中秋節…

2010年9月22日 (星期三)

住在醫院的日子真的有點奇怪…  當上了媽媽的感覺仍然不太實在…  繼昨天開始餵奶以後, 張師奶就是按著餵奶的時間表, 準時步入育嬰室, 姐手姐腳的把張家的小粉團”舞來舞去”… 

說實話, 有一些餵奶時段, 張師奶真係有諗過想偷懶唔過去架… 因為, 只要媽媽在餵奶時段十五分鐘無出現過, 姑娘就會ASSUME媽咪唔餵BB, 佢地會幫忙餵奶粉…  不過, 唔知點解, 到時到候, 自己就係會打開病房門走過去餵奶囉… 

今天開始, 除了粥水之外, 張師奶可以食少少飯了…  哈哈, 無食幾日野,就係覺得D飯好好味的喔…

由於爸爸只有在親子時間先可以抱下BB, 張師奶就是知道張先生每日最期待既, 就是那段親子時間… 所以嘛, 今朝一早, 張師奶已跟姑娘BOOK 好我地最想要的親子時段了… 中秋節嘛, 張先生就是帶埋月餅黎同BB影相囉… 

由於今晚係屋企做節的關係, 媽媽就是要在家準備晚飯, 只是公公把飯餸帶過來後也返屋企了... 醫院嘛! 就是張先生留下來跟我這個新任媽媽過節喔! 

P.S. 由於公司早放的關係, 張師奶D同事今日專程黎睇張師奶呀…  多謝ELSA, ERICA, CHRISTINA同陳經理啦… !!

親子時間到喇! 爸爸係到做緊乜? 就係同果汁糖唱歌喎...

哈哈! 唔知果汁糖係唔係認得爸爸把聲所以笑呢!?

因為陀住佢既時候, 張先生成日都同佢唱歌o架!

見到張先生呢D笑容, 張師奶就是覺得什麼也值得了...

果汁糖趕住出黎過中秋節嘛... 爸爸媽媽當然要攞住個月餅同佢影張相啦!

謝謝我的好同事... 大時大節都專登過黎探張師奶同果汁糖...