尋找方向
2010年8月9日 (星期一)
上星期六, 發了一封電郵俾遠在英國的孫醫生... 沒什麼的, 只是想跟孫醫生看一看果汁糖的4D照... 同時, 在電郵中, 就是也告知他在上兩次o係威院的檢查, 也未有機會跟他所轉介的醫生碰到面...
由於知道孫醫生一定忙於工作, 當張師奶過了兩, 三天也沒有收到回覆之際, 實在也再無抱太大的期望會收到回覆的呢... 誰不知, 今天早上, 當張師奶查看電郵時, 竟然收到了孫醫生的EMAIL呢...
看過了回覆以後, 張師奶實在被感動了... 看到了字裡行間的說話, 心裡面真係覺得好感恩, 感謝神讓我們認識這個醫生...
我想, 當孫醫生看到我在電郵中跟他提及到未有碰到梁醫生時, 儘管他身在英國, 就是也幫我作聯絡, 讓我知道梁醫生因著什麼, 所以上兩次也未能跟我碰面... 同時, 下一次的檢查時間, 他會跟另一位醫生作聯繫, 好讓我們可以得到照顧...
看到了這些, 儘管張氏夫婦都知道就算安排了也未必可以成事, 但是, 這一份心意, 這一份照顧張師奶和果汁糖o既心, 媽媽和果汁糖就是完完全全的感受到呢!
2010年8月8日 (星期日)
今年年初, 一直住在港島區的家姐搬到將軍澳去了...
也許, 因著馬鞍山和將軍澳可以說是一頭一尾的關係, 要集齊人見面的機會實在不多呢... 今天, 瑤姨姨就是邀請我們所有人到她家裡去坐坐...
實在, 大肚子的我對於坐長途車真的有一點點怕... 不過, 因著跟這個家姐有好幾月都沒有見面, 又知道老爸老媽實在也想一家人坐埋吃個飯的關係, 最終, 張氏夫婦在參加完團契以後, 就是啟程到將軍澳去了...
雖然是長途了一點, 但是, 可以一家人聚一聚, 就是很值得吧...
同時間, 我們終於收到了瑤姨媽送給果汁糖的大禮物喔!
張師奶坐係到仲乜!? 當然係等食呢!!!
終於可以開餐了...
肥豬說: "媽咪, 咁得意o既... 係唔係送俾肥豬o架!?"
媽媽說, "唔係呀... 係瑤姨媽送俾媽媽同果汁糖架... 話說有次媽媽係將軍澳一家店舖見到呢盒東西, 但礙於佢太貴的關係, 媽媽有點點唔捨得買... 一次, 跟瑤姨媽提到, 她就是二話不說即晚到店舖買下來了..."
肥豬想, "吓!? 原來唔係俾肥豬... 係俾果汁糖o架喎..."
2010年8月7日(星期六)
今天早上起床以後, 張師奶一直都爭扎著到底去唔去今屆的BB展覽...
說到底, 我想張師奶內心深處都因著過去留下了陰影吧... 兩年前, 記得張師奶很積極的為到BB展準備那些以供入各個BB會的貼紙... 入會以後會怎麼樣? 就是定時定候就會有人聯絡你, 提醒你BB長大了, 有什麼要留意, 又有什麼試用裝可以俾媽媽用之類...
記得亦霜剛離開的時間, 收到這些電話, 張師奶就是不知所措, 每當收到這些電話時, 張師奶完全不懂反應, 不懂應付, 怎麼辦? 就是很無禮貌的怱怱掛斷電話... 直至亦霜離開了大概半年的時間, 作為媽媽的我, 才可以開始鼓起勇氣, 在電話裡跟那些職員說小朋友已經離開了, 麻煩她們幫我刪去有關記錄... 奈何, 幾乎所有BB會都有相類似的情況, 儘管張師奶已跟她們說了無數次要刪除記錄, 定時定候就是仍然有人致電, 又或是透過郵寄方式寄上試用裝...
今早的掙扎, 我想, 就是背後的一種師奶心態... 始終, 入會以後, 有關的BB會所寄上的資料, 禮劵, 試用裝實在也很有用吧...
待張先生瞓醒以後, 張師奶就是將自己的想法跟他說了一大遍... 最終嘛, 我們就是覺得有太多野唔係我地可以想像的... BB展嘛, 我地最終決定去走一趟吧!
爸爸實在太好了, 當我們決定到展覽場地走一趟時, 他就是花上了半個至一句鐘的時間準備貼紙呢... 貼紙的用途是什麼, 就是寫上準媽媽的個人資料, 到時候想入邊個BB會, 只要貼上貼紙, 就唔需要到時慢慢填寫了...
下午兩點多的時候到達會場, 買過門票, 貼好所有想入會的表格以後, 正式入到場館已差不多是三點多的時候了...
