火煱... 不再是冬天的時令活動了!!!

2009 年7月25 日 (星期六)

今天晚上, 張宅又有朋友仔來探訪呢.... 到底是那一班朋友仔呢?? 答案是... Yeah! 張師奶的同事朋友喔!

張師奶常說, 求學時期, 感謝神為我安排了一所好好的學校, 認識了很多伴我成長的同學... 長大以後出來社會做事, 神讓我在工作間認識張先生, 更讓我認識了很多愛錫張師奶的同事朋友...

不知從什麼時候開始, 火煱, 一項在兒時認為是冬天的時令活動, 巳成了一年四季也可以安排的活動了... 所以呢, 今個晚上, 我們再一次的"打邊爐"吧!!!

除了大朋友, 今天也可說是一個小朋友的聚會喔!

Hello, 大豆豉姐姐(小瑜)! 我係肥豬呀! 歡迎你來我地屋企玩呀!!!!

點解叫大豆豉? 哈哈, 我唔知呀! 媽媽話等陣先話俾你地知喎!

肥豬, 你同小瑜一齊玩波波呀?

細佬仔, 你仲乜成日都攬住阿姨唔放呀?? 攪到阿姨乜都食唔到喇!!

罪証, 罪証... 你唔攬住阿姨就走去攪野?? 壞左要打電話俾你媽媽賠錢呀!!!

其實今晚仲有"小豆豉"o架... 因為得三個幾月大, 都係食下奶奶, 瞓下覺, 同大家笑下咁囉.... 下次先一齊同姐姐哥哥玩啦!!

答案揭曉喇! 點解叫小瑜做大豆豉? 未係因為佢對眼仔囉... 小小的眼睛, 好似豆豉仔咁... 至於小豆豉呢? 哈哈, 當然都係同對眼仔有關啦!! 因為小豆豉細過小瑜, 所以一個係大豆豉, 一個係小豆豉!!

你地睇下小瑜幾"八妹仔"... 兩歲咋!!!

一齊影張相先啦!! 小朋友, 笑下啦!!

打邊爐喎! 當然都要影下啦!!　

三個小朋友終於可以一齊影相喇! 哈!!! 三個都唔同表情架!!!