尋找方向
2012年9月27日 (星期四)
家中有了小朋友, 與朋友在WEEKDAY相聚實在不是易事…
感恩, 張師奶嫁了一個何其貼心既丈夫… 張先生真的是很好很好… 每次只要張師奶說想申請WEEKDAY 放假, 這個晚飯時段定是會批准的… 今天嘛, 就是相約了主人飯聚去…
由於主人臨時on call… 那麼張師奶也就先到太子走走吧!
係唔係太耐無行過花園街呢? 感覺好像是變了一樣… 沒有以前咁豐富, 咁多嘢睇喔!
七點多, 主人來到了… 今天晚上, 選擇在花園餐廳晚飯去… 真的無諗過一間咁舊式既餐廳會咁full… 要等位之餘仲要係唔少人等喎…
跟主人說東說西…. 家庭的近況, 最近工作上既人事問題… 就是這樣子談上了兩小時… 痛快!!!
2012年9月26日 (星期三)
由於公公婆婆今晚參加了老人中心那些晚宴活動, 今天嘛, 張師奶就是要申請兩小時年假早一點點回家去, 以方便接更照顧恩晞…
回家前, 到聖安娜餅店買了三個蛋撻和兩盒牛奶… 甫進屋企, 恩晞像是很意外的樣子… 或者佢覺得點解天未黑媽媽已經返來呢? 最搞笑既係, 佢見到媽媽手中的蛋糕盒, 就是立即走埋阿公身邊說 , “媽咪有蛋糕呀…. 係唔係HAPPY BIRTHDAY TO YOU, HAPPY BIRTHDAY TO YOU 咁架!?”…
阿公聽到恩晞唱HAPPY BIRTHDAY 首歌立即笑出來了…
也許爸爸驚我攪唔掂個女啦… 今天晚上, 爸爸也準時放工回家… 真好!
2012年9月24日 (星期一)
由於恩晞歲半嗰次既健康院測驗唔合格, 呢個小朋友被要求到兩歲時要返去再做測試…
今天嘛, 就在婆婆新曆生日的這一天, 早上九點正, 我們要前往健康院去… 過往每次到健康院, 爸爸都會告假相伴, 但係, 有時候, 張氏夫婦又覺得爸爸在場令恩晞更加痴身, 表現更差, 今次嘛, 就是決定讓媽媽同婆婆跟恩晞去…
由於張師奶想先買個麫包填填肚子, 於是乎就是讓婆婆先推恩晞往健康院登記去…
誰不知, 當張師奶去到健康院登記處, 已見這隻豬仔喊緊喇! 點解 ? 因為佢既診所恐懼症又發作了… 抱住恩晞不斷安慰, 同佢講只係黎砌積木, 冷靜一陣子, 又是跟媽媽說”走呀! 出去呀!”…
張師奶可以做的, 就是抱住佢走圍望下… 又安撫吓佢咁… 終於等到姑娘叫”張恩晞”個名喇! 原來返黎覆檢連磅重都無得磅架… 一入到房就是要佢砌積木…
感恩, 雖然恩晞好想喊, 但係佢又忍住喎… 今次見到積木, 就是好快咁疊高晒… 姑娘話再俾一個佢, 恩晞話好, 佢又好快咁再疊高多一層… Yeah! 過關了…
期間, 姑娘問佢多唔多講野, 媽咪就是話佢已講句子了… 姑娘問佢識講乜野, 媽媽舉例說, “婆婆喺邊到呀!” … 恩晞就是跟住話, “婆婆喺邊到呢!”… “
“咁公公呢!?”… 恩晞又跟住講”公公呢!”…
姑娘聽到之後就是說恩晞講嘢算是好ok 的了… 就係咁樣, 今天檢查到此為止, 到四歲才預約返去檢眼喔!
也許, 恩晞壓抑咗好耐了, 此時此刻, 佢竟然大喊喎… 可能佢覺得終於可以走吧!
離開診所時, 呢個小朋友完全變咗第二個人咁, 開心到佢呢!
正當我們步出健康院時. 公公就是到來接恩晞喔! 恩晞見到公公, 就是一貫的開心…
跟他們到酒樓飲過茶, 再到教會那邊間幼稚園交了申請表, 就是回公司工作去了…
2012年9月23 日(星期日)
實在, 自上星期有感唔舒服後, 身體一直未有好好恢復過來… 儘管休息了好一陣子, 元氣也恢復不了似的.…
由於KALI 正來港出TRIP, 早於個多星期前就是約好今晚飯聚呢… 幾經掙扎, 有感與KALI 等中學同學相聚何等難得, 也都決定繼續飯聚喔!
