婆婆生日喇!

2012年9月21日 (星期五)

恩晞昨天才慶祝兩歲生日, 今天就到婆婆生日了, 果真是喜慶週呀!

由於姨媽媽搬遠咗既關係, 過去慣常會同姨媽媽跟婆婆一同慶祝既習慣也要轉變了… 之前問過兩個姨媽都說應該只可以同婆婆於weekend 慶祝, 張師奶就是想到人少少 (跟我們平時食晚餐既人數一樣嘛), 也就放工以後再諗如何同婆婆慶祝吧!

 誰不知, 下午五點多, 就是收到姨媽媽的whatapps message 說, 今天晚上待表姐學畢跳舞彈琴過後, 大概八點半多, 也可以跟我們一起食飯喔!

放工過後,  就是跟張先生在美心買了一個mini版石板街蛋糕, 之後便回家去了… 返到屋企, 就是得婆婆同恩晞在家, 公公嘛! 就是帶表姐往學跳舞彈琴去… 姨媽媽呢? 扮靚整頭髮去…

由於怕表姐攰, 就是想到呢餐生日飯最重要係快… 快嘛! 莫過於茶餐廳了… 八點半鐘, 就是帶同恩晞去茶餐廳晚飯去…  簡簡單單的點了幾樣小菜, 就是今晚的生日飯了…

期間, 婆婆得悉姐夫會駕車過來接姨媽表姐回家, 就是立即走上樓執拾生果給他們車回家去… 就是這樣子, 我們都吃清食物, 一心等婆婆返來切蛋糕, 就是等了二, 三十分鐘也未見婆婆回來而擔心起來呢…

終於等到婆婆了, 就是說執到唔知時間… 唉!? 點會咁架!?

此時此刻, 表姐能量已經用盡了… 食過蛋糕, 姨媽媽一家就是先行回家呢!

恩晞嘛! 返到屋企也都覺覺豬了!