換到第一隻惠康ANGRYBIRD 喇!

2012年7月18日 (星期三)

話說YOYO姨媽帶家茵表妹入馬鞍山探婆婆, 同時間, 姨媽媽竟然帶咗一張貼滿六十個惠康印花的換領紙俾恩晞呀…  當姨媽問恩晞鐘意邊個顏色時, 恩晞指住黑色嗰隻喎!

哈哈! 其實有時張師奶真係覺得張先生好厲害的… 之前我問過爸爸說, 如果我哋儲齊60個印花, 到底會換邊隻先… 如果係張師奶呢, 我想, 我就是會先以那兩隻綠色的豬豬大皇同綠鳥為目標先… 因為, 恩晞鍾意綠色嘛! 張先生嘛, 他則講過阿囡應該最鍾意黑鳥, 不過佢都會先換一隻豬豬大皇俾恩晞先..

上一次的討論, 張師奶曾經問婆婆, 同恩晞到惠康時, 呢個小朋友可有伸手搞那些ANGRYBIRD, 婆婆就是說, “有呀! 一攞就攞黑色嗰隻!”

之前張師奶真係有質疑過恩晞係唔係真的喜歡黑鳥架!? 不過, 當她真係指住黑色嗰隻俾YOYO姨媽睇時, 張師奶就是說, “咁你換隻黑色既俾佢啦! 多謝姨媽!”

YOYO 姨媽攞住換領紙走入商場二樓的大型惠康, 點知, 一陣子, 兩手空空出來說, “隻隻都有貨, 係黑色無喎, 個職員叫我去樓下細間那間惠康問下喎!”

張師奶跟爸爸說, “吓!? 乜原來黑色係最多小朋友鍾意咩!?”…  因著恩晞可能攰有少少扭計的關係, 張氏夫婦就是決定回家去了…  返屋企之前, 張師奶就是先到另一間惠康看看有無黑鳥呢…

YEAH! 有呀! 有呀! 當張師奶將ANGRYBIRD 遞到恩晞手中時, 呢個小朋友開心到不得了呀! 可惜的是, 張師奶的手機未能拍低呢個小朋友的第一個反應喔!

爸爸把膠袋拆掉, 恩晞就是攞住ANGRYBIRD 頭上的頭髮”掉”住在行, 好開心呀!

多謝YOYO姨媽!