2011年7月20日 (星期三)
由於恩晞既燒仍然未退, 張師奶也只得再多請半天假…
上午七點幾八點, 當爸爸同恩晞經歷完一大場食藥角力戰以後, 為要分散恩晞注意力好讓爸爸可以出門上班去, 張師奶就是要開電視將恩晞帶入迪士尼美語世界去… 因為, 只要米奇老鼠一出, 恩晞BB既視線就是緊貼住電視機…
實在, 俾恩晞睇電視, 就是想她從剛才的角力戰以後可以安靜下來, 然後食奶瞓覺去…
跟恩晞看畢卡通, 睇完書書, 眼見恩晞開始眼瞓了, 婆婆就是抱恩晞入房換片瞓覺去… 由於有婆婆睇住恩晞既關係, 張師奶也就是可以趁空檔時間CHECK一CHECK 公司EMAIL, 執整下其他野…
早上九點多, 婆婆說恩晞好攰想瞓, 但係又未瞓到… 聽畢這句說話, 張師奶就是跟婆婆說, “係呀, 佢有時係咁架!”… 當婆婆走出書房, 張師奶正在回覆EMAIL 之際, 一下子間, 張師奶好像忽然間清醒了一樣…
看一看書房既鐘, 上午九時三十分, 立即走出書房跟婆婆說, “哎呀, 婆婆, 我個女今朝 好似未食奶呀!?”… 此時此刻, 婆婆仲好冷靜咁問, “幾點食過呀!?”… “噚晚呀! 今朝食完藥之後無食過奶呀!”… “吓!? 你呢個媽媽有無搞錯呀! 唔得呀.. 餓親佢呀… D藥削胃呀”…
就是這樣子, 張師奶以最高速度開奶去… 另一邊廂, 婆婆就是要抱起恩晞免得過佢瞓著覺…
把奶樽放到恩晞咀裡以後, 婆婆就是說, “呢個媽媽都唔知有無搞錯, 唔開奶俾個女食既!”…. 張師奶嘛, 也不甘示弱, 就是以說笑既形式跟婆婆說, “哎呀, 婆婆, 你每朝都問恩晞BB幾點食咗奶架, 仲乜你今朝無問呀!? 如果你問咗, 恩晞未可以有奶食囉!”… 張師奶同婆婆就是你一言, 我一語咁互相指責, 搞笑極了… 恩晞嘛, 就是好努力咁食佢支奶奶, 最後, 仲成支飲晒添…
睇到恩晞飲晒支奶, 婆婆同張師奶都不約而同咁話呢個妹妹一定係好肚餓了… 因為, 今次係佢自發燒打敗仗以來, 第一次整支奶飲晒….. 唉!!!! 大頭蝦媽媽呀!!!!
當爸爸致電回家問到阿囡情況時, 張師奶就是將呢件事向爸爸匯報, 張先生嘛, 聽到了以後就是笑著說, “哎呀, 阿女真係慘呀, 今日十個月大, 已經無公公帶佢去酒樓食飽飽慶祝架啦, 仲要病, 阿媽阿婆仲要唔俾奶佢食添, 真係陰公囉….”
哈哈… 係喎! 恩晞BB今日十個月大喇… 當公公在香港時, 每個月既20 號, 公公婆婆例必帶恩晞去酒樓飲茶食飽飽嘛, 呢個月呢, 唉! 公公唔O係香港, 恩晞BB病咗, 仲要無人開奶喎… 咁又真係幾慘!!!
哎呀! 好掛住公公呀!!!!!!!!!!!!!!
沒有留言:
張貼留言