2010年9月6日 (星期一)
由於產假臨近, 張師奶唔想同事執自己手尾, 就是希望將所有PENDING既工作盡快自己搞掂... 正因為咁, 加班就是難免了...
今天晚上, 張師奶再一次的加班, 回到家中已經十一點了... 由於奶奶煲左湯俾張師奶的關係, 張先生就是在放工後回天水圍攞湯去, 返到屋企亦已經十一點幾了...
正當張師奶在十一點幾食過"晚餐"之際, 剛回家的張先生就是關心的問及果汁糖今日如何, 有無乖, 有無踢媽咪?... 聽到這條問題, 此時此刻, 張師奶回想今天的時間, 好像沒有怎樣感受到果汁糖呢...
於是, 張師奶就是叫爸爸聽聽肚皮, 叫一叫果汁糖呢... 一如以往, 親子時間開始... 開了音樂, 爸爸瞓在媽媽的肚皮上, 過了好一陣子, 還是感受不到果汁糖嗎? 果汁糖, 你在嗎??
張師奶開始有點心慌了... "爸爸, 聽到果汁糖的心跳聲嗎?"... "點解唔郁既... 她在嗎?"... 爸爸的答案讓媽媽真的害怕了... "無野既... 唔好嚇自己啦...可能瞓左覺呢..."
開始心亂的張師奶開始有點失常了... "唔係呀...平時一播音樂, 果汁糖就會郁的呢... 點解而家唔郁... 她係唔係有事??"... "唔係... 你唔好亂諗野啦... 佢可能唔知點瞓在去邊, 所以我聽唔到心跳呢... 放鬆d, 沖涼先啦..."
心慌意亂的張師奶叫自己放鬆沖涼去... 放鬆? 真的可以放鬆嗎?? 一邊沖涼... 內心一直在禱告... 一直叫自己唔好胡思亂想... 沖涼過後, 張師奶就是一聲不響的坐在梳化上... 正當張先生問到有否感受到果汁糖之際, 張師奶答道未有時, 肚皮就在這剎那跳了一下... 此時此刻, 張師奶摸著肚皮, 就是跟果汁糖說, "你嚇死媽咪喇..." 跟著, 張師奶就是跟張先生說, "爸爸, 郁喇, 郁喇..." ... 隨之而來的, 就是張師奶失聲大哭... "爸爸, 我頭先真係好驚... "
安靜下來, 爸爸就是說, 剛才實在跟媽媽的心情一樣... 要安撫張師奶之餘, 實在就是想著應該要怎麼辦, 要去急症室嗎? 有事嗎? 內心盤算著一大堆的問題...
我想, 如果說張氏夫婦沒有半點恐懼就是講大話吧... 亦霜的經歷沒有留下半點陰影也是謊言吧... 此時此刻, 只有求主加力, 求主恩待!!!
沒有留言:
張貼留言