三十二週一日: 爸爸返左大陸呀!

2010年8月13日 (星期五)

由於爸爸一連兩天需要在大陸工作的關係, 昨天早上六點鐘便要起床準備外出搭早船去南沙呢... 即係話, 昨天晚上, 得番媽媽一個同果汁糖一齊咋...

昨晚放工回家, 隨隨便便的買了個車仔麵當晚餐, 八點多鐘, 對住電視機的媽媽終於按捺不住要打電話俾婆婆了... "婆婆, 爸爸返左大陸, 不如你過黎一齊食生果啦!!"....

哈哈哈... 婆婆嘛! 就是待媽媽最好的... 一句"好呀!", 過了一陣子便來到我們家陪媽媽同果汁糖了...

到了十點多的時候, 婆婆忽然間說, "不如我今晚o係到瞓廳, 陪下你啦!..."  聽過了這番說話, 媽媽第一時間就是話婆婆傻了嗎, 儘管婆婆留係我地屋企, 按以往經驗來說, 媽媽今晚應該點都係瞓得唔好的了... 既然係咁, 點解要婆婆都瞓得唔好呢...  不過, 在媽媽心底裡, 聽到了這句說話, 實在又是一陣陣感動呢...

我諗, 作為媽媽的就是這樣子吧... 無論仔女幾大, 係佢地眼中永遠都好似小朋友一樣, 需要佢地照顧... 快要再當上媽媽的我, 在婆婆心目中, 仍是這樣子的如珠如寶...

感恩喔! 也許有果汁糖, 肥豬, 肥婆一齊陪媽媽啦... 昨晚的睡眠質素也可以呢... 叻呀!!!