2012年7月7 日 (星期六)
由於恩晞的生理時鐘都比較定時, 一般而言, 晚上 九點鐘左右, 呢個小朋友就會開始扭眼瞓…
所以嘛, 平時星期六返嫲嫲屋企, 張氏夫婦都盡量趕於八點半前離開, 好讓恩晞回家的狀態可以好一點點, 無咁扭計…
不過, 今晚因著表哥表姐要補習的關係, 我們到八點幾先開飯, 離開嫲嫲屋企時已九點多了… 張先生為想恩晞早一點回到家中, 就是向四姑媽查問可唔可坐他們車回家去, 答案當然是ok 啦…
上到姑丈的私家車, 恩晞好快已經進入狀態想瞓覺了… 奈何, 我們似乎忽略了表妹卓蔚也會眼瞓喔! 車子走到一半的路程, 表妹仔開始扭計了, 就是在車子上大喊唔肯收聲… 無論四姑媽做什麼也是未有辦法讓卓蔚靜下來… 也許, 都是做爸爸的了解囡囡吧! 正在開車的姑丈就是遞出手提電話, 意思就是開video 俾卓蔚睇… 哈哈, 呢個方法果然有效, 好彩!
姑丈呢個舉動都令張師奶諗起手機中的兒童遊戲喔! 就是也開出來俾表妹看看吧! 恩晞嘛, 聽到了熟悉的遊戲聲音, 連覺到唔瞓就坐起來睇手機…
就係咁樣, 終於都捱到返馬鞍山了… 跟張先生相討後, 我們自己以後也得好好管理時間, 唔可以再用呢個方法了… 始終卓蔚比恩晞還細四個月, 也是一個會扭眼瞓, 會扭計的小朋友喔!
