尋找方向
2012年10月8日 (星期一)
由於張先生需於10/14 至10/21 到美國工幹一星期, 自從這個決定成為鐵定既事實, 張師奶就開始為著那整整一星期既生活擔心起來了…
說實話, 自恩晞出世以來, 張師奶都唔係一個稱職既媽咪… 很多照顧恩晞既鎖事都係由張先生負責的… 沖涼也好, 煮嘢俾恩晞食也好, 餵食也好, 很多很多事情都係由張先生處理的…
恩晞嘛! 自小就聽爸爸話, 鍾意痴住爸爸唔放…
對住媽媽嘛! 有時會有脾氣, 媽媽話佢, 佢未必有回應… 但係, 只要對住爸爸, 佢又會好聽爸爸話, 會收斂番脾氣, 會講對唔住…
今天晚上, 張先生加班了… 當張師奶同恩晞玩玩下之際, 呢個小朋友就是無端端對著媽媽發脾氣了… 媽媽跟她說道理, 這個小朋友依然固我… 此時此刻, 張師奶真的為下個星期的生活有少少擔心… 恩晞不見爸爸怎麼樣? 會更扭計嗎? 我應付得來嗎? 一連串既問題讓我感到有股壓力啦!
求主加力!
2012年10月6 日 (星期六)
由於恩晞明年便到入學年齡, 所以嘛, 要報讀K1了… 而相關的面試班則在今年10月/ 11月陸續開始呢…
張氏夫婦一共報咗五間幼稚園, 今天要前往面試的, 就是啟思幼稚園(帝堡城分校)… 報讀這間幼稚園的原因, 主要是因為啟思這個名字頗為熟識, 加上表哥仔細個時都係讀呢間嘛, 也就報名試試吧!
面見時間為中午一點, 一心諗住俾恩晞早一點熟習一下環境嘛, 就是十二點十五分便到了… 只可惜, 未夠鐘數, 所有家長就只有在幼稚園門外等…
恩晞嘛… 沒有扭計, 就是乖乖的坐在爸媽身邊, 周不時眼望望咁等時間過…
十二點四十五分, 開始排隊登記了, 張師奶排到了第一個… 也許恩晞見媽媽唔知行咗去邊, 爸爸就是說恩晞嚷著揾媽媽… 十二點五十分, 爸爸就是跟恩晞一同走到學校門口跟媽媽一同排隊呢…
恩晞完全沒有哭鬧, 就是拖著爸爸, 跟站在學校門口的老師和員工打下招呼咁…
一點鐘, 正式登記了… 由於只有一個家長可以陪伴恩晞進行面試, 所以嘛, 這個責任落在爸爸身上… 張師奶嘛, 就是再一次到校園門外等呢…
半小時過後, 忽然間聽到了恩晞把聲, 跳跳扎的拖著爸爸由學校大門走出來… “媽咪, 媽咪, 走得喇!”… 看到了恩晞, 張師奶就是第一時間把手張開讓恩晞跑過來,然後大大力咁攬實恩晞同佢講, “恩晞, 你返黎喇! 好掛住你呀!”
聽爸爸講了大致上的面試過程, 我想, 恩晞既表現實在也不錯呢… 說實話, 之前真係好怕恩晞會大喊喔! 所以, 當佢無喊之餘仲會聽老師指令跟住做實在何其難得… 感恩!2012年10月4日 (星期四)
做FACIAL 對張師奶而言, 係其中一種減壓方法… 因為, 在那短短的一小時中, 就是可以無拘無束咁抖下…
自從YOYO姨媽搬入將軍澳以後, 張師奶往往也於做完FACIAL 後, 就是會跟姨媽媽同家茵表妹一同晚飯後去回家去…
不過咁, 話雖如此… 當上了媽媽, 心始終係掛住恩晞囉… 往往都希望返到屋企既時候, 恩晞係未瞓著覺囉… 所以嘛, 有時候, 如果姨媽要加班唔可以一齊食飯, 張師奶就是寧願唔食或係極速咁食, 好讓自己可以早一點點回家去…
今天晚上就是如此, 因著姨媽要加班的關係, 張師奶就是速速的在foodcourt 吃了點粥同炒麪就趕巴士去… 感恩! 返到屋企, 恩晞仲未瞓覺呀! Yeah!
