2011年12月2日 (星期五)
認知你的存在才三天的日子, 爸媽就要跟你告別了...
在你離開爸媽之際, 跟家姐一樣, 你也要在媽媽身上留下印記...
宮外孕, 帶走了寶寶, 同樣也帶走了媽媽左邊的輸卵管..
這三個小洞同疤痕, 印證著你的離開...
父阿! 到底祢要我夫婦二人學習怎樣的功課呢..?
在剛過去的小組分享中, 女兒不是說感恩自己有滿足既心嘛... 女兒不是說自己很幸福嗎?
這一刀, 要我學習什麼呢?
求主加力... 求主告知...
累了, 女兒身心也累了.....
尋找方向
2011年12月2日 星期五
2011年8月18日 星期四
WHATSAPP 真是一大發明...
2011年8月19日 (星期五)
今次的出差, 雖然跟爸爸恩晞分開, 但係透過WAHTSAPP, 透過張先生同姨媽媽SEND 過來的相片同VIDEO, 就像是跟恩晞一齊一樣....
同樣睇到恩晞的畫面, 睇到佢同恩同表姐玩得開心的VIDEO, 儘管身處外地, 張師奶都好開心呀.... 而張師奶嘛, 同樣是透過WHATSAPP 將自己開會同當地的相片俾佢地睇呢....
WHATSAPP, I LOVE YOU!!!!!
2011年8月17日 星期三
獨自往機場的路上...
2011年8月17日 (星期三)
由於工作上將有新安排, 今年在海外的SALES MEETING, 張師奶有幸可以有份出席... 地點嘛, 公司總部(瑞典)是也...
會議過後, 又會跟肥老細同陳經理英國走一趟才返香港, 是次行程, 八天是也....
說實話, 這是張師奶第一次到訪歐洲國家, 第一次搭長途機... 緊張嘛? 一點點吧... 十多個鐘機程, 應該會辛苦的呢.....
我想認識張師奶既朋友也都知道, 張師奶係一個對外遊零興趣既怪人... 唔鍾意執拾行李, 只要一想到要在旅遊前執這執那, 返家後又要再執, 執, 執, 諗起就覺得煩了...
由於要搭凌晨機的關係, 張師奶就是叫張先生不用送行了... 否則, 他跟我到機場, 之後又要自己一個搭車回去, 婆婆又要開OT睇住恩晞, 一點點無聯吧... 所以嘛, 張先生只是送我到巴士站就回去了...
一個人, 拿著一個超大行李, 原來都唔容易HANDLE架, 也許巴士叔叔睇到我太雞手鴨腳, 在紅綠燈位置車停下來時, 就是主動走過來幫忙呢...
也許, 是第一次離開恩晞同張先生咁耐時間吧, 坐在巴士上, 感覺總是怪怪的... 恩晞同張先生今晚點呢? 張先生會唔會攰到瞓著覺唔記得餵恩晞呢?
如果恩晞半夜喊, 張先生會唔會聽唔到呢?
求主保守祝福...
2011年8月11日 星期四
張恩晞, 你整親婆婆喇!!!!
2011年8月11日 (星期四)
今天晚上, 當張師奶放工回家還未定神之際, 公公就是一連串的投訴, 說恩晞唔乖, 食藥食成個鐘唔肯吞, 攪到婆婆扭到條腰…
聽到呢到, 張師奶立即大叫入廚房, “婆… 點呀!? 無事嘛!? 整到腰? 點呀…? 哎呀, 點算呀…”
婆婆就是說自己右邊背脊痛, 應該係”夾”恩晞成藥而佢又成日撐來撐去整到既…
唉! 點算呀!?
2011年8月8日 星期一
脆弱…
2011年8月9日 (星期二)
今天下午, 張師奶告了半天年假, 特以出席堂姐夫的喪禮…
下午一時離開公司, 就是獨自一人坐地鐵到柴灣去… 簡簡單單的醫了肚, 就是到地鐵站其中一個出口既集合點, 坐SHUTTLE往小教堂去…
從地鐵坐扶手電梯慢慢步向地面出口, 就是已見到一眾親友在等待… 看到的, 還有堂姐的兒子永熙…. 表面看來, 這個孩子看似沒有什麼異樣, 照樣的跟表姐妹們有傾有講, 但係, 當叔公們叫他前來時, 這個小朋友就是萬個不願了… 我想, 這就正正表現著, 他害怕大人們會問他什麼, 說些什麼吧…. 張師奶一直沒有太多的說話, 就是默默的等候…
大概三點多鐘, 就是到達了那舉殯的小教堂…. 說實話, 也許由於自己的信仰關係, 往小教堂的感覺往往比起要往”大酒店”既感覺來的平靜…
步進那個大概可以容納四, 五十人既小教堂, 大堂既正中心就是放著堂姐夫的靈柩和遺照… 簡簡單單的禮堂佈置, 兩支燃點著既白蠟燭, 氣氛是平靜的…
整個喪禮採用天主教儀式進行, 是張師奶第一次出席用有關形式進行既喪禮… 席間, 神父提到如何計算生命是長是短, 就是有愛, 所活著既日子就是有福… 期間, 負責既神父提及他曾為一個一百零三歲的老人家和一個細至出世只有十天的小朋友作有關儀式, 係唔係出世只得十天的小朋友就是短呢… 對於媽媽而言, 由最期待小生命出現既喜悅頓然變成喪事, 實在是難以接受… 但係, 呢個小生命曾經出現過在媽媽的生命中, 與媽媽那微妙既相處, 實在也是有福的…
聽到呢到, 我想, 沒有人比張師奶感受更深吧… 霜霜不就是這樣子嗎? 她的離開, 讓媽媽幾乎崩潰輕生… 但是, 回想那陀著霜霜的日子, 實在, 有太多片段都是美好, 令人難忘的… 她的出現, 就是這樣子永遠存在張氏夫婦的心中, 同時間, 張師奶期待著他日在天家中重遇…
瞻仰遺容過後, 實在, 張師奶一直為堂家姐這個家庭禱告, 眼淚再一次一自覺的掉下來… 看到堂姐夫那瘦削的面容, 實在不難想像他在病患中既痛有多深, 樂觀的諗, 也許這是一種解脫… 不過, 我想, 最難過的莫過於是看到怕父,怕娘和堂姐的哀痛… 一直以來的感情累積, 如今目睹至親這樣子的離去, 那感受實在非外人可以理解的吧…
裘姐夫, 願你在天家安好, 守護著玲姐和熙熙!
