2012年6月10 日 (星期日)
由於恩晞昨晚睡得不好, 五點多鐘醒了過後就瞓唔番…. 可以點? 張氏夫婦咪就係要輪流陪住這個囡囉!
張師奶跟恩晞玩上了一個多小時, 頭實在是痛得要裂開一樣… 點算好 ? 當然係到爸爸出馬捱眼瞓, 媽咪去瞓番一陣吧! 不過, 我知道真的是辛苦了爸爸… 因為爸爸昨晚好像是在兩, 三點才上床瞓覺呢….
整天行程緊密, 先是返教會, 再入將軍澳 揾公公婆婆… 說實話, 張氏夫婦在體力上真的有點點透支… 否則也會在姨媽家多坐一會呢….
就在由將軍澳坐巴士回程期間, 爸爸攬住恩晞已自動進入SAVE MODE 狀態… 即係乜野 ? 就是很快咁瞓著咗囉…
由於我哋需要在大老山隧道口再要轉巴士才返到屋企, 張師奶在離開座位時未有事先拍拍張先生,一時心急就走到巴士前方解車仔去… 呢個恩晞嘛, 可能見到媽媽走開了咪八八掛掛”鍾”向前眼望囉… 加上巴士司機想埋站時有一個急停, 張師奶眼看著恩晞整個人差點跌出走廊, 整個心被嚇得像要跌出來一樣… 感恩, 同一時間, 就是看到爸爸一時驚醒, 一手 把恩晞捉實了… 在這一刻, 張師奶才敢呼出那一口氣….
感恩, 真的很感恩… 天父保護了恩晞, 讓爸爸及時捉實了恩晞對腳仔…. 否則, 後果真是不敢想像…. 當然, 除了張氏夫婦被嚇破膽外, 恩晞也都被嚇倒了, 係咁攬實爸爸喊住唔放啦…
唉! 張師奶真的太大意了…
沒有留言:
張貼留言