三十二週一日: 一個窩心的電話...

2010年8月13日 (星期五)

記得過去幾次跟好朋友食飯時都提到過, 覺得人大咗以後, 要是數算最要好, 最交心的朋友時, 實在唔係好多, 可以說是少呢... 雖然如此, 張師媽就是覺得, 能夠數算得出幾個咁o既朋友, 實在已覺得很心足了...

朋友的定義到底是什麼呢? 好像很難解說吧... 對張師奶而言, 朋友也許不常見, 但時常會記掛, 偶然想到了, 撥一通電話聊聊天, 就是滿心歡喜快樂...  

人長大了以後, 對於朋友的選擇實在更難... 感謝神, 除了在以往校園生活所認識到的朋友以外, 在張師奶的工作間, 祂也為我預備了朋友...

在校園生活中所認識到幾個好朋友, 不常見, 但就是總覺得彼此緊緊連繫... 偶然想到了, 通個電話, 見個面, 開心到不得了.. 在社會工作的年期話長唔長, 話短唔短... 但是, 張師奶也能結識到好幾個好朋友呀...  

今天晚上, 張師奶就是收到了一個舊同事, 靚媽"馬太"的電話, 關心我這個大肚媽媽狀態如何... 說東說西後, 靚媽就是跟張師奶說會為我這個媽媽親手製作薑皂, 叫媽媽唔好買, 因為佢已經準備好所有材料... 嘩! 我想, 儘管這份禮物尚未收到, 但係, 靚媽背後那份心意, 實在已叫張師奶感動到不得了...

靚媽, 謝謝你喔!

等果汁糖出世以後, 我一定會成日帶佢去你屋企, 煩下你個寶貝囡, 等果汁糖同大佢半年o既嵐嵐姐姐好好建立一下感情o架!!