36週2日: 與"惡"契媽食晚飯呀!

2008年9月30日(星期二)

今晚爸爸媽媽帶小B同"惡"契媽, Minnie & Carol 姨姨食晚飯...

由於媽媽的肚子巳經好大了, 媽媽的朋友仔都遷就我o地, 說我們想去邊到食飯都可以... 今天下午, 因為媽媽要帶我到馬鞍山健康院作例行檢查, 原本我o地就約左一班姨姨o係旺角食晚飯o架, 但係....

唔知係唔係因為我這個小Bo係媽媽的肚子裡, 媽媽的肚皮上呢幾日出現了一些小紅點, 由於爸爸媽媽都擔心唔知這些小紅點對我這小B有無影響, 健康院的醫生姐姐又唔係好答到媽媽的提問, 媽媽於是便打電話到馬醫生的診所查問可唔可以作簡單的檢查... 結果, 姑娘很好呀, 她們知媽媽擔心, 就叫媽媽於六點前趕到銅鑼灣診所去...

嘩, 為了小B, 媽媽真的很趕呀, 因為媽媽五點十分才在馬鞍山上巴士, 到了灣仔, 還要轉MTR到銅鑼灣... 雖然是遲了少少, 但是總算趕得切....

要感恩, 因為馬靜怡醫生跟媽媽不用怕, 不會影響BB.... Yeah!

由於到了銅鑼灣, 今晚的晚飯也改了到銅鑼灣吧! 媽媽先與"惡"契媽行超市, 之後再到世貿中心的意粉屋等位食飯...

知唔知"惡"契媽係邊個呢? 哈哈, 佢叫Litina 姨姨, 係媽媽的好朋友, 媽媽結婚時, 都是Litina 姨姨做伴娘o架... 點解"惡"? 因為Litina 姨姨最討厭小朋友, 佢成日都話唔做契媽o架... 係爸爸媽媽迫佢做o架.... 不過無論如何, 我這個惡"契媽好鍚媽媽o架... 所以呢, 佢都會好鍚我的呢!

因為Carol 姨姨好忙, 明日又是假期, Carol 姨姨差唔多到九點多先來到呀, 所以小B今晚要夜D先食飯呀... 不過, 當然唔緊要啦! 可以同呢班姨姨一齊食飯, 媽媽好開心呀...

唯一覺得唔開心的, 就是因為媽媽要趕著看醫生, 返唔切屋企攞相機, 所以, 今晚我同班姨姨影唔到相呀! 唔緊要, 到我出世之後再影啦! 你地等我一個月啦!