恩晞又發高燒!?

2012年9月2日 (星期日)

早上七點多, 恩晞瞓醒就是叫爸爸媽媽…  食過奶以後, 張師奶就是同恩晞到客廳去玩積木囉… 

坐了一會兒, 看到恩晞流鼻水, 再摸一摸額頭仔, “咁熱既!?”… 就是立即攞探熱針跟恩晞量體温… 一探, “吓, 102度幾!?”… “恩晞, 你發燒喎!”… 呢個小朋友就是呆呆的望住媽媽…

張師奶立即走入房間拍醒仍在睡夢中的爸爸, “DADDY, 恩晞發高燒呀, 102 度幾呀!?...爸爸成個人扎醒, “吓!? 發燒? 點會咁架..!?”… 張先生走出客廳再次為恩晞量體温, 兩隻耳朵都係102度幾…

呢個時候, 恩晞似乎意識到發生咩事了… 開始扁咀,要daddy 抱, 跟住喊lu…

不過也都無法子喇… 病嘛! 媽咪都係要落去攞籌睇醫生了…

到了診所, 攞了二號籌, 就是立即回家再接恩晞到診所去…

離開屋企既時候, 恩晞就是問, “我哋而家去邊到呀!?”… 爸爸答道, “恩晞唔舒服, 我哋同恩晞去睇醫生…” 過了十數秒, 恩晞又問, “我哋而家去街呀!?”… 爸爸答道, “唔係呀, 我哋去睇醫生呀!”… 轉個頭, 恩晞再問, “我哋而家去邊到呀!?”… 爸爸今次就話, “daddy 頭先講咗比你聽喇喎, 你話番俾我知呀!”…  恩晞望一望daddy, 再望一望媽咪, 就是低下頭來, 點不作聲… 過了一陣子, 呢個小朋友問媽咪, “媽咪, 我哋而家去邊到呀!?”… 張師奶就是說, “你知道架, 頭先daddy 話咗俾恩晞知嘛, 不如你話俾媽咪知而家去邊啦!”… 恩晞說, “睇醫生!”… 說畢就是垂低頭了… 媽咪就是說, “係呀! 我哋去睇醫生呀… 恩晞病病嘛, 睇醫生食咗葯就好快好架喇! 唔使驚架”

張氏夫婦對望而笑… 覺得呢個小朋友好似好慘咁… 一直由屋企行去 診所既路程中, 恩晞跟平時既佢完全唔同了… 平時一去到屋苑平台就笑笑笑, 今日嘛! 就是點不作聲… 只係捉緊車仔的扶手, 垂低頭仔…  看到這個小朋友咁, 張師奶真係覺得佢好慘咁呀…

到達診所門口, 爸爸就是抱起恩晞往到姑娘處探熱去…  恩晞嘛, 就是一抱起就扁咀想喊了… 探完熱, 未有在診所內放聲大哭, 不過兩行眼淚已經在面仔處了..

等了一陣子便到恩晞了… 恩晞嘛, 甫進醫生房就是放聲大哭, 死捉實daddy 唔放…  醫生只係摸吓佢, 佢就越喊越大聲… 正當醫生想檢查口仔時, 呢隻豬仔反胃了…  正當醫生問需唔需要攞定嘔吐袋時, 呢個小朋友已經嘔奶奶了… 再一次搞到醫生房間要大清潔…

抱住恩晞的爸爸嘛, 當然也就是一身都係恩晞吐出來的奶呢…  醫生叫我們先到姑娘室整理一下, 亦俾恩晞冷靜一下… 不過, 呢個小朋友又點會冷靜呢…. 就係繼續喊囉… 當醫生睇過另一病人以後, 又再次到恩晞了… 恩晞嘛, 返到醫生房, 當然又是大喊啦…  醫生叔叔叫佢張開口仔, 佢就合實口仔… 媽媽就只有在旁邊說, “恩晞, 你唔俾醫生叔叔睇就無得走架喇!”… 最終, 就是夾硬來睇呢…  又一次是口腔炎同牙肉紅腫… 唉!

看畢醫生, 由於張先生同恩晞兩個都污漕晒, 他們兩父女就是先行回家去…

因著恩晞發燒既關係,今天我們都未有返教會去啦…

希望讓恩晞好好休息, 可以快點退燒, 快一點好吧!