25週6日: 寶寶的第一口雪糕

2008年7月19日(星期六)

今晚小B回"麻麻"屋企食飯, 意想不到的是, 媽媽意然可以食雪糕呀....

爸爸同媽媽食了一支士多啤梨味甜筒.... 嘩, 這就是小B的第一口雪糕了...

24週6日: 與媽媽的大學同學見見面...

2008年7月12日 (星期六)

今天, 爸爸媽媽帶小B到將軍澳去....

去邊? 我o地去Crystal 姨姨屋企呀... Crystal 姨姨是媽媽的大學同學... 因為Crystal姨姨有個可愛小寶寶昕蕎, 所以媽媽有好多關於小B的提問都會請教Crystal 姨姨o架.... 媽媽在MSN一見到Crystal 姨姨, 就會問好多好多問題....

因為媽媽太"蛇square", 所以Crystal 姨姨幫了媽媽很多很多呀....隨o左Crystal 姨姨, 今日仲見到Rani, Cherry, Venus, Christine姨姨, 華uncle呀... 嗱! 藍色衫o個個就係Crystal 姨姨!

咦? 點解D相無爸爸份o既?? 當然啦, 爸爸攞住相機幫我o地影相嘛....爸爸, 下次你要一齊影呀....

23週7日: 爸爸的手燙傷了...

2008年7月6日 (星期日- 雨天)

由於公公婆婆出外去, 爸爸媽媽不知道他們是否跟瑤姨媽在港島區食晚飯, 所以爸爸決定親自下廚, 焗意粉, 煮雞翼....

正當媽媽在書房睇日劇"LAST FRIEND" 時, 看到爸爸忽然間由廚房走入睡房, 心想: "咁奇怪的呢?"... O.... 原來爸爸的手被燙傷了... 媽媽看在眼內, 爸爸的三隻手指塗滿藥膏... 怎麼辦? 只懂說: "爸爸, 唔好煮了"... "爸爸, 很痛吧!".... 媽媽的心痛得不得了.... 看到爸爸每隔十分鐘便要再塗藥膏, 媽媽的眼淚也控制不了... 都是媽媽不好, 要爸爸煮晚飯....

晚飯過後, 當執拾枱面時, 發覺枱上的木紋被熱透了, 都是媽媽不好, 未有將所有o野做好....

爸爸, 對不起..!

19週6日: BB 的早晨全餐

2008年6月7日(星期六) - 黑雨警告生效

媽媽今早九點半起身, 正在刷牙洗臉之際, 一個好大的雷聲啊! 媽媽立即摸摸肚皮, 叫小B唔使驚.. 再聽聽電台廣播, 原來黑雨警告正在生效呢!

大大的雷聲原來也叫醒了爸爸... 哈哈, 唔知點解爸爸會知道媽媽的心意, 因為爸爸說要帶媽媽同小B去食麥當勞早餐啊, YEAH!!!!

平時一份普普通通的早晨全餐, 唔知點解今日變得相當特別.. 因為平時的一片豬柳, 今日竟然有兩片.... 平時小小的炒蛋, 今天的是那麼大呢.. 就像是由兩隻蛋炒成一樣........嘩, 是給一份我們的張家小B嗎? 哈哈!!! 

 

18週6日: 小B, 今日牧師o黎探你啊!

2008年5月31日 (星期六)

小B, 知道嗎? 今日o係敏姨媽同Alex姨丈的安排下, 有一位牧師o黎到我o地屋企探訪啊.. 是你第一次跟牧師接觸的日子...

牧師感覺好親切, 爸爸媽媽亦將小Bo既故事毫無保留咁講出o黎... 感謝神, 俾爸爸媽媽再次肯定主與我們一家同在... 感謝神, o係乜事都會擔心, 乜事都會怕的媽媽身旁, 安排了很多小天使陪伴媽媽, 指引媽媽...

小B, 知道嗎? 爸爸媽媽有好好o既家庭, 公公, 婆婆, "麻麻" 都好愛我o地啊! 所以小B 你一定要健健康康咁成長, 好讓我們的愛重重的保護你...

感謝神, 安排媽媽的大學同學-Crystal 姨姨去分享佢o既懷孕生產經歷, 好讓媽媽可以從中學習....

小B, 我們要努力啊! 今天18週的您, 能感受到身邊所有人的支持嗎?

期待著您的出世啊!

18週1日: 是胎動嗎?

2008年5月26日(星期一)

今天肚子總是有點怪怪的, 就像是有個小皮球輕輕滾動一樣.

小B, 是您嗎? 是您跟媽媽打招呼嗎?

17週3日: 爸爸的親友巳經察覺到小B?

2008年5月21日(星期三)

今天是四姑媽結婚的大日子, 爸爸媽媽5:30am 便起床, 準備要在8:00前要到達"麻麻" o係天水圍的屋企... 為了今天這個大日子, 媽媽o係上星期特別選購了新衫新鞋.... 媽媽還戴了隱形眼鏡呢... 但係, 我諗媽媽因為太耐無戴隱形眼鏡的關係, 今早足足花了半小時的時間才戴上, 結果就阻遲了出門的時間... 令爸爸著急到不得了... 仲有呀.. 爸爸可能因為昨日幫麻麻手太操勞的關係, 爸爸今早唔舒服呢...

因為爸爸怕媽媽同小B肚子餓, 到了天水圍後, 還到了麥當勞買早餐給媽媽吃呢... 是板燒雞腿通粉.... 仲有為小B而設的鮮奶呢....

經過了所有出門儀式, 爸爸真的受不了, 終於要去睇醫生了.... 剩下了媽媽, 就只有看看電視, 稍作休息吧...

四姑媽回門之後, 我們便要出發到酒樓去... 中途還到黃金海岸拍拍照呢... 可憐的媽媽又俾那些可惡的蚊子咬到了.... 紅腫痕癢.... 唉.. 但願小B的皮膚會比媽媽好... 不要受這些苦啊..!

到了酒樓以後, 媽媽換了一套閃閃晚裝.... 爸爸媽媽買這條裙子的時候, 是人家應該不易察覺到小B... 但係唔知係唔係經過幾日之後, 小B一日一日長大, 小B應該收埋不了.... 因為在坐的賓客, 有意無意都像在看著我(即是媽媽的肚子)... 其間更有爸爸的親友直接問爸媽是否有了小寶寶呢....

媽媽, 小B巳經長大了........ 你不再是一個肥妹仔, 是一個大肚婆喇!!!