恩晞係唔係又大個咗呢!?

2012年9月15日 (星期六)

由於今天開始有點涼風, 爸爸就是說踏入秋天, 為免天氣旱燥傷到皮膚都唔知, daddy 話唔可以再著涼鞋仔喎… 所以嘛, 今朝食早餐, 就是攞番對波鞋仔出黎著… 點知…!?

唉! 只係短短一個夏天時間…  d 鞋全部唔啱著喎… 恩晞著住走了幾步, 自己同daddy 講話唔啱… 問佢著邊對… 佢都係攞番對涼鞋仔黎著..

於是乎, daddy 就係要恩晞著住襪仔再著涼鞋, 諗住一陣間同佢去買鞋仔喔!

在茶餐廳食過早餐以後, 就是讓恩晞先跟我們到銀行走了一趟, 之後, 再到dr. kong 買鞋仔去…

也許, 恩晞真係大個咗了… 記得上次買涼鞋既時候, 呢個小朋友都仲係會依呀鬼叫… 但係, 今次同佢走入店舖, 她就是好似自己選擇款式咁… “呢個啦!”… 當媽咪攞咗對佢自己係零興趣既, 呢個女就係眼尾都唔望下… 最終, 錫到佢燶既daddy 買咗兩對新鞋仔俾佢囉…  仲要一對係著住走呢..

由於恩晞行咗一個早上都攰了, 爸爸就是說讓恩晞瞓一陣才回嫲嫲家去… 兩點多, 姑媽說想帶卓蔚到濕地公園一趟, 恩晞是否隨行…  最終, 姑丈近四點的時間過來接恩晞, 不過, 因為時間太晚了, 就是同直接返嫲嫲屋企呢!