2010年8月21日 (星期六)
曾經來過張師奶屋企的朋友, 也許都會發現或者有留意到張氏夫婦的屋企, 除了滿屋維尼熊的擺設外, 就是擺放了很多相架…
唔知呢! 張師奶好喜歡擺放一些家庭照, 生活照在客廳, 就是覺得這樣子, 大大咁加添了家的溫暖感覺… 看到相片中的笑容, 就是會讓自己想起當日影呢幅相時的地點, 心情是如何… 相片, 彷彿給人留住最開心的片段, 回憶…
正正因為咁樣, 張師奶其實都幾鐘意影相的… 加上張先生喜歡拍照的關係, 好多生活的小事項, 我地就係乜都影一餐… 認識我地的朋友都會知道, 實在，當張先生煮了一餐晚飯, 他就是會把當日煮的每一樣野都留影… 有時, 我會同張先生開玩笑說, “會唔會有一日你煮完出黎會唔影相呢!? 你諗吓, 好似媽咪同奶奶咁日日都煮飯, 如果好似你咁, 未好唔得閒…!?”
對於生活上的小事項如此, 對於人生中的大事嘛, 張師奶就更重視拍照這個環節吧… 結婚時如是, 懷孕也是吧! 上一次陀亦霜的時候, 媽媽一開始就是跟張先生說很想拍一輯大肚照, 奈何, 張先生當時唔係太熱衷出去搵人影, 而到後期, 當張師奶諗住預約影相時, 才頓然發覺原來拍攝孕照跟拍攝結婚相一樣, 原來係要好早就book 定的… 到張師奶落實去預約時, 那些時間都不合意, 最終嘛, 就是無辦法到影樓拍攝吧!!
今次陀著果汁糖到五,六個月的時候, 張師奶就是跟爸爸說, 真的好想出外拍一輯照片喔! 張先生一口答應以後, 作為孕媽媽的我, 就是始四出搜尋到底去邊間影樓好.. 最終, 我們作了決定呀!
說實話, 張師奶在作出選擇時真的心大心細, 因為價錢實在幾貴… 但係, 當張氏夫婦看過了好幾間影樓的相辦時, 就是覺得這個較合心意… 同時間, 影樓都有它的諗頭, 就是分兩輯相影, 現在主力影爸爸媽媽, 數個月後, 當果汁糖出世以後, 我們就是一家三口再影…
貴係貴… 但係, 就這輯相就是留住了爸爸媽媽如何期待果汁糖的模樣…
呢張係張先生偷偷地咁影架...
媽媽條腰有幾多吋呢?? 嘩! 係40 吋呀...!
沒有留言:
張貼留言