狠心…

2011年2月21 日 (星期一)

張師奶今天如常的上班下班, 奈何, 在回家之際, 已是晚上七點奇怪地在大廈門外巧遇婆婆…

“媽咪… 你去邊到返黎呀?”

“啱啱睇完醫生…”

“其實你而家見點樣? 到底OK嗎? 點解唔打電話俾我地既… “

“屙嘔囉… 腸胃炎… “

“吓!? 昨晚打電話俾你都無講既…  唉! 到底你係點樣呢… 係唔係好唔舒服… 唉!”

 跟老媽一同回家, 其間就是不斷問她覺得點樣, 點解唔舒服唔出聲….

講真啦! 張師奶又點會唔知佢點解唔出聲呢…  婆婆成日都諗住自己唔舒服休息一下就無事, 唔想要我地專登請假返來湊恩晞BB, 但係, 其實佢咁樣一路缺乏休息, 反而令到自己KEEP住病, 一直斷唔到尾…  唉! 實在, 張師奶點會唔明白呢... 但係, 張氏夫婦就是覺得如果唔舒服應該同我地講, 好讓我地好好安排, 要請假也好, 要女麻女麻過來幫忙也好, 或是帶恩晞BB到女麻女麻屋企渡假也好, 總會有辦法可以讓婆婆可以徹底咁休息下嘛…

今天晚上, 由於張先生要加班的關係, 回家已是接近九點的時間了… 跟他相討以後, 由於我們都唔知道婆婆係唔係休息一天便可以, 我地兩個亦唔能夠KEEP住咁請假, 在無其他選擇的情況下, 就是要再一次咁將恩晞BB遞解出境… 幾時遞解? 答案就是”即時”遞解…!!

”即時”遞解!? 當時既鐘數係晚上九點半鐘, 正值恩晞BB開始扭眼瞓既時候…  好奇怪! 可能恩晞BB長大咗, 開始同我呢個媽媽溝通到, 當一刻, 張師奶實在是十萬個唔捨得…  眼看著恩晞BB對住張氏夫婦笑, 笑, 笑, 但係, 其實爸爸媽媽當一刻正諗住遞解佢出境…  一陣子天黑黑, 發現間屋唔同咗, 發現自己身處女麻女麻屋企唔見咗爸爸媽媽會點呢? 佢會唔會好驚呢?

一邊幫恩晞BB執野, 張師奶就是一直諗呢樣諗個樣, 擔心呢樣, 擔心個樣, 根住就發現自己D眼淚係咁流落黎喇!!!

哎呀… 我諗自己真係癲咗喇! 忽視間覺得自己好似要賣咗恩晞BB去第二到咁… 唔知呢!? 可能今日係星期一晚既關係啦… 要是將恩晞BB送到去女麻女麻到, 實在, 就是說, 張師奶只可以在五日以後, 即是星期五或六才可以接番佢返屋企了… 還記得上幾個星期, 當恩晞BB只係去咗女麻女麻屋企兩日 , 返到黎屋企要重新適應, 見到媽媽又豪無反應時, 個心, 個頭都忽然間痛起上來…  

張師奶…….. 你真係癡咗線喇!!!!!!!!!!!!!!!!!!!!!!!!!!!!!!!!

奈何, 就算是有十萬個, 千萬個唔捨得也沒有法子, 只有這樣子, 婆婆才可徹底咁休息…

執, 執, 執… 就是不斷地諗有乜野要執過去女麻女麻屋企… 在張師奶執拾行李期間, 恩晞BB眼瞓了, 就是叫爸爸先換好衫, 然後用背帶抱住恩晞BB讓她瞓一陣喔!  最終, 晚上十點半鐘,  爸爸就是推著行李帶恩晞BB出門去…

爸爸出門口之際, 媽媽跟瞓著覺既恩晞BB 講BYEBYE, 當爸爸把恩晞BB個頭仔轉過來時, 我呢個媽咪就是唔想亦唔敢望呀, 因為張師奶FEEL到自己D眼淚又開始黎喇!

哎呀! 真係癡咗線喇! 好似要賣咗個恩晞BB咁…  腦海中浮現出“賣仔莫摸頭”呢個說話, 真係癲咗喇!!!!

至於爸爸嘛, 今晚就是同樣留在奶奶屋企瞓, 陪伴恩晞BB適應適應吧!

感恩, 得張先生家人幫忙, 遠住在元朗的姐夫驅車過來馬鞍山接恩晞BB過去, 免得他們兩父女咁夜搭地鐵回去呢…

恩晞BB, 你在女麻女麻屋企要乖乖喔!