收工... 來到了星期五, 看到枱面原本堆積如山的樣辦寄得七七八八, 有望可以早一點收工, 想到可以過一個開心星期五, 不其然也有點點高興吧!

由於張先生今晚有飯局的關係, 張師奶也得為自己籌算一下呢!

知嘛! 自上次翻看年曆, 睇番對上一次幾時見過主人朋友時, 張師奶頓然發覺, 原來在過去的三個月內, 平均每一個月, 張師奶只有一天相約朋友外出食飯的時間吧! 所以呢, 實在有太多朋友太耐沒有見過面了...

今個下午, 張師奶想起了她吧! 邊個? 當然也是張師奶的好姊妹吧, 即係契仔媽咪囉!

本著會俾人請食檸檬的心態致電高美相約吃晚飯, 張師奶竟然成功呀! 由於契仔媽咪無約人的關係, 張師奶沒有被拒絕呢, 太好了吧!

不過, 一心諗住搵個中心位置如旺角等食過晚飯, 想不到, 由於契仔大過天的關係, 因著契仔婆婆要出外睇醫生, 契仔媽媽要先回家睇仔的關係, 張師奶最後就是"被邀請"到入荃灣食飯呢!! 由觀塘去荃灣, 雖然車程係有點長, 不過也無計啦! 同老朋友咁耐無見, 也沒有所謂吧!

站了差不多一個鐘頭的車程, 終於到了荃灣... 奈何, 由於契仔大人要沖涼的關係, 作為契媽的我, 未就係要繼續等多一陣囉! 點解? 因為契仔媽咪要幫阿仔沖完涼先至可以出黎食飯嘛!!!

兩個女子, 說東說西, 再一次是傾到人地舖頭要關門時先捨得走... 哈哈, 最後嘛, 仲要兩個女子走去食甜品, 踏入屋企門口時, 已是十二點半了....

我想, 好朋友就是這樣了... 不時常見面, 但係, 只要一見面, 就好似唔捨得走一樣... 話題點講都有, 講極都講唔完咁... 人大了, 實在有幾多個可以咁樣相伴的老友記呢! 記得要好好珍惜呀!!!

       

 

十九週一日: 星星契媽....

2010年5月14日 (星期五)

今天晚上, 相約契仔媽咪出外吃晚飯, 實在也是希望將自己再次懷孕的喜訊公開呢... 奈何, 由於晚飯時我們都沉醉在其他話題上, 及至食糖水時位置又好像不太適合講呢個話題, 最終也沒有好深入的講到這個話題...

實在, 在街上行走期間, 我們也略有提到有關話題, 當張師奶輕輕帶過答案以後, 契仔媽咪又無再追問喎... 我地今晚實在沒有好好談到這個話題呢..

及至張師奶上了巴士, 跟張先生說道, 契仔媽咪好似唔係好get到我會做媽媽的消息... 張先生就是說, 讓他打個電話, 之後再打俾我... 過了好一陣子, 打電話來的當然不是張先生, 而正是契仔媽咪吧....

在電話中連珠發炮的說張師奶怎麼說話咁唔明白, 說張師奶剛才這樣不對, 那樣不對.... 哈哈, 實在知道, 所有的指責背後實在是無限的關心, 祝福... 回到家中以後, 兩個女子就是在電話中繼續傾, 傾, 傾... 由十二點幾傾到零晨兩點... 一把年紀, 好耐無煲過電話粥了...

感恩, 感謝神給我身邊無限的支持, 鼓勵... 說實話, 人成長了, 就不難發覺知心好友好像越來越少一樣... 不過, 實在, 多少唔係最重要, 重要的是, 當我們有喜有憂時, 這些朋友, 往往是我們最大的支持吧!

十八週六日: 親子時間...

2010年5月12日 (星期三)

自從媽媽開始感受到胎動, 張氏家庭的"親子時間"就再一次開始了..

每當媽媽夜晚臨瞓之前, 就是爸爸, 媽媽, 肥豬, 肥婆同果汁糖一齊的"親子時間"....

每天晚上, 爸爸都會將他的"大頭子"輕挨在媽媽的肚皮上, 有時候, 當爸爸叫喚果汁糖, 小寶寶似懂非懂的跳一跳, 這個時候, 張氏夫婦就是已經開心不已....

感謝神, 俾我同張先生再有為人父母的機會, 媽媽實在好珍惜現有的每時每刻, 這個感覺是實實在在的"幸福"!  

肥豬與媽媽...

2010年5月9日 (星期日)

今年的母親節, 張先生同肥豬竟然也準備了禮物俾媽媽喎...

哈哈, 好開心呀! 同大家一齊分享下啦!

肥豬說: "肥婆, 爸爸買返黎枝康乃馨好似太長喇, 我攞唔到呀!"

肥婆說: "肥豬, 咁點算好呀.... 你唔好玩剪刀呀, 俾Daddy Mummy 見到就大件事喇!"

肥豬說: "你唔好嘈啦! 咪話枝花太長囉, 要剪短D先得呀!"...

"搞掂!".... 肥豬係最叻o既!

媽咪, 媽咪, 母親節快樂! 係肥豬, 肥婆同爸爸送俾你架!!

肥豬說: "媽咪, 你攬到我同肥婆就黎無氣喇... 咳! 咳!"

影張靚相先! 張師奶與張家活寶貝"肥豬與肥婆"....

母親節晚飯...

2010年5月9日 (星期日)

由於今個主日既有崇拜又有團契小組的關係, 所以在午飯時間, 也只是跟媽媽在大快活很快的食過午餐罷了...

不過, 在今個晚上, 我們還是有外出吃晚飯的... 今次, 我們沒有在"飯堂"訂位開飯, 反而轉到了烏溪沙站新開的稻香試試吧! 

唔知道是否與酒樓的設計有關, 室內實在太嘈雜罷... 就算是跟隔離的張先生傾偈, 好像也要有咁大聲講咁大聲先聽到.... 所以呢, 我諗, 下次我地都係應該係番樓下的飯堂開飯吧!

哥哥同妹妹越來越大個了... 

枱上面金色o個袋, 係酒樓送的母親節禮物, 調味料是也! 媽咪話, 份禮物係remind 所有媽媽們吃過母親節餐晚飯之後, 第二日就係要返屋企煮飯喎!

當然要合照一下啦....

十七週五日: 心緒不寧...

2010年5月4日 (星期二)

自從開始感受到胎動以來, 胎動的感覺帶給媽媽喜悅之時, 同時也讓我這個媽媽多野諗了...

我想, 當媽媽感受到寶寶在肚內轉動的時候, 那個已為人母的感受就是最深的... 因為, 從寶寶俾你一下一下的反應, 那種懷著一個小寶貝的感覺就是最實在, 最強烈的...

不過, 過去的經歷同時讓媽媽有點點膽怯... 只要有一段較長時間, 好像感受不到果汁糖轉動時, 媽媽就開始胡思亂想了... 今天, 媽媽就是被那些唔好的思緒困擾著呢...

媽媽當然明白放鬆心情的重要, 但係, 媽媽也有軟弱的時候呢...

求主加力!!!