2010年9月7日 (星期二)
再次到了要回威院檢查的日子... 的而且確, 今次張師奶對於可以會見梁醫生有所期望... 因為, 孫醫生在電郵中提及過, 梁醫生今次應該可以接見張師奶了...
說實話, 如果可以選擇, 張師奶真係想自然生產多於剖腹生產... 如果係自然生產而梁醫生又真係可以特別照顧我呢個病人的話, 在威院生產也都可以吧..
預約時間為上午十一時十五分, 一如以往, 登記過後就是等, 等, 等... 等了好一陣子, 終於聽到自己的名字了... 只可惜, 張師奶要再一次的失望... 當張師奶登記大概十數分鐘過後, 登記處就是告知張師奶梁醫生今日OFF, 是繼續睇其他醫生還是再預約呢?
唉, 再預約也沒有意思吧, 就是繼續睇其他醫生算了吧... 入到診症室, 助理人員好像認得張師奶一樣, 就是說: "O... 又見唔到梁醫生嗎? 其實佢係唔係睇開你的呀?"... 聽到了這條問題, 張師奶就是回答道實在睇開的是孫醫生, 只因他出外留學, 是他REFER我睇梁醫生的..
簡簡單單的檢查過後, 接見張師奶的一位超年輕的醫生... 當中提到有關催生的問題, 就只是簡單的答過... 及後, 就是給我下一次的檢查時間: 2010年9月24日(星期五) 以及最遲的催生期: 2010年10月14日...
9月24日? 豈不是預約的剖腹生產期?? 接過了這兩份預約紙, 張師奶不禁感恩, 就是覺得之前有交私院的按金, 也許真是一個明智的決定吧, 就讓一切也交托給神吧!
沒有留言:
張貼留言