與家人共聚的快樂

人大了, 就是更珍惜與家人相處o既時間...

知嗎?o係寒冷ｏ既天氣下, 可以同屋企人一齊, 安坐家中打邊爐就更是一大樂事....

我好享受同家人一邊食ｏ野，一邊睇電視, 嘻嘻哈哈ｏ既感覺...

因為當中, 除了熱騰騰o既食物給你送暖外, 還有與家人共聚o既一份暖意啊!

感謝主, 讓我可以生於這個小家庭呢！

 

 

點解唔肯影証件相架!?

2012年8月7日 (星期二)

今天上網發現, 原來有部份學校已開始就2013-2014年度的幼兒班招生了…  由於小朋友既近照係報名必需品, 恩晞啱啱嗰個星期日無合作影唔到優惠價証件相, 張氏夫婦也得帶恩晞到影相店試試吧!

今天晚上放工回家, 趁婆婆仲未煮好飯, 就是帶恩晞到商場去試試看…  呢個小朋友有街街去勁開心呀.. 拖住爸爸媽媽笑笑笑… 好喇, 到了影相店附近, 張氏夫婦就是同恩晞在門外徘徊了一陣子, 等佢睇下野, 指下野咁… 再多走一圈返回影相店, 爸爸同佢一講話影相, 呢個小朋友就係店舖內大喊了…

老闆見到就是說, 這個情況太常見喇… 好多客人都係咁架… 今晚小朋友影唔到架喇… 揾日再揾其他人同佢黎… 唔同時段黎咁試下試下啦… 一離開影相店, 呢個恩晞就無晒事咁… 激氣!

經過快圖美, 諗住間店舖係開放式, 又光猛d, 就是諗住同恩晞又試試看吧… 起初都仍然冷靜的她, 就是看到哥哥走近時就大喊了… 唉! 行動又告失敗!!!

返到屋企, 一踏入門口, 婆婆就是問恩晞有無叻叻… 恩晞嘛, 就是回答婆婆說: “喊呀! 我喊呀!...

點算呀!!! 點解恩晞會咁架!!?