嘩, 嘩, 嘩... 每一個攤位都是人龍吧... 為免浪費時間, 張氏夫婦決定分頭行事了... 就是我們撕下不同的表格, 分開排隊交表格去... 就是這樣, 在場館內行了一個多鐘的時間, 交晒所有表格以後, 四點多的時候, 我們就是背著一袋二袋的試用裝或贈品離開會場了...
也許是行了一段時間的關係, 張師奶的腰骨開始痛起來了... 由於張先生要回天水圍吃晚飯的關係, 張師奶就是說, 由於一程車很快可以回家去, 讓我這個媽媽拿那些袋回家去吧... 就是這樣, 張師奶自己一人乘車回家去了...
半個小時多的車程就回到馬鞍山了, 甫下車, 媽媽就是想著要快快的躺一回吧... 腰骨實在是有點受不了...
回到大廈搭升降機時, 當媽媽在袋裡找鎖匙之際... 奇怪! 怎麼無鎖匙的呢!? 心想, 莫非媽媽放在袋中的另一格, 回到屋企背前, 仔細尋找之際, 袋中就是連鎖匙聲也沒有了...
再之搭升降機回到屋苑平台, 第一時間, 就是致電婆婆求救吧, "媽咪, 你o係邊呀?"... 電話筒傳來的回覆就是說, "o係將軍澳, 你家姐屋企..." "吓!? 將軍澳!? 無野喇... 我去完街, 發現自己無帶鎖匙..." 掛斷電話以後, 就是想到了大家姐, 接通了電話, "家姐, 你o係邊呀!?" ... "長洲...".... "吓!? 無野喇! 我無帶鎖匙呀...!"...
感恩, 家姐說工人姐姐在家, 張師奶也可以有歇息的地方... 由於工人姐姐是新請的, 實在, 作為姨姨的我也未曾跟這個工人姐姐見過面呢... 不過, 唔理得咁多的了... 實在, 只要有一個讓我歇息的地方就可以了... 最終, 張師奶買了個車仔麵作晚餐, 就是坐車到家姐屋企去了... 正式坐下來的時候, 就是六點多, 差不多七點的時候了..
也許, 婆婆就是不太放心, 八點多的時間就是回到馬鞍山, 得以讓張師奶不用等張先生趕回來, 也可以早一點點回家休息呢...
肥豬說, "嘩... 仲乜野媽咪攞咁大袋野返屋企o既!?"
肥婆, 快D過黎幫手啦...!
嘩... 好多BB野呀... 應該都係俾果汁糖o架喇!!
2010年8月6日 (星期五)
懷孕以來, 一直對於食物的挑選, 都會有一點點的限制... 我想, 最大的禁制, 也莫過於是生冷的食物和飲品吧...
壽司, 對於媽媽而言也不算是最大的誘惑... 也許, 因著自己唔食生野的關係吧... 不過咁, 有時, 媽媽也會有掛住"加洲卷"的時候喔!
由於今天下午從威院回來以後, 就是跟公公婆婆在商場逛的關係, 今天晚上, 婆婆就是說, 待張先生回家以後一齊外出食晚吧... 吃什麼? 婆婆說去食壽司喎...
哈... 也好吧! 說實話, 張師奶真的有點掛住"加洲卷"呢... 同時間, 如果到"元綠"吃晚餐的話, 除了壽司以外, 媽媽也有另外一些熟食的選擇呢..
好吧! 今晚就是讓果汁糖嚐一嚐壽司大餐吧!!
嘩... 好多野食呀..!!!
好味..!!!
2010年8月6日 (星期五)
今天, 是媽媽要到威院檢查的日子... 由於爸爸媽媽都預計在威院再沒有什麼特別的照顧, 為想爸爸留多點假期到果汁糖出世後才陪伴媽媽的關係, 媽媽今天就是一個人到威院去了...
由於預約時間為早上十一點四十五分, 因為唔知要等幾耐先可以睇醫生, 今天嘛, 媽媽只有告一整天的假呢... 早上九點鐘起床, 就是到十點左右跟婆婆到商場的大家樂吃個早餐, 在商場內走了一圈, 便坐馬鐵到威院去...
大概十一點半, 媽媽就是已經完成了最基本的磅重, 量血壓的檢查, 接著, 當然就是要等, 等, 等呢... 好彩, 媽媽今天都有所準備的呀, 因著唔知要等幾耐的關係, 媽媽就是花上了十五蚊買了本八掛雜誌囉...
坐了差不多個多鐘頭的時間, 我想, 大概是十二點四十五分吧, 大堂內等待的準媽媽越來越少了, 心想, 應該一點鐘也到看媽媽吧...
誰不知, 等呀, 等... 到了差不多一點半的時間, 大堂內只剩下三位媽媽了... 聽過了病房叫咪, 還未到媽媽的呢!? 看到其餘兩位媽媽都先後由病房出來, 但係仲未叫媽媽的名字時, 媽媽有點心急了...