天常藍!?
2011年8月9日 (星期二)
儘管恩晞已再多食咗兩日藥, 燒仍是沒有止住, 一直keep 住低燒… 咳嘛, 就是越來越嚴重, 就是一瞓著覺, 大概一,兩個鐘, 呢個BB就會咳醒, 跟住就驚到喊… 也許, 恩晞今次大大話病咗成兩個幾三個星期, 而且每一次食藥都是角力戰, 說實話, 張氏夫婦不禁身心都有點兒疲累了…
十二點餵過藥和奶, 張氏夫婦洗下大人衫, 整理下恩晞D 嘢都已經點幾兩點了… 正當想瞓覺時, 恩晞BB就開始咳… 攬攬抱抱好一陣子, 就是剛剛睡上個幾鐘既時間, 凌晨四, 五點, 又是聽到恩晞既大喊聲… 由於恩晞一直都唔係太跟張師奶既關係, 就只有辛苦爸爸揍住恩晞, 陪住恩晞吧!
早上七點半, 聽到鬧鐘聲起床, 就是第一時間走過恩晞房間,看到的, 是呢仔豬仔又背脊向上”PA”住瞓…. 爸爸嘛, 就是睡在大床上一瞼疲態… 細問下, 恩晞就是自凌晨四, 五點一直扭, 一直扭至早上七點才肯回到BB床去… 唉! 真的覺得自己好無用, 爸爸這樣子太辛苦了吧…
返工路上, 走在屋苑平台, 看到天空灰灰想下雨的樣子, 想到了恩晞患病辛苦, 同時, 亦想到了今天下午是堂姐夫出殯的日子, 下雨天, 是上天也為堂姐夫的離開而難過嗎?
一剎那間, 張師奶想起了在天家的霜霜…. 一幕幕當天到威院認領霜霜遺體,自己不由自主地哭成淚人, 看著霜霜甜睡既樣子不斷流淚唱詩歌, 將一扎扎小鮮花放進棺木的畫面, 就是這樣子一幕一幕咁閃 出來… 霜霜, 在天家的您, 生活如何? 您好嗎? 您有看到在家的妹妹恩晞嗎?
儘管堂姐夫跟我們有著不一樣的信仰, 堂家姐又未有任何宗教信仰, 張師奶一直也為呢個家庭禱告….
求主保守今天所有程序都順利, 讓玲姐都有最親既家人在身旁支持, 猶如在霜霜火化當日, 除了張先生以外, 姨媽媽就是一直留守在張師奶身旁一樣… 求主讓玲姐在這個傷心的時候有倚靠, 有支持… 同時間, 求主保守永熙, 堂家姐既兒子, 一個十歲多既小男孩失去爸爸, 實在, 作為大人既我哋都未必完全理解呢個經歷對小朋友既影響有幾多, 有幾深… 但係, 天父祢知道, 因為祢清楚我哋每一個, 求主保守看顧..
天父, 袮從未應許天色常藍, 但係, 在我們痛苦難當既時候, 父呀! 袮應許與我們同在… 我深愛”足印”呢個故事, 係 因為這是我自己所經歷過的… 在我痛苦難當要尋死既時候, 在張先生上班去, 得我自己一個留守家中曾想盡一切傻事之際, 父啊, 是袮提醒我, 背著我走過最艱難的日子… 同樣, 今天, 當玲姐這個家庭要走在這艱難的路段時, 求主保守祝福. 阿門!
誰曾應許
http://www.youtube.com/watch?v=roZeDtoimuQ
2011年8月7日 星期日
一個人逛BB 展… 爽呀!
2011年8月7日 (星期日)
原本, 張氏夫婦一早計劃好今天下午出外拍拖去BB展…. 恩晞嘛, 就是交由公公婆婆開半日OT 照顧照顧的… 奈何, 因著恩晞BB病倒了, 我們的計劃又一次的改動了…
結果嘛, 爸爸跟恩晞留守家中, 張師奶嘛, 自己出外走一趟…
因著同事給了我們免費既入場劵, 張師奶就是單單以五元正買了那一本優惠書仔就到會場去…
排下呢 到, 排下嗰到, 一袋二袋贈品仔, 真開心!
與此同時, 張師奶也買了些小玩意給恩晞BB呀….
結果嘛… 張師奶由四點行到大會七點半關門….
YEAH! 盡興呀!!!!
訂閱：
文章 (Atom)