父親節…

2012年6月17日 (星期日)

雖然今日係父親節, 不過,對於張氏夫婦而言, 也都好像是平日 的星期天一樣…

點解?  因為當恩晞起床以後, 張氏夫婦就是會開始執拾一下準備返教會去…

由於落雨既關係, 今天,  我們選擇了搭巴士…  哈哈, 搭巴士實在慳了不少時間…. 今天嘛, 去到麥叔叔完全唔需要花時間揾位同排隊買食物, 真好! 張氏一家今天可以準時返到教會呢, yeah!

由於下午未有小組活動，即是說, 張氏夫婦可以帶恩晞到商場走走了…

夏天來臨, 張師奶一直也想替恩晞添置一對涼鞋仔, 去到商場, 見恩晞仍未瞓著覺, 也試試到Dr. kong 走一轉吧! 恩晞第一次真真正正咁試鞋仔…  張氏夫婦挑選了兩個款式俾恩晞試, 恩晞兩對鞋仔都穿過之後, 爸爸問佢喜歡邊對, 恩晞真係有自己喜好了…  呢個小朋友用腳仔指向剛才試既第一對鞋仔跟daddy 說, “呢對!”… 張先生再問一次, 恩晞就用另一隻腳仔向第一對鞋仔踢了一下, “呢對!”…

哈哈, 也不難怪喔! 因為第一對鞋仔係有花花嘛…. 好吧! 張師奶就是這樣子買咗一對涼鞋仔俾恩晞了, 爸爸仲俾佢著住走添…. 沿途一直坐車仔回家, 恩晞就是目不轉睛的望住對新鞋仔… 哈哈! 呢個小朋友真的長大了… 

回家稍作休息, 當恩晞睡著以後, 張氏夫婦也可有自己的私人時間了… 爸爸嘛! 當然是他的模型吧… 至於張師奶, 當然是爭取時間稍作休息…  不知不覺間瞓覺了, 張開眼睛, 已是五點多的時間, 當刻想到了今天晚餐的問題吧!

跟婆婆相討過後, 我哋決定今晚打邊爐呀…. 因為恩晞仲瞓緊, 而我哋又乜都未買, 所以呢, 就是叫公公婆婆過黎看著恩晞, 張氏夫婦到街市去…

打邊爐過後, 我們更以昨日在東海堂買返黎既cake 作甜點呢….

2012年既父親節, 我們就是這様子渡過了…