2009年11月25日 (星期三)
隨著時間的過去, 我家小寶貝肥豬又到要"洗白白"的時間了...
要帶肥豬出去做SPA實在太貴了, 上次去一趟洗衫店沖個涼要成六, 七十蚊, 小數怕長計, 為了慳錢的關係, 爸爸最終決定今次自己搞掂...
好! 我地用自家洗衣機幫肥豬沖涼啦!...
不過, 到底應該用乜野洗衫模式先可以幫肥豬沖到涼, 但係又唔會整親肥豬呢?? 唉! 其實媽媽最擔心的, 就係肥豬會變型囉!!!!
跟張先生相量過後, 我地決定用"手洗"模式.... 哈哈! 按了制, 洗衣機放了些水, 點解就開始唔郁既?? 唔通洗衣機壞左?? 唔係喎, 每當我地滿有懷疑之際, 咦! 洗衣機又會郁一郁架喎, D水會蕩一蕩.... 經過半小時的觀察, 張氏夫婦最終明白, "手洗"模式就係唔想有"機洗"模式的大動作嘛... 所以, 未好似唔郁咁囉... 唉! 咁點呢! 其實即係洗唔到架喎... 相討後, 我地也就先按"停", "去水", 因為我地要再選擇第二個模式吧!!!
唉! 今次用邊個好呢? 好啦! 就選擇洗羊毛衫那個模式啦, 應該無平時洗衫"發"得D衫咁勁的, 咁肥豬應該都可以捱到既... 按下"開始", 今次真係似樣D喇! 一如我地所料, 無平時"發"得咁勁, 但係, 都會郁下咁囉....
就此, 肥豬就咁樣係屋企獻上佢的第一次喇! 哈哈!!!
肥豬說: "媽咪, 我有D驚呀..."
肥婆說: "肥豬肥豬, 你仲乜係入面架??"
肥豬洗完白白喇!!! 變o左"箭豬"... 哈哈!!
唉... 你o地睇下, 張先生就係咁細心... 佢話驚肥豬唔舒服, 驚佢D毛毛"痴"埋晒一齊... 竟然攞風筒幫肥豬係咁吹, 吹, 吹....
沒有留言:
張貼留言