休息一天…

2012 年7月2日 (星期一)

今天是公眾假期… 耐何, 張師奶的心情彷彿麻麻地…  因為這個假期讓張師奶有點點矛盾…

也許, 星期六日都外出了, 多出一天的假期, 實在也想在家休息一下…. 不過, 家中有了小朋友, 加上陽光普照, 有時也就是想趁假期帶恩晞出去走走看…  但係, 看到外面炎熱的天氣, 又好像令張師奶卻步了…

爭扎了好一段時間, 跟張先生拉鋸了一陣子, 最終還是決定在家休息一天…

我想今天最想記下的, 莫過於恩晞小朋友的一句說話了… 話說, 三點鐘, 爸爸幫恩晞沖涼去…. 張先生替恩晞抺身之際, 就是問道張師奶說, “媽咪, 會唔會考慮開支奶俾恩晞, 等佢食飽飽瞓覺呢?”…  “吓!? 頭先你唔係話餵咗碗半通粉咩!? 點解要食奶呀!?”… “um… 我問 下姐, 嫲嫲之前黎湊佢話有俾支奶佢食咗先瞓午覺呀嘛!? 不過, 唔開都無所謂…”

“吓!?”…  說實話, 張師奶覺得無需要開呢支奶,  但係, 也即管問一問張恩晞吧!

“恩晞, 你食唔食奶奶呀!?” …. 誰不知, 呢個小朋友, 望一望媽咪, 就是好快答道, “我食呀! 好肚餓呀!?”

呢一刻, 張氏夫婦呆住了, 但同時間, 我倆都笑了… 媽媽反問恩晞, “吓!? 好肚餓? 你真係要奶奶?”… 恩晞就是簡單的答道媽咪, “我食呀!”

既然係咁, 也就開奶吧! 最終嘛, 一支240ml 既奶就俾恩晞吃光了… 同時間, 恩晞吃光支奶後也就入睡了…

不一會, 公公致電揾恩晞下午茶去… 恩晞瞓咗覺嘛, 張師奶代為出席吧… 就是這樣, 張師奶再一次偷懶去… 張先生呢, 就是留守家中睇住恩晞呢..

跟公公婆婆到過了美心快餐, 簡簡單單的吃了個下午茶餐, 也就是到超市及街市逛逛… 返到屋企, 也差不多六點鐘了…

是日晚餐: 婆婆煮既美味上海麪加香煎豬排…