2012年7月14日 (星期六)
今天一早八點左右, 就是收到了姨媽的whatapps message 問一陣子一齊食早餐好嗎? 因著今早未有開奶俾恩晞食, 張氏夫婦亦正想帶恩晞食早餐去… 不過, 跟姨媽通電話後, 就是發現原來表哥係未起床架, 為免恩晞扭肚餓, 我們唯有放棄一齊食早餐的計劃了…
九點半左右, 正當張氏夫婦跟恩晞在茶餐廳吃畢早餐, 姨媽媽就是打電話來問我們借椰林閣的會員咭一用… 亦因為咁, 張師奶就是拖恩晞到餐廳, 叫呢個小朋友交張咭俾姨媽媽… 為免阻住表哥表姐食早餐, 張師奶就是諗住帶恩晞離開吧! Well, 點知呢個小朋友竟然捉住姨媽唔放手, 係到話要姨媽拖住, 就係咁樣, 姨媽媽亦只有先行拖恩晞出門口揾爸爸啦…
見到了爸爸, 張氏夫婦就是叫恩晞跟姨媽媽說再見… 哈! 點知呢個小朋友今次連daddy 都唔要, 攬實姨媽媽唔放喎… 唉! 既然係咁, 我哋就讓恩晞跟住姨媽表姐食早餐, 張氏夫婦自行到超市走一趟喔! 恩晞攬實姨媽媽, 就是很快地跟爸爸媽媽say bye bye 了..
張氏夫婦走了一圈, 由於表哥表姐還未吃畢早餐, 張氏夫婦就是決定先行回家放低雜物, 直接執好東西帶恩晞出街去了… 半個小時以後到商場跟姨媽會合, 她就是說張恩晞搞笑到不得了… 她們吃畢早餐, 就是搭扶手電梯上商場二樓… 到了二樓, 恩晞就是二話不說拉姨媽媽走入煤氣公司, 當姨媽媽不斷要恩晞唔好入, 恩晞就係咁拉住姨媽媽走入去… 在姨媽仍未知道仲乜要走入煤氣公司之際, 恩晞就是已達到她的目的了, 就是拿取了一個免費氣球好開心咁笑了…
聽到這個既時候, 張師奶不禁笑了, 因為公公婆婆成日都帶恩晞入煤氣公司索取人哋那些宣傳氣球嘛…. 哈哈哈!
其間, 由於表姐同恩晞玩緊嘛, 張師奶就是跟姨媽媽在商場坐了一陣子… 問及她們的揾樓情況, 原來一切都已七七八八了… 因著表哥會於新學年入讀赤柱一中學, 家姐一家就急於搬往港島區遷就哥哥… 現在樓揾好了, 他們亦準備於月尾搬離馬鞍山了…
唉! 聽到這個的時候, 實在, 張師奶有點點失落感… 也許, 張師奶太習慣依賴這個家姐吧! 由細到大, 無論張師奶發生乜事, 家姐總在附近的… 如今, 馬鞍山與西灣河的距離就像是很遠一樣… 以前姨媽媽放工, 表哥表姐學嘢, 姨媽媽就是會先上來張師奶屋企跟恩晞玩一趟… 搬開了, 就是難得再有這些機會吧!
想到了恩晞在不久的將來可能要好幾個月先再見郅姨媽, 姨丈, 表哥表姐, 實在, 心中很是失落呢!
沒有留言:
張貼留言