三十二週三日: 大住個肚仲要去美食博覽!?

2010年8月15日 (星期日)

話說, 張師奶最鍾意去迫d有平o野買, 又有野食o既地方... 所以呢, 基本上, 每年的工展會同美食博覽都係張師奶最期待的節目之一...

早o係幾個月前, 其實張師奶已開始留意究竟美食博覽幾時開始...  不過, 說實話, 張師奶都有猶豫過今年係唔係唔去好D, 始終陀住果汁糖, 博覽場區又咁多人, 都有d危險, 怕會被人唔覺意咁撞到...

不過, 呢幾日睇到報紙講呢樣平, o個樣平, 場區又有乜野乜野好食時, 張師奶的師奶心態又發作喇, 成日都心思思... 諗過好唔好請半日假等下午少人D時去, 但係, 如果係咁既話, 張先生又無份去喎... 最終嘛, 經張先生同意, 我地決定今個下午出發了... YEAH!!

嘩! 去到場區, 真係多人到不得了... 哈哈, 基本上, 張師奶都唔係點睇到野, 買到野, 因為一直行, 一直都要用兩隻手抱住個肚, 保護住果汁糖... 張先生嘛, 就好似G4咁再保護住張師奶的四周圍... 公公婆婆嘛, 就是行下, 試下食咁呢...

講真啦, 其實入去真係無乜野好買架.. 不過, 入去迫下, 就係開心D咁... 我想, 今日最大的收穫, 最有建設性的, 就係買左奶奶同媽咪都要買既同珍甜醋呢... 有得送貨, 仲有兩架車仔, 奶奶一架, 婆婆一架... 其他野嘛, 真係無乜特別LU...

話雖如此, 我地離開會場時都好似好有收穫咁架...! 

哈哈.. 藍色架車仔係買甜醋送既... 至於旁邊個行李箱呢, 就係公公婆婆聽我呢個傻媽媽講帶去架...

我們這一家... 張先生, 張師奶, 當然仲有果汁糖啦! ....