牙擦擦…

2012年7月31日 (星期二)

九月中才兩歲大既恩晞, 如今跟大人既對答就是有文有路, 牙刷刷咁..

今天晚上, 當張師奶放工回家打開大門的一刻, 恩晞就是攞住個假”啤梨”同媽媽講, “士多啤梨俾你”… “吓!? 呢個唔係士多啤梨, 係啤梨喎!” … 恩晞就跟住改口說, “啤梨俾你!”

張師奶接過啤梨, 跟恩晞說了謝謝過後, 恩晞就是抱著媽媽大脾, 昂起頭跟媽媽說, “喊呀! 要公公抱你呀! 扭計呀!” … 轉身走了兩步, 又再同媽媽講, “咳咳呀! 發燒呀!”….

“吓? 你咳咳呀!?”… 恩晞答:“係呀!?”

張師奶急急的問在廚房的婆婆: “阿婆, 恩晞今日好咳咩?”…

婆婆答道: “咩呀!? 咩呀? 唔係呀! 一兩聲囉!”…

“吓, 咁佢又同我講咳咳, 發燒既?”… “吓!? 佢同你講牙?”… “係呀! 你聽唔到佢講咩?”… “聽唔到…”

接著, 張師奶就是走前用力攬實張恩晞說, “你係唔係咳咳… 你有無”握”媽咪…. 你有無蝦公公婆婆?”… 恩晞嘛, 就是笑住咁扭作一團…

鬆開恩晞過後, 張師奶就是到房間取出探熱器, “張恩晞, 快d 黎… 你係唔係發燒, 要探熱…” 恩晞嘛, 就是由客廳走到房間門口企定定俾媽媽探熱… 探完左耳, 呢個小朋友就是自己轉身, “呢邊啦!”… 看到呢個畫面, 張師奶真係唔知好嬲定好笑, 忍不住跟恩晞說, “如果你在診房肯咁乖唔喊, 都係咁樣俾醫生叔叔同姑娘姨姨睇你咪好囉…”

探熱過後, 呢個小朋友就是扎扎跳咁走出客廳攬實公公說, “我探熱呀!”…. 哈哈哈!