舒一口氣…

2012年7月25日 (星期三)

為著要帶恩晞往睇醫生去, 張氏夫婦今早都請假了…

八點多, 張師奶就是急著到診所排隊去… 走到目的地, 看一看醫生的時間表… Oh no, 這個兒科醫生逄星期三早上休診…  於是乎, 張師奶也只得走到第二個商場的兒科診所作登記!

同時間, 因為擔心著一陣子的檢查結果, 張師奶就是想著, 要不預約仁安的兒科醫生嗎?  哈哈… 奈何, 我們曾睇過的那位醫生也都放大假喔…

折返家中跟爸爸帶恩晞到商場去… 恩晞似乎對診所既格局太熟悉一樣, 儘管地方唔同, 她也知道這是一個要睇醫生, 自己唔鍾意既地方…  未入到診所就先在門口喊定先… 唉!

因著我們是一號籌的關係, 醫生返到診所, 恩晞就是第一個睇了…  入到醫生室,  將恩晞過往一星期的病情發展講了一遍, 並遞上恩晞食過的葯物名同肺片…  醫生拿出肺片舉高一看, 就是說, “我唔覺得呢張片有問題喎…”

同時間, 張氏夫婦就是跟醫生說, “小朋友已經退燒, 喺屋企跑跑跳跳, 都算肯食嘢…  我哋就是唔知道情況係唔係真係嚴重到要入醫院! 加上之前我哋睇開個醫生話小朋友無問題, 但係代診醫生就講到小朋友好嚴重, 我哋唔知可以點樣… “

醫生聽過., 睇過了恩晞, 就是說他認同我哋睇開既醫生所講, 只要食葯清下就ok 了…

感恩, 真的感恩, 感謝神昨晚俾我哋有家姐, 姐夫同孫醫生給予我們意見, 好讓我們得以冷靜下來, 未有第一時間聽從代診醫生所說立即送恩晞入院! 半天的假期換來了一個安心. 感謝主!