二十週五日: 威院照結構...

2010年5月25日 (星期二)

果汁糖踏入第20週, 就到了結構性檢查的時間了...

今天早上, 由於預約時間為早上九點半, 爸爸媽媽有時間先吃個豐富"大家樂"早餐先再搭馬鐵到威院去..

兩年的改變著實不少, 繼上次知道到健康院做首次檢查原來要先行電話預約登記後, 今次的結構性跟上次陀亦霜的時候也不同了... 檢查的地方是醫學大樓, 而並不是平時常到的檢查地方... 去到預約的地方, 感覺就好似返左大學時期到訪教師所處的地方一樣...

等了好一陣子, 大概十點半的時間, 終於輪到媽媽了... 說實話, 媽媽覺得今次的檢查較兩年前的來得詳細, 也許今次所遇到的姑娘負責任, 是個敬業樂業的人吧, 真的一點也不馬虎...

我們的果汁糖嘛! 今天可說是個小乖乖呀.... 位置瞓得靚靚的, 雖然有時都會同姑娘玩下捉迷藏遊戲, 收埋手仔, 腳板仔, 但係不一會, 佢就會乖乖咁俾姑娘照呢... 哈哈, 爸爸媽媽要俾個"叻叻"佢呀...

感恩, 基本的檢查都好... 每當姑娘跟媽媽說, 頭仔ok, 呢到ok, 個到ok 時, 媽媽就在心中說感謝神... 看著螢光幕上左轉右轉的果汁糖, 媽媽實在覺得生命好奇妙... 真的, 當上了媽媽, 就是真的什麼也只想到寶寶一樣... 佢好唔好呢, 超聲波檢查其實有很多野都未必可以檢測得到的, 寶寶第時出世會點呢...

張師奶覺得近期有個奶粉廣告講得好好, "媽媽有數唔盡既擔心"... 係呀, 當上了媽媽就係會咁... 求神俾張師奶平安喜樂, 全然倚靠佢的心, 作為果汁糖的媽媽, 可以當上一個好的管家...

照過了結構後, 媽媽還要多作一項檢查才可以離去... 原來準媽媽要照陰照, 睇下子宫頸的位置從而睇下有幾大的早產風險... 這一項檢查, 張師奶係兩年前係無做過的.... 雖然照陰照係會有點兒唔舒服, 不過當值的醫生也很細心的呢....

完成所有檢查, 離開威院時已經是十一點九.... 要返工去了...!!!