2011年2月27日 (星期日)
在教會出席完崇拜同小組活動過後, 返到屋企已接近下午五點鐘了… 張氏夫婦務必要以最高既速度幫恩晞BB沖涼同餵奶, 因為我們要再一次帶恩晞BB返女麻女麻到渡假去, 希望婆婆可以再多休息一星期吧…
一切依計行事, 就是在爸爸幫恩晞BB沖涼期間, 媽媽為恩晞BB執拾行李喔… 餵奶過後, 便帶恩晞BB回天水圍去…
返到女麻女麻屋企已差不多八點鐘了… 本身在媽媽懷中安睡的恩晞BB, 甫到達女麻女麻屋企門口就給女麻女麻叫醒了… 眼矇矇既恩晞BB看到三姑媽的樣子沒有喊反而笑… 此時此刻, 張師奶就是想, “嘩, O係女麻女麻屋企到住過幾日果然不同, 佢好似已熟悉了環境, 也好吧, 得閒可以係女麻女麻屋企住下 培養下感情, 爸爸媽媽又可以放下假, 不是幾好嗎?”
由入屋到食晚飯期間, 恩晞BB也都好好地的… 無論跟女麻女麻, 姑媽, 叔叔, 表姐或是表哥, 個個都笑, 笑, 笑既…. 直至晚飯過後, 女麻女麻把恩晞BB抱到長木椅那邊, 叔叔姑媽開始動身回家時, 這個恩晞BB忽然間大喊 起來, 無論係邊一個抱佢都唔得… 就是把喉嚨有咁大擘咁大黎喊, 進入完全失控狀態… 儘管張氏夫婦用盡任何方法, 攞出恩晞BB平時最鐘意的玩具, 她就是完全失控地喊了四十五分鐘… 咁樣喊法, 當場係喊到嘔啦…
實在, 在恩晞BB喊咗大概十分鐘都唔收聲時, 張師奶就是對張先生細聲說, “我覺得佢知我地想做乜所以咁樣…” 當時一刻, 為著安撫恩晞BB, 張先生就是沒有俾任何反應… 女麻女麻嘛, 由最初開始覺得恩晞BB係因為眼瞓同肚餓, 到看到恩晞BB一直唔收聲時, 到最後也都是說可能恩晞BB知道我地想做乜野… 哈哈, 此時此刻, 張氏夫婦也得投降了… 張師奶就是跟爸爸說, “算啦! 爸爸, 必要時, 我請假湊佢啦…”
恩晞BB喊到連奶也不吃了, 張師奶看在眼內, 就是拿出平常慣用既揹帶出來… 恩晞BB看到揹帶, 就是收聲了五秒鐘… 及至爸爸媽媽真的把她放入揹帶, 她果真開始平伏了一點, 只是喘氣, 唔再大喊… 及至張氏夫婦都把東西收妥以後, 要恩晞BB跟女麻女麻說再見… 就是當張師奶踏出鐵鉀好幾步, 恩晞BB竟然呼了一大啖氣, 好像”甩難”了一樣…
此時此刻, 張氏夫婦對望, 難道恩晞BB這麼小年紀就懂得這些嗎??
由麻麻屋企一直走到輕鐵站期間, 恩晞BB就是不住的把頭往上望, 看到了媽媽跟她對望, 就是把頭伏在媽媽的懷中, 之後就是慢慢地睡著了…
實在, 我們都不知道恩晞BB係唔係真係有咁既感覺… 不過, 將所有野串聯起來, 也就成了恩晞BB的一件兒時往事了….
沒有留言:
張貼留言