恩晞嘛, 看到爸爸執拾拖地, 知道有姨姨到訪, 彷彿也有點緊張… 在屋頭走到屋尾, 成日問, “仲咩呀!?”… 當爸爸媽媽話有姨姨黎時, 又好開心咁話, “姨姨黎呀!?”…
六點多, KALI, MANGO 到了… 張恩晞嘛… 就是繼續佢一貫怕陌生的性格, 唔出聲, 痴住爸爸… 幸好, 一陣子過後, 呢個小朋友也可以讓爸爸落街攞外賣, 有時自己玩一陣, 有時又同MANGO 姨姨玩一陣…
實在, 張師奶很享受三兩知己談天說地既時間… 唔需要在什麼高級餐廳, 什麼豪華美食, 就是這樣子簡簡單單的坐下來, 大家互說近況已好好了…
吃過晚飯, 談東談西, 再以甜品蛋糕作結… 真好!
2012年9月22日 (星期六)
早上外出後回家已差不多下午兩點了… 落巴士後致電婆婆, 原來婆婆扮靚整頭髮去了… 換言之, 只有公公同恩晞在家…
在街市為我們自己同公公買了外賣午餐就是回家去…
甫進家中, 就只有公公坐在客廳, 恩晞嘛! 正在午睡中… 看 到恩晞, 張師奶第一個時間就是驚訝! 成頭汗仲蓋咁多被!? 件衫仔就上到心口咁高… 點搞呀!?
剛吃過午餐, 恩晞就是醒過來了… 一起床就是不斷的打噴嚏同流鼻水… 唉! 點解會咁架!? 又病??????????? 唔係呀嘛!?
張先生叫張師奶冷靜睇定先… 但係, 過了半小時左右, 當恩晞仍然keep 住流鼻水時, 我們也得餵葯了…. 唉! 看到恩晞又要食葯, 加上自己又唔係好舒服, 實在有點心煩感覺!
今天晚上, 相約了兩個家姐在港島區一齊食媽媽的生日飯…. 實在, 這是一個難得既家庭聚會… 因為, 現在我們三姊妹真的住得太遠了, 要聚在一起真的不容易…
見到恩晞流鼻水加上自己舉步難行, 說實話, 真的有掙扎過是否缺席今晚飯聚呢… 不過, 幾經掙扎, 我們最終也是選擇搭車出去了…
恩晞嘛! 似乎知道去表姐屋企就是極度開心… 成日問, “行得未呀!? 快d 啦!” … 有時候, 看到小朋友如此開心快樂, 又好似那一點點痛都是值得一樣…
到達西灣河已差不多六點了, 上姨媽媽屋企坐了一陣子, 便起行食晚飯去… 一所較舊式的飯店, 雖然地方較狹窄, 食物味道也不錯喔!
吃過了豐富的晚飯, 就是回到姨媽媽屋企跟婆婆切生日蛋糕去… 實在, 好像有一段時間未試過如此熱鬧了… 因為, 當姨媽媽之前仲住係馬鞍山時, 很多時候, 就是張氏一家跟謝氏一家同婆婆慶祝, yoyo姨媽有時都未能一起出席的… 所以嘛! 今晚真係好熱鬧喔!
由於返馬鞍山車程也要多於一小時, 吃過蛋糕也得速速離去呢!
感恩, 恩晞今次係巴士上無扭計呀… 安靜了一陣子, 就在爸爸懷抱中兩父女都睡著了…
2012年9月21日 (星期五)
恩晞昨天才慶祝兩歲生日, 今天就到婆婆生日了, 果真是喜慶週呀!
由於姨媽媽搬遠咗既關係, 過去慣常會同姨媽媽跟婆婆一同慶祝既習慣也要轉變了… 之前問過兩個姨媽都說應該只可以同婆婆於weekend 慶祝, 張師奶就是想到人少少 (跟我們平時食晚餐既人數一樣嘛), 也就放工以後再諗如何同婆婆慶祝吧!
誰不知, 下午五點多, 就是收到姨媽媽的whatapps message 說, 今天晚上待表姐學畢跳舞彈琴過後, 大概八點半多, 也可以跟我們一起食飯喔!
放工過後, 就是跟張先生在美心買了一個mini版石板街蛋糕, 之後便回家去了… 返到屋企, 就是得婆婆同恩晞在家, 公公嘛! 就是帶表姐往學跳舞彈琴去… 姨媽媽呢? 扮靚整頭髮去…
由於怕表姐攰, 就是想到呢餐生日飯最重要係快… 快嘛! 莫過於茶餐廳了… 八點半鐘, 就是帶同恩晞去茶餐廳晚飯去… 簡簡單單的點了幾樣小菜, 就是今晚的生日飯了…
期間, 婆婆得悉姐夫會駕車過來接姨媽表姐回家, 就是立即走上樓執拾生果給他們車回家去… 就是這樣子, 我們都吃清食物, 一心等婆婆返來切蛋糕, 就是等了二, 三十分鐘也未見婆婆回來而擔心起來呢…
終於等到婆婆了, 就是說執到唔知時間… 唉!? 點會咁架!?
此時此刻, 表姐能量已經用盡了… 食過蛋糕, 姨媽媽一家就是先行回家呢!
恩晞嘛! 返到屋企也都覺覺豬了!
