結婚四週年紀念日...

2010年11月26日 (星期五)

不經不覺, 跟張先生結婚已有四年的時間... 今年的結婚週年紀念日變得不一樣了, 不再是二人世界, 而是加埋恩晞BB既三人世界...

還記得上一年我們到了香港迪士尼慶祝結婚週年紀念, 仲買埋全年入場証... 一年過去了, 今天剛剛係入場証最後一日有效期... 張先生就是請了半天的年假, 我們要把握機會, 帶恩晞BB跟公公婆婆到迪士尼遊一圈喔...

實在, 由馬鞍山搭車去迪士尼都可以話係幾遠架, 我呢個媽媽真係好驚佢會係地鐵到大哭... 不過, 恩晞BB今天好叻叻喔, 全程都瞓... 不過, 當她入到迪士尼都一直係咁瞓既時候, 我地真係有諗過佢會唔會暈車浪呢, 哈哈...

話說, 我地中午十二點係屋企出門口, 公公婆婆係McDonald食左少少野就搭馬鐵出發, 去到迪士尼都已經兩點幾了... 三點鐘叫醒恩晞BB食奶, 點知食飽飽佢又即刻瞓喎... 就係咁一路瞓, 一路瞓, 到五點幾我地正準備離開樂園時佢才張開眼仔... 也好, 公公婆婆見佢張開眼仔好開心呀, 因為可以抱起佢同佢一齊影相呀嘛...  

不過, 亦因為恩晞BB醒左, 令我地係樂園逗留耐左影相的關係, 回程既時候, 恩晞BB肚餓了... 一入地鐵, 恩晞BB就開始大哭... 車廂既人聽到恩晞BB既哭聲, 就是說"哎呀, 呢個BB好細個架咋... 唔知係唔係肚餓呢..."

到了第一個轉車站"南昌", 無辦法了, 我們都係要先開奶俾佢食... 諗住恩晞BB吃飽飽會OK啦... 點知, 再入車廂, 佢又開始哭... 到了第二個轉車站"紅磡", 原來恩晞BB痾左臭臭呀... 好啦, 食飽飽又換好片諗住OK啦... 再次步入車廂, 點知恩晞BB都係哭呀... 今次係乜野原因, 當然係眼瞓仔啦... 哈哈!!  

到站喇, Yeah!!!

三點鐘... 恩晞BB要開餐喇!!!

恩晞BB全程瞓... 影相嘛... 見車如見人啦!!!

大合照呀... 公公, 婆婆, 媽咪, Daddy 同埋恩晞BB....

雖然媽咪唔鍾意米老鼠... 但係唔知點解覺得恩晞BB第時會鍾意呢隻野...

所以, 都係買左個米妮不倒翁俾佢第時玩...

恩晞BB醒眼喇.... 打個呵欠先....

公公婆婆抱住個孫就開心....

哎呀... 恩晞BB好肚餓喔!!! 我o地要係南昌站停低餵奶奶呀...