2012年7月13日 (星期五)
婆婆發燒了, 張先生又因著公事未能告假, 今天照顧恩晞的責任, 就落在張師奶身上了…
說實話, 對於今天這個挑戰, 張師奶心情很緊張… 可笑吧! 當了快要近兩年的媽媽角色, 張師奶竟然無比緊張, 擔心自己應付不了呢…
七點幾八點, 恩晞起床了, 爸爸幫忙梳洗過後, 張師奶就是說帶恩晞到街市買腸粉作早餐去… 跟爸爸一同出門口, 恩晞就像是平日一樣, 要爸爸, 唔要媽媽… 入到商場, 爸爸說媽媽帶恩晞去睇ANGRY BIRDS 佈置, 這個小朋友才肯鬆開爸爸的手說再見…
張師奶拖住恩晞一步一步的走, 感覺有點奇怪, 但係, 這個感覺又好窩心的… 到了街市門口, 恩晞就是嚷著要媽媽抱, 也許她知道入面多人怕陌生吧! 到了賣腸粉的店舖, 媽媽就是問恩晞, “daddy 係唔係同恩晞係呢道買腸粉架?” … “係呀!”…
買了腸粉, 恩晞就是嚷著要拿最小的那一包! 也許, 跟爸爸買腸粉時, 張先生就是慣於俾一包恩晞拿著呢… 走著走著, 就是同恩晞往麪包, 牛奶去… 買齊了東西, 我們倆母女就是拖著回家去…
返屋企吃過早餐, 就是跟恩晞一邊聽著兒歌, 一邊玩玩積木, 睇書, 睇手提電話遊戲, DVD等… 就是這樣子, 過了差不多兩個小時, 恩晞開始攰了, 媽媽就是開奶給恩晞食覺覺豬了… 起初, 張師奶係諗住煮粉俾恩晞食架, 奈何, 原來今天無煤氣供應)…
吃過了奶奶, 恩晞就是睡著了… 一點鐘, 當恩晞瞓著覺的時候, 就是張師奶的私人時間了… 先查一下公司電郵, 再為自己叫個外賣午餐, 就是開始執拾一下信件文件了…
兩點多鐘, 走到恩晞房望一望, 恩晞就是睜開了眼睛, 拍了她好一陣子, 又再次入睡了… 離開恩晞房間還不足十分鐘, 就是聽到恩晞在房間叫”媽咪, 媽咪!”…
走到入恩晞房間, 呢個小朋友已經站在嬰兒床上了… “恩晞, 你瞓醒喇!”… “係呀!”… “要唔要換片片呢?”… “唔換!”… 摸一下恩晞屁股也不是太重, 就是把恩晞抱起落地了…
客廳中開著電視, 恩晞坐在sofa 上, 就是說, “大長今呀!” … 此時此刻, 張師奶真的笑了, “吓! 點解恩晞識大長今既! 婆婆好鍾意睇架!?”… “大長今呀!”…
給恩晞看了一陣電視, 吃了少少蛋 糕, 看到煤氣供應恢復了, 就是幫恩晞沖涼去!
Well, 知道嗎? 今次是自恩晞出世以來, 張師奶第一次為恩晞沖涼喔! 說實話, 有點點緊張… 不過, 唔緊要啦! 好既唔好既都叫沖過涼啦! 明日星期六, 張先生可以幫佢再沖乾淨d 啦!
沖涼過後, 張師奶就是為恩晞的晚餐作準備了… 恢復煤氣供應, 就是說張師奶可以煮粉俾恩晞食了…
由於早前已相約了幾個大學同學仔聚會, 很朋友們體諒說歡迎張先生同恩晞一同出席飯局, 就是說張師奶不用等張先生回家睇住恩晞自己先再出去的情況了… 不過, 挑戰係, 張師奶要自己一個人帶恩晞搭巴士, 除要照顧恩晞, 還有恩晞出街用的大背包同車仔….
好不容易等恩晞食飽粉粉, 就是執搭一切跟恩晞出去了… 到了巴士站, 恩晞就開始扭抱了… 除了背包, 右手抱住恩晞, 左手就是車仔… 最艱難的, 應是上巴士的時候呢! 原來既要抱住恩晞再要攞車仔上巴士係好吃力的呢…
感恩, 六點多鐘坐巴士有很多空間, 否則, 真係唔係點算好… 當然啦! 恩晞坐坐下又開始扭抱了, 好彩, 張師奶也醒目帶了點小吃分散恩晞扭計時間… 由於車程唔算太耐, 所以都ok 應付到… 加上daddy 已放工在車站等我們兩母女落車, 張師奶總算任務成功喔!
跟姨姨們食晚飯, 恩晞也算乖乖的喔!
媽咪俾個叻叻恩晞呀!
沒有留言:
張貼留言