二十週二日: 果汁糖打呵欠!?

2010年5月22日 (星期六)

今天下午, 是期待已久的產檢時間, 因為張氏夫婦有大概一個月的時間無見過果汁糖了...

預約時間為下午四點十分, 最終嘛, 五點鬆d等到姑娘叫張師奶個名, 真好, 都唔算等左好耐!

躺在檢查床上, 當吳醫生照著果汁糖時, 小寶寶又一次做著佢最鍾意的動作, 係乜野? 就係雙手抱住頭仔, 然後手仔郁郁咁囉... UM, 好似要諗下野, 抓下頭仔諗諗先咁, 好搞笑架! 

不過, 最令爸爸媽媽驚喜的一幕, 都莫過於係醫生影到果汁糖打呵欠o個個moment 呢! 記得上一次陀住亦霜的時候, 爸爸媽媽都未見過小寶打呵欠的一幕, 今次呢, 果汁糖就表演o左俾爸爸媽媽睇喇!

檢查出來以後, 張氏夫婦就係互相"賴"來"賴"去... 點解? 哈哈, 事緣係, 在姑娘叫張師奶入去檢查前無幾耐, 其實我地兩公婆就係o岩o岩呆等到兩個不停咁輪住打呵欠... D人咪成日話打呵欠會傳染嘛, 果汁糖都一定係受爸爸媽媽影響啦, 咁, 到底係因為爸爸定係媽媽先!? 哈哈哈!