肥豬洗白白(2)之"手洗"...

2009年11月26日 (星期四)

話說, 昨晚張氏夫婦為肥豬洗白白... 經過一晚"抽濕"後, 我地發現小寶寶肥豬好似有D唔多妥喎... 仲乜?

就係當"箭豬"變番肥豬之後, 我地發現....

點解肥豬個背脊仔香噴噴(係柔順劑既味)... 但係, 個肚仔就一D味都無既呢?

肥豬個背脊唔多唔少都有白左D, 但係個肚仔仲係好似之前咁有D黑黑地既呢...

經張氏夫婦詳細討論同分析後, 我地確信, 可能係肥豬太肥的關係, 佢係洗衣機入面唔夠位轉身呀!!!! 所以, 剩係洗到一面咋....

唉, 咁點算好呢?? 

張師奶就提議將肥豬今晚掉轉洗囉... 昨晚洗左背脊仔嘛, 今晚就洗個肚仔囉....

點知, 張先生竟然話唔想肥豬咁慘喎... 咁可以點樣??? 未就係爸爸親自出馬, 佢幫肥豬沖涼喎....

到此時此刻的肥豬, 我真係覺得佢似一隻活生生的狗仔多D呀... !

肥豬借用了我o地之前為囡囡準備o既沖涼用o黎浸浴喎....

佢好似好舒服咁呀... 哈哈!

你地睇下張先生同肥豬...

見到呢張相, 肥豬係唔係好似一隻活生生的狗仔咁呀...

肥豬說: "原來沖涼真係好好玩, 好得意o架..."

你地睇下... 因為"手洗"的關係, 肥豬濕得好緊要呀...

肥豬成身都係水呀! 有乜辦法呢?

諗到喇!!! 都係要入"太空倉"走一轉, 去一去水先得呀... 哈哈!!

抽濕, 抽濕, 肥豬鐘意抽濕...

爸爸話驚肥豬悶喎, 所以將肥婆放埋係隔離, 一齊當晒下太陽咁話喎....