心甜…

2012年6月14日 (星期四)

看著恩晞既成長, 張師奶就是無時無刻的感恩…

 轉眼間, 恩晞已一歲八個月大了… 有時, 在家望住恩晞走來走去, 聽到音樂就乜都放低話”跳舞先”… 張師奶都不時跟爸爸同婆婆話, “其實, 一年前既恩晞係點既呢!?”….

想了想… 係喎, 一年前既恩晞未就係未識自己行…  仲要抱住囉…

如今, 呢個小寶貝就已經識得同你有簡單對答, 有時, 還加上關心同問候…. 實在, 這是何其感恩….

今天早上, 當媽媽在房間換衫準備返工之際, 打了兩個噴嚏, 在隔鄰房間既恩晞就是站在嬰兒床上向媽媽房間望過去說, “媽咪, 有無事呀?”…

哈…  滿以為恩晞仍未起床的張師奶聽到了這個回應, 實在是大清早一份心甜….

怱怱的走到恩晞房間, 就是跟恩晞說, “無事…. 原來你瞓醒咗喇?”….

晚飯過後, 張師奶坐在遊戲毯上跟恩晞看書, 恩晞看到媽媽腳上有一個小傷口, 就是輕輕的指著說, “痛痛喎 … “ 媽媽嘛, 就是回應說, “係呀, 媽咪整到, 痛痛呀, 所以唔好搞囉… “

轉眼間 , 恩晞走到廚房門前, 揮動著小手跟正在洗碗的爸爸說, “DADDY, DADDY, 黎呀, 黎呀!”… 爸爸走到門前彎下腰問恩晞, “仲乜嘢? DADDY  洗碗喎…”  恩晞竟然拍下自己隻腳仔, 跟住同DADDY 講, “媽媽痛痛呀! 流血呀! 黎啦, 黎啦!”

看到這個畫面, 實在, 張師奶不禁笑了…  同時, 也為著這些點滴不住感恩….