又病!???

2012年9月13日 (星期四)

實在, 張師奶越來越害怕收到由屋企打嚟既電話, 特別是在那些慣常唔應該會收到電話既時候收到就仲驚…

今天早上, 剛下巴士正買好早餐, 還未返到公司的時候, 就是接到了婆婆來電….

“無… 我想問個探熱器係唔係壞咗, 開咗好耐都開唔到…”

“吓!? 唔係呀! 嗰日都仲用緊… 仲乜事呀! 恩晞發燒呀!”

“唔係呀… 今朝一早係咁嘔…  想幫佢探下熱…”

“嘔!?? 點解會咁架… 嘔奶!? 點樣嘔法呀!?”…

“今早成朝扭阿公計, 最終氹到佢落地去刷牙, 一落死就嘔… 嘔d 食物出黎咁…”

“吓!? 點會咁架! … 唉! 不過昨晚佢都似係有d 唔妥架喇…  半夜食食吓奶飲咗少少就大喊…  都唔知做咩… 之後同佢睇一陣碟又無乜野… 又食埋大部份奶… 話同佢去瞓覺, 轉頭又話vv, 又話屙臭臭… 最終搞到三點幾先瞓… 你摸佢個頭有無熱呀!”

“摸就唔係好覺, 但係想探下佢囉… 得啦…. 睇多一陣睇下點先啦…”

掛斷電話, 心亂如麻… 心想, “要請假立即回去嗎? 腸胃炎? 好似啱啱先好番d, 又病!? D 葯水都係星期日先食晒之嘛… 有幾多日呀!? 唉… “

返到公司, 第一時間打電話返屋企, 問婆婆個探熱器郁唔郁… 點知都係唔得, 又話恩晞嘔咗一陣之後又嘔…

“吓!? 又嘔呀!”

“係呀… 佢第一次嘔到污漕晒, 幫佢沖涼囉…  點知沖完涼, 瞓係你張床到, 佢又嘔一啖喇!”…

“唉!... 得啦!我打俾爸爸問下先啦!”

掛斷電話, 立即致電爸爸, 就是說出恩晞情況… 我想, 都要請假返去同佢睇咗醫生先… 咁邊個請呢? 爸爸定係媽媽呢!?

最終爸爸說, “我近d, 我返啦! 同埋, 你都搞佢唔掂啦… 得啦! 我轉頭返去啦!”…

就係咁樣, 爸爸返到公司樓下都要折返回去了…

十點多, 收到爸爸既whatapps message 說仲未有得睇醫生, 要等十幾個…  張師奶心想, “oh, no…. 十幾個!?”…

最後, 就是等了個幾兩個鐘才看到醫生呢…

由於跟爸爸講講下電話斷線了, 應該是他的電話無電了.. 於是乎就是致電婆婆, 看看恩晞情況怎麼樣?

按婆婆描述, 這個小朋友就是變得沒精打采的, 最鍾意既包包又唔食喇… 落街嘛, 一粒聲都唔出…  睇醫生時, 當然又是一如以往咁勁喊啦…  唉! 聽到咁, 都幻想到恩晞個慘樣囉…

十二點四十五分, 收到爸爸來電, 就是已經回到公司了…  描述   今早恩晞去睇醫生既情況, 都係嗰句啦, 好似好慘咁…  因為要在診所門外等, 就係成日話想走… 同公公去買包包, 轉個頭又話要買包包… 買完包包, 就是想拖住爸爸轉入商場想逃走咁… 睇醫生固然是大喊啦… 之後爸爸攞咗葯返屋企, 恩晞一見到爸爸就好開心… 但係之後再聽到爸爸話要返工, 就是扁咀想喊好可憐咁…  唉!!!

至於醫生結論嘛, 就是說應該是感冒喔! 俾d 分量輕d 既葯等恩晞自己打下仗咁話…

天父啊! 求祢讓恩晞既病快d 退去, 讓呢個小朋友變得更強壯…