2012年10月3日 (星期三)
今天早上, 由於要替恩晞報幼稚園的關係, 張師奶就是請了兩個小時的年假作報名安排…
這所位於錦泰苑的幼稚園, 實在給張師奶一個唔錯的感覺… 說實話, 張師奶真的希望恩晞十一月份的面試會ok, 希望佢有機會入到呢間幼稚園呢, 求主為恩晞安排合適既學校…
遞交表格的過程比相像中順利同快, 因此, 十點半已返到公司了…
經過四天的假期, 個人真係有點點未回魂喔! 不過, 總算過了一個工作天呢!
由於家中電腦有一點點工程, 爸爸就是告了半天假回家處理有關事宜… 心血來潮, 就是跟爸爸說, 不如今晚食壽司啦… 得婆婆同意, 也就決定今晚吃大餐了…
放工回家, 就是約好張先生在商場等… 誰不知, 當張師奶已到商場之際, 張先生仲未到喎… 致電張先生, “準備出門口!?”… 唉! 原來恩晞唔知道仲乜嘢, 係咁痴實爸爸唔放…
在元氣壽司店附近等爸爸同恩晞, 原來婆婆也來了… 婆婆諗住一心可以使開恩晞, 但係無論點樣都唔成功呢… 看到恩晞如此痴身, 我這個媽媽又擔心起來了… “係唔係唔舒服呀!? Daddy, 你應該話俾我知嘛… 如果佢咁樣, 可以唔食大餐嘛…”
雖然恩晞係痴身, 但係佢尚算精靈的… 坐在bb車上的她, 一邊搖, 一邊唱歌, 一邊笑…
買好了壽司同KFC 以後, 就是回家去了… 恩晞嘛! 回到家中第一件事就是大叫, “阿公, 我返黎喇!”… 阿公嘛, 就是等到在SOFA上瞓著了…
恩晞除了鞋仔, 就是走到SOFA 大拍阿公, “阿公, 起身喇! 食飯喇!” 看到如此情景, 張師奶就是很感恩… 這幅圖畫實在很美喔!
雖然恩晞尚有微燒, 我們也就因應她要求俾少少飯她吃呢… 恩晞嘛, 開心囉…
P.S. 半夜, 恩晞竟然有幾聲咳呀!
唉! 都係張師奶唔好啦… 莫非d 食物太燥熱? 擔心中….
2012年10月2日 (星期二)
之前一心諗住有四日假期, 就是相約了住在 港島區既阿姨同表姐聚一聚喔!
由於恩晞尚未退燒, 為免掃慶, 跟張先生相討後, 就是決定由爸爸留下來照顧恩晞, 張師奶嘛, 就是跟公公婆婆照原定計劃出去飲茶了…
雖然只是短短的茶聚, 張師奶也很珍惜這些時間… 自從外婆離開以後, 要幾個家庭聚埋一齊的時間實在較以往難召聚了… 所以嘛, 可以這樣子一聚, 張師奶份外珍惜…
因著恩晞仍在發燒的關係, 茶聚過後, 張師奶就是回家去了… 三點鐘返到屋企, 恩晞尚未睡覺呀… 與此同時, 看到爸爸有點攰的樣子, 這個爸爸才說出自己下午開始有點唔舒服呢…
唉! 點解會咁架… ?
爸爸, 恩晞… 你哋快d 好番啦!!!!
