2012年9月9日 (星期日)
星期天, 理應是我們返教會崇拜的時間… 奈何張先生病倒了, 也許身體軟弱遲遲未起床, 恩晞又剛剛才好一點點, 張氏夫婦相討過後, 就是決定今天缺席崇拜了…
勸服爸爸看醫生去, 就是跟爸爸一齊出門口… 張先生往診所登記睇醫生, 恩晞同媽媽嘛, 就是往麪包店買麪包去… 接著, 張師奶就是先帶恩晞回家… 爸爸嘛, 看醫生去吧!
走到電梯大堂, 怕陌生既恩晞小朋友又發作了… 看到了管理員姨姨同清潔姨姨就是要媽咪抱實一粒聲都唔出… 攬到媽咪實一實, 眼睛完全唔望人… 入到電梯嘛, 就回復生猛…. 唉! 呢個小朋友, 咁様點算呀!?
跟恩晞食過飽, 飲過牛奶過後, 玩了一陣子, 就是午睡去… 十二點幾一點, 恩晞瞓著了…
一點鐘左右, 收到姨媽媽電話, 話表姐好掛住恩晞, 好想上黎同佢玩喎… 奈何, 瞓咗覺嘛, 也沒法子吧! 下次囉!
下午兩點半鐘左右, 收到姨媽既whatapps message, 問恩晞瞓醒未!? 話表姐等緊恩晞喎!?
“吓!? 未喎… 不過, 或者, 可能差唔多掛… “ 說實話, 張師奶又點知恩晞會瞓到幾點呢… 恩晞有時瞓一句鐘, 有時也可以瞓上三個小時… 所以嘛, 真係唔知呢!
及至三點鐘, 當張師奶看到恩晞仍未瞓醒時, 就是想whatapps 俾姨媽媽知恩晞尚未瞓醒喔! … 誰不知就在呢個時候, 恩晞在房入面叫媽咪喔! 跟恩晞說姨媽表姐等緊佢時, 恩晞起初瞓醒當場唔係好知仲乜啦… 不過, 定一定神, 就是可以打電話俾姨媽傾偈lu… 仲叫表姐上黎玩積木添…
因為姨媽媽佢哋之前一直係商場行住街咁等恩晞瞓醒… 所以嘛, 十幾分鐘左右, 姨媽媽同表姐就是先上來了… 恩晞嘛! 見到姨媽媽同表姐當然係超開心啦…
每次恩晞見到姨媽媽一家就好似起咗化學作用咁… 只要見到佢哋個樣, 都無同恩晞玩d 乜野都足以令到呢個小朋友好開心的…
不一陣子, 公公婆婆來了…. 姨丈表哥亦都來了… 張宅都耐無試過咁熱鬧lu…
恩晞嘛, 在姨媽媽一家面前又表演跳舞, 又唱歌…
真的… 看到 這樣子的畫面叫張師奶最開心… 因為, 當你望到公公婆婆, 姨丈姨媽都看著呢個小朋友由心而發咁笑了… 那種開心的感覺就是最實在的了..
今天晚上, 是在姨媽媽搬家以後, 再次到我哋樓下間酒樓開餐呢…
不過, 因為我哋幾個人都病晒, 所以, 今天既晚餐相當清淡喔! 但是, 總括而言, 張師奶開心不已!
沒有留言:
張貼留言