教會生活…

2012年7月15日 (星期日)

隨著恩晞的成長, 她已大概掌握到自己的時間表了… 星期六會返嫲嫲屋企, 星期日就是返教會… 當然, 也要爸爸媽媽在旁提醒一下吧!

星期日早上, 往往都是爸爸陪伴恩晞起床的, 梳洗過後, 就是會過來叫”媽咪, 起身喇! 返教會喇!”… 說實話, 張師奶也有懶床的時候, 有時候未瞓醒的一剎那, 也會閃過唔返教會的念頭… 不過, 每次恩晞的表現, 也就是對張師奶的提醒… 幾眼瞓都會回應恩晞說, “係呀!? 返教會呀! 好啦, 媽咪起身啦!”…

執拾過後, 就是出門到商場的麥當勞吃早餐去… 我想, 恩晞已習慣了這樣子的安排, 她也是知道出門吃粉粉去…

吃過早餐以後, 就是跟恩晞返教會去…  雖然我哋每個星期日都返教會, 但係, 膽小的張恩晞對於人多的地方仍是膽怯的…  一入教會, 就是要扭爸爸抱, 走出小朋友主日學那邊嘛, 就是會喊著說要往嬰兒室那邊去…

入到嬰兒室, 呢個小朋友才會稍為鬆一下, 不過, 只要有陌生面孔出現, 呢個小朋友又要扭爸爸了…

今天因著下午有大團小組聚會, 崇拜過後, 張氏夫婦就是帶恩晞到附近的大家樂醫肚了… 吃過午飯以後, 兩點前就是回到教會開組…  雖然團契的人唔算多,  但是膽小的恩晞就是怕陌生的… 只要有人掂一掂佢, 跟佢打一個招呼, 呢個小朋友就喊了…  激死!

感恩的是, 我們再細分的小組大多是有小朋友既家庭, 所以呢, 小朋友有小朋友玩, 大人就有大人自己開組… 今天嘛! 恩晞第一次同其他小朋友有交流呀..

小組中有一個兩歲半大的小男生, 今天他拿著一本ANGRYBIRD 的貼紙簿在看… 哈哈! ANDRYBIRD 的威力, 就是把恩晞也吸引去了…  正當大人都在互相代禱之際, 就是聽到兩個小朋友的對話.

JOSHUA 說, “我好鍾意呢個ANGRYBIRD架! “…

恩晞答: “真架?” … “係呀! 真架!”…

恩晞說, “呢個好得意架!” ….

JOSHUA 答, “係呀… 呢個都好得意架!”….

“真架?”…. “真架!”

說實話, 張師奶也被他們的對話吸引了… 看到恩晞慢慢的成長, 就是滿心感恩!