2012年10月1 日 (星期一)
恩晞昨早開始發燒, 感恩是睡了一覺, 出咗一身汗後, 整天也都有精神的…
只是, 唔知道恩晞係唔係半夜開始覺得邊到唔舒服, 凌晨三點, 就是醒了過來一直唔肯再瞓番… 張氏夫婦同恩晞互相角力, 張師奶嘛, 最終捱到四點多五點就是撐不住了… 往後的時間嘛, 就是辛苦張先生了…
八點鐘, 聽到恩晞在隔離房大喊, 就是急急的醒過來衝過去把恩晞抱住… 摸到恩晞全身熱騰騰, 加上看到她頭上貼住退熱貼, 就是心急得立即為恩晞探熱….
“102度幾!?”… 昨晚半夜也無事的喔! 此時此刻的張師奶, 實在唔理得張先生是整晚無瞓才剛剛入睡, 也得弄醒張先生餵藥去…
“Daddy, 恩晞102度幾呀!? 佢昨晚發燒嗎?”… “um… 餵完好之後覺得佢熱熱地, 所以幫佢貼咗退熱貼囉”… “餵咗藥先再瞓啦!”…
就係咁樣, 爸爸先餵恩晞食藥, 然後就是由張師奶陪住恩晞, 好讓爸爸好好的休息一下…
早更由張師奶負責, 中午更則由張先生負責到張師奶休息休息…
我們這一家, 就是這樣子的過了這一天的假期喔!
P.S. 十一國慶, 今晚有煙花睇呀! 婆婆就是七點多上到來我們家中睇下恩晞, 仲同恩晞一齊睇完煙花才回家呢!
2012年9月30日 (星期日)
今早醒來, 恩晞看了一陣DVD就是跟媽媽說肚子餓, 可是, 開了一支240ML 既奶, 恩晞吃了50ML 就是說不要了…
此時此刻, 張師奶就是感到奇怪喔! 點解呢? “恩晞, 你係唔係唔舒服呀!?”…. “無呀!”…
再看一陣VIEDO, 恩晞就是坐坐下就伏在SOFA上, 把她坐好了又伏下來, 連續好幾次過後, 媽媽就是取出探熱器了…
“怎麼!? 101度幾!? 恩晞, 你發燒喎…”
由於恩晞發燒, 也得弄醒在仍在睡夢中的爸爸呢… 因為, 張師奶要到診所登記去呢…
因為今天發現恩晞病遲了一點, 診所已經迫滿人了… 登記過後, 姑娘就是說最少要等上一小時的時間呢… 所以, 張師奶就是先行回家去了…
一小時過後再致電診所, 姑娘說仲有幾個就到恩晞嘛, 那麼, 張氏夫婦就是帶恩晞到診所去…
今次去診所, 恩晞沒有如上次般緊張似的… 不過, 作為媽媽的我, 看到她固作鎮定, 就是跟爸爸說下陣子她未必係咁樣, 可能更扭呢…
到達登記處, 就是看到恩晞想喊了, 不過, 還是忍住忍住… 話到話到, 就是在診所門外坐上了近一小時才叫到張恩晞這個名字…
恩晞嘛! 就是爸爸一踏進醫生房便喊到癲了… 喊得比以往更大聲, 更聲嘶力竭… 唉! 不過, 好彩, 今次無嘔到…
檢查了一輪, 醫生叔叔就是說開輕一點藥, 等恩晞自己同d 菌打下扙先呢…
一如以往, 就是讓爸爸先跟恩晞回家去, 張師奶嘛, 留下來等取葯呢!
實在, 叫張師奶最唔開心既係, 第一年既中秋節, 恩晞啱啱出世喺仁安醫院同我哋過中秋…. 上年嘛, 恩晞又係在中秋節當日發燒無得去姨媽媽屋企做節… 今年嘛, 又係咁無端端發燒… 係唔係好激氣呢!?
不過咁, 張師奶仍是不斷的安慰自己, “小病是褔喔!”….
恩晞, 快d 好番啦…