怎麼辦? 當然是在病房外徘徊吧... 心想, 一聽到自己的名字, 就是可以即時衝入去嘛... 誰不知, 當病房內的助手姨姨走出來的時候, 她就好像是想離開大堂一樣... 當她看到媽媽手上的檢查票時, 就是立即大叫說, "吓, 點解有個早上証仲未睇架!?" ... 接著, 就是萬份緊張的叫咪說, "請在場的醫生唔好離開住, 仲有一位媽媽未睇...!"
然後嘛, 就是四圍走說, "點解仲有証架... 無排板喎...!?" 當時嘛, 就像是整個婦產科部們的姑娘, 嬸嬸都在找媽媽的排板, 找了好一段時間, 又再叫咪說, "有無同事攞左病人的排板...?" 一輪大規模搜索後, 原來接待處一直KEEP住左媽媽的排板... 原因嘛, 就是因著媽媽的排板寫著一位跟進醫生的名字, 理應當醫生接到CALL到場應診時才會取去排板跟進的... 奈何, 媽媽排板上所注明的醫生當日根本無上班, 接待處的職員又唔知, 又無跟進... 就係咁樣, 根本無人知道仲有媽媽未睇症...
雖然如此, 媽媽還是要感恩喔!! 因為, 剛好有一位醫生當時仲留係病房, 否則, 我諗, 儘管找到了媽媽的排板, 由於無醫生的關係, 媽媽就可能要多等多一句鐘的時間轉睇下午症吧!!
入到檢查室, 就是連一些量尺和JELLY都已收好, 要助手嬸嬸四處搜羅才能讓醫生幫媽媽檢查呢... 簡簡單單的檢查, 實在花上五分鐘的時間已完成了...
不過, 今天, 因著醫生的一句話, 媽媽的心情再次變得複雜起來... 其間, 在預約下一次的檢查時間時, 當助手嬸嬸詢問有關日期以輸入電腦時, 醫生說兩星期後, 因著嬸嬸的一個好奇的反應, 醫生回應說, "係呀, 幫佢約兩個星期啦, 佢上一次IUDo既..." 聽到了這個, 媽媽心裡忽然好像被針了一下咁, 忽然間回想到亦霜的離去, 在肚裡面的果汁糖會點呢!?... 那些負面的能量和思想忽視湧現了...
UM... 求主加力....
2010年8月5日 (星期四)
認識張師奶的朋友或者都會知道, 張師奶真係好有師奶的一面... 什麼!? 就是最鍾意儲印花, 做呢間公司會員, 那間食肆會員咁... 做會員o個D嘛, 就是計過晒數, 要抵, 有著數先參加...
由於張師奶係"意粉屋"的VIP, 因著有張免費pizza coupon 今日到期的關係, 原本諗住今晚同公公婆婆一齊去食大餐既... 奈何, 張氏夫婦竟然慢左一步, 今個晚上, 公公婆婆俾家姐同佢兩個孫約左了... 怎麼辦? 也沒有辦法喔, coupon 今日到期, 點樣到要食呢, 就係咁, 張氏夫婦就當今晚拍拖啦!
已經confirm 會有一個免費的大pizza, 因為上次見到隔離枱食ribs好似好靚咁, 我地又想食... 當我地order食物時, 又發現我地張VIP咭應該夠分換意粉喎... 哈哈... 結果係乜! 就係, 我地竟然傻左咁全部叫晒喎!...
大食怪呀!!!
我o地好想食o既RIBS...
用積分免費換o既意粉...
用coupon換o既免費大厚批....
大食怪二號張師奶..... 一號係邊個!? 當然係張先生啦... 哈哈!!
睇下, 我o地一枱都係食物呀... 超級大餐!!
P.S. 最後, 我地當然係食唔晒啦! 點算, 剩番幾件pizza 同少少ribs, 當然係pack起佢地帶返屋企囉...
2010年8月2日 (星期一)
開始踏入懷孕後期以後, 媽媽腰酸背痛的情況加劇了...
今天晚上, 因著加班的關係, 回到家中已差不多九點多鐘了... 實在, 回家途中, 媽媽已是累到不得了... 一剎那間, 真的有想過在觀塘舉手叫的士回家去呢... 奈何, 當媽媽想到車費的差異時, 實在又覺得有點點不值似的, 也就撐下去行上十數分鐘的時間到巴士站去...
回到家中, 可能個人已是超級疲累的關係... 食晚飯時已有點點不舒服了... 吃過最後一口飯時, 媽媽想吐了... 唉! 就是將爸爸的一番心機全部吐掉了...
同時間, 今次的吐實在辛苦得不得了... 吐得媽媽滿面通紅...
過了好一陣子, 爸爸發現媽媽的面全部長滿紅點了... 是出疹嗎? 實在, 爸爸媽媽都有點擔心呢... 是初起的, 還是我們之前沒有留意呢!? 在手腳的皮膚也未治癒之際, 又出現面部的問題, 媽媽到底可以做什麼呢!?
由於面部無痕癢的關係, 爸媽又唔敢亂搽藥膏, 唯一想到的, 就是多渴水, 早點睡覺吧! 求主醫治...
