一個人在途上..

2011年2月20日 (星期日)

由於張先生今早要留係屋企做公司SUPPORT 既關係, 今天早上嘛, 張師奶只好一個人返教會吧! 因為得張師奶一個人應該搞唔掂恩晞BB嘛, 所以呢, 佢地兩父女留係屋企喇!

自己一個人由公園行返教會, 忽然間, 數個月前的畫面浮現出來了… 係呀, 已有一段時間無自己一個人咁樣行返教會喇! 或者, 因為唔需要推車仔, 又唔需要一袋二袋既關係, 張師奶就是有點點輕散的感覺吧!

今天自己一個, 可以準時返到教會崇拜, 唔需要留在育嬰室, 能夠坐在大堂跟其他教友一同崇拜的感覺真的很實在喔! 說實話, 也許育嬰房有太多瑣事了, 周邊既BB仔哭聲, 又要周不時留意住恩晞BB的動靜, 要完全集中去唱詩聽道真係好難的呢… 

感謝神讓我可以重拾以往返崇拜的感覺…  張師奶就是當自己有一天假期喔!

不過咁, 能夠跟恩晞BB一齊返到教會, 留守在育嬰室的時間, 實在又是另一番美事, 張師奶又有另一種快樂吧!

哈哈... 女人, 就是這樣子貪心, 這樣子麻煩了!!